Matìyò 6:9 - The New Testament in the Babanki language

⁹ Ghə̀ŋ sə ə jɨ̀m, ghə̀ŋ ə̀ jɨ̀mə a jì ghèn alə̀ la: ‘Tìʼ yes a wù diʼ a kàŋ, ne viʼi ə kuʼsə zhiʼ ə wu,

Matìyò 6:9 ပူးပေါင်းရင်းမြစ်များ

Matìyò 10:29

Gaʼa ko və baʼlə mənkwaloʼ mbò to a fəkotə alə̀, alì fəmùʼ fə ko diʼ a fe zi fe zaʼa a nsè, a bwen tò la à kòŋ Tìʼ ghə̀ŋ, ə Nyìngòŋ?

Matìyò 23:9

Kə ghə̀ŋ lù tòŋtə wìʼ fa nse a shèn la Tìʼ byìʼàndo ghə̀ŋ kìʼ tò Tìʼ muʼ, ghə̀ diʼ a kàŋ.

Matìyò 26:29

Mà gàʼà à ghə̀ŋ la mà ko lu be nyʉ məlyʉ̀ʼ mèn əzaʼa fa tʉʼ a mà lu nyʉ məlyʉ̀ʼ məmfimə̀ vəghəŋ a kəshi kə fòyn Tìʼ ghom.”

Matìyò 26:42

Yesò bè bwènə̀ dyʉ̀ sə̀ jɨ̀mə̀ gàʼà la,“Tìʼ ghom a zhʉ a wù ko a shi ndoŋ ngəʼ ghèn fà mò chò la mà nyʉ, wu ə ne ando wù kòŋə̀.”

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Matìyò 6:14

“Ghə̀ŋ sətsèn ə lyèsə̀ ku ənyʉ̀ ə byɨvə vyi a viʼi ə nè a ghə̀ŋ, a Tìʼ ə ghə̀ŋ yi a ghə̀ diʼì a kaŋ ne boŋ lyèsə̀ ku vəŋə.

Matìyò 6:6

Wù nə̀ sə jɨ̀mə̀, wu bòŋsə lye kəshi kə lyomtə kə ə jɨ̀m a Tìʼ wù yi a və ko yenə. Wù jɨm ali, à Tìʼ wu yi a ghə̀ yenə nyʉ̀ kə nlyòmtə nè ku mòʼtə̀ ə wu.

Matìyò 7:11

Viʼi və byɨvə alə̀ to nə̀ ghə̀ŋ lə sətsèn ə nə̀ kɨ ə ku fo ə jùŋvə a vunə, no Tìʼ ghə̀ŋ a kaŋ a faŋ ale ke ku fo ə jùŋvə a viʼi vyì a və bèm a wen a?

Ŋwàʼlə̀ Luk 15:18

Kə boŋ la mà lu ə bwenə pfwo dyʉ̀ yen tìʼ ghom ə gàʼ à wen la, tìʼ mà neli mbyɨ à Nyìngòŋ, be ne à wù.

Ŋwàʼlə̀ Luk 15:21

Wàyn ghèn gàʼ ando ghə̀ yi kwòʼtə̀ li la,‘Tìʼ, ma neli mbyɨ à Nyìngòŋ, be nè à wù. Ma ko bè kwʉʼ və dzàŋ mì nə̀ wàyn wù’.

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

Lumans 8:15

Nyìngòŋ ə nko ku kəzhwì kə fwaynə a ghə̀ŋ ə kə kaʼsə ghə̀ŋ a əkòs. Nyìngòŋ ə ku kəzhwì la kə nè, ghə̀ŋ ə boŋsə diʼ vunə wen, a diʼ kəwenkə a kə kù adyòʼ la vəghəŋ ə dì a Nyìngòŋ, toŋtə Nyìngòŋ la, “Bàba! Tìʼ yès!”

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Gàlesìyà 4:6

Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

1 Timotì 6:16

ghə̀ diʼ ko ə ghə̀ lu ə pfʉ, dìʼ a ntìntìn əbayn yi a wìʼ ə zi ko ghə̀ lə bòʼtə̀ ashɨ ə wen ə ki. Wìʼ ko təmə yen Nyìngòŋ a ghèn, ko ghə̀ diʼ ə lu ə yen. Viʼi diʼ ə ghoʼsə wen. Ghə̀ nsoʼo mbi ghèn no nə̀ kədyòʼ no məzhʉ ntsèm! Amèyn.

1 Bità 1:17

A zhʉ a ghə̀ŋ ə jɨ̀mə̀ a Nyìngòŋ, ghə̀ŋ sə toŋtə wen la Tìʼ, a diʼ wen yi a ghə̀ soʼo viʼi vətsèm, soʼo ali, soʼo no ndò to ndə̀ŋndəŋ. Kə le diʼi la ghə̀ŋ diʼ ə gumlə wen no nànto ando ghə̀ŋ bo tsitə a nse ashen.

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”

Kəmwetə 5:12

Vəwenə nzhɨmə ndzàŋ no a gɨ to la, “Wàyn bi ənjɨ̀ a və̀ nzhwi ə kwʉʼ li ə̀ me əkiʼi kədyòʼ nə̀ əghoʼ, nə̀ ətof, nə̀ gumlə, nə̀ əghoʼsə bènə̀ ə mbwaʼmə̀.”