Matìyò 6:27 - The New Testament in the Babanki language

²⁷ A lè diʼ no ndò fà ghə̀ŋ a ntìntìn a ghə̀ zì ghə̀ kwʉʼsə ngʉʼsə wen a mbyi fambwo ghə̀ kaynə mbyi a?

Matìyò 6:27 ပူးပေါင်းရင်းမြစ်များ

Matìyò 5:36

Kə wìʼ à kàyn tè bè a kətʉ kə wen byiʼàndo ghə̀ zì kò ghə̀ lə nè la nyɨ̀ŋ muʼ fa tsu fɨf kò la ghə̀ fen.

Matìyò 6:25

“Ma sətsèn ə nə̀ ə gàʼa a ghə̀ŋ la, kə ghə̀ŋ ə kàynə mbyì kùmə̀ ntsìnə̀ ghə̀ŋ. Kə wìʼ ə fa ghə̀ŋ ne kàynə mbyì la yi ne zhɨ gho a, yi ne nyʉ̀ gho a kò la yi ne mòʼ gho a yi əwen a. Wu la gàʼa la ntsìnə̀ ə wìʼ ə nə̀ ko chò fozhɨvə a, əwen ə wìʼ ə ko chò ndisə a?

Matìyò 6:28

“Byìʼì gho a ghə̀ŋ kayn mbyì byìʼì ndisə a? Ghə̀ŋ ki li to ndo əlaŋ ətoʼ ə kwi kuʼ atoʼ, bè tu a. Kò ghə̀ təmə ə shwèʼ kəfo kò la tas ə ndisə ə nə̀ mòʼ.

Matìyò 6:31

“Kə ghə̀ŋ ə kaynə mbyì bèmə la, ‘Yès ə ne zhɨ gho a, yès ə ne nyʉ gho, yès ə ne mòʼ gho lo?’

Matìyò 6:34

Kə ghə̀ŋ be nkàyn mbyì byìʼì boʼòngə̀ŋ byìʼì ando ngəʼ ə boʼòngə̀ŋ ə kwʉʼ tò a boʼòngə̀ŋ. No kətsi kə ko nə̀ kiʼi ngəʼ, ghə̀ kwʉʼ tò a kətsi a kì.

Ŋwàʼlə̀ Luk 10:41

Bobo toŋtə wen ə gàʼ la “Matà, Matà, nyʉ̀ sə̀ ku ngəʼ à wù no ghoʼo.

Ŋwàʼlə̀ Luk 12:11

“Və sətsen ghaʼ ghə̀ŋ ə dyʉ̀ nə̀ ghə̀ŋ ashɨ viʼi a və soʼo nsoʼ a ngə̀ŋ ntsentə, kò ashɨ tʉtʉ loʼ, kə ghə̀ŋ nə̀ kayntə la ghə̀ŋ a gàʼ la ghò ndi shisə̀ tə wen təŋtə fa kənyʉ̀ lo,

Ŋwàʼlə̀ Luk 12:22

Yesò mù gàʼ à ndzɨ̀mtə̀sə bàm wen la, “A lè kənyʉ̀ a kə nè mà sə gàʼ à ghə̀ŋ la kə ghə̀ŋ à kayntə mbyi kùmə̀ ntsìnə̀ ghə̀ŋ. Kə wìʼ fa ghə̀ŋ à kayntə mbyì la ghə̀ nè zhɨ ghò lo, kò la ghə̀ ne moʼ gho a yi a wen lo.

1 Kolìntyàns 12:18

Əwèn wìʼ ədiʼ alə̀ mu Nyìngòŋ ə ne əghʉ̀ la no tèbe kəbàs kə kò kə ə ndiʼ to a ji yi a ghə̀ kòŋ fa tsù.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

1 Bità 5:7

Ghə̀ŋ lyɨ̀ nyʉ̀ vyi no tsèm a və ku ngəʼ a ghə̀ŋ ə vi kù a wen byìʼì ando ghə̀ tuʼmə.