Matìyò 6:25 - The New Testament in the Babanki language

²⁵ “Ma sətsèn ə nə̀ ə gàʼa a ghə̀ŋ la, kə ghə̀ŋ ə kàynə mbyì kùmə̀ ntsìnə̀ ghə̀ŋ. Kə wìʼ ə fa ghə̀ŋ ne kàynə mbyì la yi ne zhɨ gho a, yi ne nyʉ̀ gho a kò la yi ne mòʼ gho a yi əwen a. Wu la gàʼa la ntsìnə̀ ə wìʼ ə nə̀ ko chò fozhɨvə a, əwen ə wìʼ ə ko chò ndisə a?

Matìyò 6:25 ပူးပေါင်းရင်းမြစ်များ

Matìyò 10:19

Və ghaʼ ghə̀ŋ ali, kə ghə̀ŋ ə kaynə mbyì la ghə̀ŋ dyʉ̀ gàʼa la gho lo, kə ghə̀ŋ kayn no la ghə̀ŋ dyʉ̀ gàʼa ale, byìʼàndo ghə̀ŋ dyʉ̀ zaʼa tsu, ə və shə̀ʼtə̀ kənyʉ̀ ki kə a ghə̀ŋ a gàʼa.

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 6:31

“Kə ghə̀ŋ ə kaynə mbyì bèmə la, ‘Yès ə ne zhɨ gho a, yès ə ne nyʉ gho, yès ə ne mòʼ gho lo?’

Matìyò 6:34

Kə ghə̀ŋ be nkàyn mbyì byìʼì boʼòngə̀ŋ byìʼì ando ngəʼ ə boʼòngə̀ŋ ə kwʉʼ tò a boʼòngə̀ŋ. No kətsi kə ko nə̀ kiʼi ngəʼ, ghə̀ kwʉʼ tò a kətsi a kì.

Ŋwàʼlə̀ Mak 13:11

Və ghaʼ ghə̀ŋ sə ndyʉ̀ nə̀ ghə̀ŋ a kəbòʼ kə nsoʼ, kə ghə̀ŋ a nkaynə mbi la ghə̀ŋ a dyʉ̀ ə gàʼ la ghò lo. Ghə̀ŋ dyʉ̀ ghə̀ŋ gàʼà tò kənyʉ̀ kì a və a ku la ghə̀ŋ gàʼ a zhʉ ayì byìʼàndo à ko lu ngàʼà ghə̀ŋ. A lu ngàʼà kəzhwì kəŋwoʼəkə.

Ŋwàʼlə̀ Mak 4:19

alì nyʉ mbi bènə̀ kòŋ yi a viʼi kòŋə̀ ghoʼ bènə̀ kòŋ a viʼi kòŋə̀ fo mbi tsenəvə mù sə tàʼsə̀ vəwenə kò andìʼ la gàʼ ayi a kumə ashɨ a vəwenə a ntsìnə̀sə.

Ŋwàʼlə̀ Luk 12:11

“Və sətsen ghaʼ ghə̀ŋ ə dyʉ̀ nə̀ ghə̀ŋ ashɨ viʼi a və soʼo nsoʼ a ngə̀ŋ ntsentə, kò ashɨ tʉtʉ loʼ, kə ghə̀ŋ nə̀ kayntə la ghə̀ŋ a gàʼ la ghò ndi shisə̀ tə wen təŋtə fa kənyʉ̀ lo,

Ŋwàʼlə̀ Luk 8:14

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

1 Kolìntyàns 7:32

Ma kəŋ la kə kənyʉ̀ kə fɨŋsə ghə̀ŋ. Wìʼ yi a ghə̀ ko lam ə ghʉ̀ kətʉ̀ ə nè nyʉ̀ a Bobo, mwomsə ə ne la Bobo ə saŋlə.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

2 Timotì 2:4

No te sugyèʼ ə ko ə mwòmsə ə ne əshwèʼ ə wen a nkàyn ndi ə nè la kətʉ kə shwèʼ wen ə nsaŋlə̀. Ghə̀ ko moʼ wenə wen a kənyʉ̀, a kə ko diʼ shwèʼè ə sugyèʼ.

1 Bità 5:7

Ghə̀ŋ lyɨ̀ nyʉ̀ vyi no tsèm a və ku ngəʼ a ghə̀ŋ ə vi kù a wen byìʼì ando ghə̀ tuʼmə.