Matìyò 6:6 - The New Testament in the Babanki language

⁶ Wù nə̀ sə jɨ̀mə̀, wu bòŋsə lye kəshi kə lyomtə kə ə jɨ̀m a Tìʼ wù yi a və ko yenə. Wù jɨm ali, à Tìʼ wu yi a ghə̀ yenə nyʉ̀ kə nlyòmtə nè ku mòʼtə̀ ə wu.

Matìyò 6:6 ပူးပေါင်းရင်းမြစ်များ

Matìyò 14:23

Ando ghə̀ ngàʼà viʼi sə mpfwo, ghə̀ lù kuʼ a kwi pfen tò wen nyɨŋ əjɨ̀m. Tʉʼ sə njɨ vì ghə̀ diʼ tsu tò wen nyɨŋ.

Matìyò 6:18

ndi viʼi ə ko və à kɨ la kə diʼ ali, bamə chʉ̀, a kɨ tò Tìʼ ghə̀ŋ yi a və ko yenə. Ghə̀ŋ nè ali, Tìʼ ghə̀ŋ yi a ghə̀ yenə ənyʉ̀ ə nlyòmtə̀ və nè ku əmòʼtə ə ghə̀ŋə.

Matìyò 6:4

Kə la diʼi la wù lyɨ kəku, kə wù a ku byìʼì ando wù kəŋ la viʼi yen. Wù ne alì, ə Tìʼ wù yi a ghə̀ yenə ənyʉ̀ ə nlyòmtə və ne ku əmòʼtə ə wu.

Joyn 1:48

Nàtanyèl ə bèm a wen la, “Wù jèʼ ale mu kɨ mo a?” Yesò ə gàʼ la, “Mà yi yen wù azhʉ̀ yi a wù yi nyʉ̀ʼ a tsi ə fəkoʼ fə fig mibu Filib ə vi ə ndzàŋ wù.”

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Shwèʼ 10:30

Kòneliyòs bwènsə̀ gàʼ la, “A sə diʼ mətsi nkàʼ luwèn ndo mà tə njɨ̀mə̀ a mò a ngə̀ŋ a shèn a təzhʉ tə taʼ a mbwaʼa kəbə̀ŋ, à sə laʼtə mà yen ando wìʼ ə ti a mò a shɨ mu ghə̀ moʼ ndisə, sə fəfə fəfə be ŋwàŋtə̀,

Shwèʼ 10:9

Tʉʼ layn, vəwenə jèʼ nè sə mboʼsə̀ dyʉ̀ a ntə̀ʼ ayì mu chwìchwì bayn li nto, Bità nkuʼ a kətʉ kə ngə̀ŋ əjɨ̀m,

Shwèʼ 9:40

Bità gàʼ la vəwenə no vətsèm fʉ̀ a kəbəŋ. Vəwenə fʉ̀kə̀, Bità mù gwʉ̀ʼtə alwi wen a nse ə̀ jɨ̀m à Nyìngòŋ, nè jɨ̀m ə̀ mè ə̀ fùʼtə gàʼ à bvenə ayi la, “Tabita, lu.” Ghə̀ bòʼtə̀ ashɨ wen sə lye àdìʼ Bità, ghə̀ lù ŋwʉʼʉ ŋwʉʼʉ.

Lumans 8:5

Viʼi vi a və tsi ando njòsə wensə sə kəŋ ghʉ̀ kətʉ kə vəwenə to nyʉ̀ ə njòsə wen ali viʼi a və tsi ando kəzhwì kə Ŋwoʼkə ə kəŋ ə ghʉ kətʉ̀ kə vəwenə to nyʉ̀ kəzhwì.

Efisyàns 3:14

A le kənyʉ̀ kì a kə tə ne ma gwuʼtə̀ alwi ə ghomə ashɨ ə Tìʼ ə sə jɨ̀mə̀ to jɨmə a ghə̀ŋ,