Matìyò 6:5 - The New Testament in the Babanki language

⁵ “Ghə̀ŋ nə̀ sə jɨ̀m, kə ghə̀ŋ ə wamə ne a diʼ viʼi vətsenəvə. Vəwenə ə kòŋ ə nlù ə tɨmə a aloʼ ntsèntə̀sə jɨ̀mə̀, bè jèʼè jɨ̀mə̀ a mbyɨ̀sə jì sə, kəŋ la viʼi ə̀ nchò yen vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 6:5 ပူးပေါင်းရင်းမြစ်များ

Matìyò 21:22

Ghə̀ŋ sətsèn njɨ̀mə̀ bèmə̀ no ghò à Nyìngòŋ ghə̀ à kù à ghə̀ŋ a zhʉ a ghə̀ŋ kiʼi byɨmə.”

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 23:5

Vəwenə nè no mə ghò tò la və yen vəwenə. Vəwenə nè məmbòtə mə jɨm mə vəwenə a vəwenə kwiʼi à vəwenə à tʉ bènə̀ à vəwenə a kwoŋ nànkwè mə ghoʼkə̀. Vəwenə be nè mbwin vi a vəwenə chətə̀ à vəwenə a təsoŋ tə ndisə və dyə̀fkə̀ no nànto.

Matìyò 23:6

Vəwenə dyʉ̀ a kəshi kə kəzhɨ vəwenə sə kòŋ əkuʼ ŋwʉʼʉ tò a shì ŋaŋtəvə, dyʉ̀ a aloʼ ntsèntə̀sə və kuʼu ŋwʉʼtə tò a mbì.

Matìyò 6:1

“Ghə̀ŋ tùʼmə̀, la kə ghə̀ŋ a nè nyʉ̀ jùŋ və a zhìʼ Nyìngòŋ tò byìʼì ando ghə̀ŋ kəŋ la viʼi yen ghə̀ŋ. Ghə̀ŋ sə tsèn nè ali, kò Tìʼ ghə̀ŋ a ghə̀ dìʼ a kaŋ lə ku mòʼtə̀ à ghə̀ŋ.

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 6:2

“Kə diʼi la, à sətsèn wù ku kəfo a wìʼ a ghə̀ ko kiʼi, kə wù lyɨ kənyʉ̀ kì, njèʼè shə̀ʼtə̀. Viʼi vyì a və wamə wamə ne ənyʉ̀ ə ne və sə jèʼè shə̀ʼtə̀ tò ali nfosə ji nə̀ aloʼ ntsèntə̀sə ndi viʼi ə bwomsə vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kɨ li mwetə əmòʼtə ə vəwenə.

Matìyò 9:38

Ghə̀ŋ jɨ̀m li a Nyìngòŋ yi a ghə̀ diʼ tì sɨm la ghə̀ tɨm kwùʼsə̀ viʼi və shwèʼ və və fʉ pfì pfwo a venə.”

Ŋwàʼlə̀ Mak 11:25

Wù nè tɨ̀mə no a zhʉ̀ kò sə njɨ̀mə̀ nkiʼ kənyʉ̀ wenə̀ wìʼ, wu maʼa kənyʉ̀ akì ndi tìʼ wù yì a ghə̀ diʼ a kàŋ be lyèsə̀ ku mbyɨsə shyə̀sə.

Ŋwàʼlə̀ Mak 12:38

Yesò nè sə nziʼì dyʉ̀ nə̀ vəwenə ə̀ gàʼ la, “Ghə̀ŋ ntùʼmə̀ wenə̀ ndìʼsə̀sə təsoʼ sensə. Vəwenə nkòŋə̀ njèʼè nə̀ vədàlə və ghoʼkəvə a fàf jisə ndi viʼi nyɨŋə vì toŋtə̀ vəwenə,

Ŋwàʼlə̀ Luk 11:43

“Ngəʼ ghoʼo diʼ à ghə̀ŋ, viʼi Falàsi, byìʼàndo ghə̀ŋ kòŋ dyʉ̀ a loʼ ntsentə, Nyìngòŋ ə kuʼ ŋwʉʼmə tò ambì, bè fʉ̀ a woŋ ə kòŋ la viʼi nyɨŋ vì toŋtə̀ ghə̀ŋ.

Ŋwàʼlə̀ Luk 18:1

Yesò bè mò tò mu ngàyn tsen à ndzɨ̀mtə̀ sə bàm wen ə ziʼi vəwenə la vəwenə diʼi jɨ̀mə̀ tò məzhʉ tsèm, kò ve lù bwaʼa.

Ŋwàʼlə̀ Luk 18:13

Wìʼ yì a ghə̀ tinə kənsè lì sə jɨ̀mə ti tò kəghaf, kò ghə̀ lə kòŋ əki kuʼsə nə̀ kaŋə ali ghə̀ ghʉ kəvu kə wen a wen kədʉʼ tò a nshinsə a nshinsə jɨ̀mə̀ gàʼà la, ‘Nyìngòŋ, kusə shinsə à mò, mà diʼ wù nyʉ̀ byɨvə!’

Ŋwàʼlə̀ Luk 20:47

Vəwenə kòŋə lobtə kyì mpfʉ̀ ə shi, fo vəwenə no tsèm, wamə ə diʼ la vəwenə diʼ viʼi və jùŋvə, byìʼì ando vəwenə jɨ̀mə̀ lòtə̀. Nyìngòŋ lə ku ngəʼ byìʼì vəwenə.”

Ŋwàʼlə̀ Luk 6:24

Alì ngəʼ ghoʼo diʼ à ghə̀ŋ viʼi və ghoʼkə və byìʼàndo ghə̀ŋ kiʼi li njùŋ ghə̀ŋ.

Joyn 16:24

Ə zàʼa fa luwen, ghə̀ŋ ko bèmə kəfo chò fa mo əzhiʼ. Ghə̀ŋ bèm, a ghə̀ŋ a kiʼi, ə kiʼi saŋlə, ghə̀ŋ kuʼ kwʉ̀ʼ.

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

1 Tèsàlonyà 5:17

jɨ̀mə̀ a Nyìngòŋ ə to məzhʉ̀ ə tsèm.

Jems 4:6

Alì boŋə tyɨm ə̀ wen à vəghəŋ ə kwi dyʉ̀ tò nə̀ mbì. Ŋwàʼlə̀ Nyìngòŋ ə mu sə gàʼà la, “Nyìngòŋ ə ko kòŋ viʼi a və kuʼsə̀ təwen tə vəwenə, alì kiʼ boŋə tyɨmə à viʼi a və shiʼsə̀ təwen tə vəwenə.”