Matìyò 6:31 - The New Testament in the Babanki language

³¹ “Kə ghə̀ŋ ə kaynə mbyì bèmə la, ‘Yès ə ne zhɨ gho a, yès ə ne nyʉ gho, yès ə ne mòʼ gho lo?’

Matìyò 6:31 ပူးပေါင်းရင်းမြစ်များ

Matìyò 15:33

Ndzɨ̀mtə̀sə bàm wen sə bèm à wen la, “Vəghəŋ lè zì vəghəŋ lyɨ fozhɨvə fa fe a shə̀, kəshi kèn kə diʼ a bàm ə və kwʉʼ ə zhis ghèn nòyn viʼi tsu a?.”

Matìyò 4:4

Yesò bwènsə̀ gàʼ a wen la,“Və nyòʼ li a ŋwàʼlə̀ Nyìngòŋ la,‘Wìʼ’ ko zì ghə̀ tsi tò byìʼì kəfo kəzhɨkə, alì tsi byìʼì no kənyʉ̀ kə kò a Nyìngòŋ gàʼà.”

Matìyò 6:25

“Ma sətsèn ə nə̀ ə gàʼa a ghə̀ŋ la, kə ghə̀ŋ ə kàynə mbyì kùmə̀ ntsìnə̀ ghə̀ŋ. Kə wìʼ ə fa ghə̀ŋ ne kàynə mbyì la yi ne zhɨ gho a, yi ne nyʉ̀ gho a kò la yi ne mòʼ gho a yi əwen a. Wu la gàʼa la ntsìnə̀ ə wìʼ ə nə̀ ko chò fozhɨvə a, əwen ə wìʼ ə ko chò ndisə a?

Matìyò 6:27

A lè diʼ no ndò fà ghə̀ŋ a ntìntìn a ghə̀ zì ghə̀ kwʉʼsə ngʉʼsə wen a mbyi fambwo ghə̀ kaynə mbyi a?

Ŋwàʼlə̀ Luk 10:41

Bobo toŋtə wen ə gàʼ la “Matà, Matà, nyʉ̀ sə̀ ku ngəʼ à wù no ghoʼo.

Ŋwàʼlə̀ Luk 12:11

“Və sətsen ghaʼ ghə̀ŋ ə dyʉ̀ nə̀ ghə̀ŋ ashɨ viʼi a və soʼo nsoʼ a ngə̀ŋ ntsentə, kò ashɨ tʉtʉ loʼ, kə ghə̀ŋ nə̀ kayntə la ghə̀ŋ a gàʼ la ghò ndi shisə̀ tə wen təŋtə fa kənyʉ̀ lo,

Ŋwàʼlə̀ Luk 12:22

Yesò mù gàʼ à ndzɨ̀mtə̀sə bàm wen la, “A lè kənyʉ̀ a kə nè mà sə gàʼ à ghə̀ŋ la kə ghə̀ŋ à kayntə mbyi kùmə̀ ntsìnə̀ ghə̀ŋ. Kə wìʼ fa ghə̀ŋ à kayntə mbyì la ghə̀ nè zhɨ ghò lo, kò la ghə̀ ne moʼ gho a yi a wen lo.

Ŋwàʼlə̀ Luk 12:29

“Kə ghə̀ŋ zhuŋsə təwen təŋtə kwòʼtə̀ la ghə̀ŋ nə̀ zhɨ gho kò nyʉ gho lo.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

1 Bità 5:7

Ghə̀ŋ lyɨ̀ nyʉ̀ vyi no tsèm a və ku ngəʼ a ghə̀ŋ ə vi kù a wen byìʼì ando ghə̀ tuʼmə.