Matìyò 6:23 - The New Testament in the Babanki language

²³ Ali, mu ashɨ a wu sətsèn ə faŋ ke ndiʼ a nkàyn, wù a jèʼè tò a ntìntìn mfɨnə̀ nə̀ wenə wu no tsèm. Ke la diʼi la ashɨ ə wu sətsèn ə nə̀ faŋ ke ku bayn no fa mpfen, ə wù a ndiʼ no a ntìntìn mfɨnə̀ ə kaynə!

Matìyò 6:23 ပူးပေါင်းရင်းမြစ်များ

Matìyò 20:15

Adìʼ la, mà ko kiʼ adyòʼ ənè kənyʉ̀ a ma kòŋə̀ ne nə̀ ko ghomə mu? Ma kɨ li la wù fwisə tin tò byìʼàndo kəvu komkə bòʼtə̀ à viʼi vətsèm.’”

Matìyò 6:22

“Ashɨ ə wìʼ ə diʼ to nə̀ làm a wen a wèn. Ashɨ ə wu sətsèn ə ndiʼ a nkàyn, ə wenə wu ə tsèm sə diʼ nə̀ baynə.

Ŋwàʼlə̀ Mak 7:22

tsi nə̀ ki viʼi kò nə̀ vəlɨm və viʼi, kiʼ ashɨ kəmbàŋbàŋ, kiʼ tyɨm byɨghə, lobtə̀ viʼi, ku kətʉ kə diʼikə à viʼi, kiʼ kəghəʼ a viʼi, zhò kùwòŋ, kiʼ ghaŋsə wèn bènə̀ kəndzɨ̀ŋtə̀.

Ŋwàʼlə̀ Luk 11:34

Ashɨ wù diʼ kənkàʼtə̀ kə wen. Ashɨ wù sətsen ndiʼ a nkàyn, wenə wu no tsèm sə bayn. Ali ashɨ wu sətsen byif, wenə wu no tsèm à ndiʼ a nfɨnə̀.

Ŋwàʼlə̀ Luk 8:10

Yesò bwènsə̀ la, “Nyìngòŋ kuli tof à ghə̀ŋ la ghə̀ŋ nzhʉ be kɨ nyʉ̀ lyomtəvə vyi a və diʼì kùmə̀ soʼ fòyn Nyìngòŋ, alì a viʼi vətsen və, mà gàʼà tò ngàynsə ndi vəwenə nki shi alì kò vəwenə lə yenə kəfo, bè zhʉ nyʉ̀ kò vəwenə lə kɨ la və gàʼà la ghò lo.

Lumans 1:22

Vəwenə kwoʼtə la və tofə tofə ali mu və kaʼkə li a ngu viʼi.

1 Kolìntyàns 2:14

Wìʼ yi a ghə̀ ko kiʼ kəzhwì kə Ŋwoʼkə ə tyenə əfo vyi a kəzhwì kə Nyìngòŋ əku, byìʼì ando à diʼ əfo kəkoyn a wen. Ghə̀ zizi ko ghə̀ lu ə kɨ əfo a venə byìʼì ando à zizi a ne to Kəzhwì kə Ŋwoʼkə la ghə̀ ə kɨ.

Efisyàns 4:18

Vəwenə zhʉ ko andiʼ la və kɨ kənyʉ̀, ko və kɨ kənyʉ̀ kumə ntsìnə̀ Nyìngòŋ byìʼì kəkoyn kə vəwenə mu à vi nə̀ kətʉ̀kə ə tokə kì a vəwenə ə kiʼi.

Efisyàns 5:8

Ghə̀ŋ diʼ alə̀ mu ghə̀ŋ ə ndiʼ ati kəbəŋ kə fenəkə to nə̀ viʼi a venə, ali ando ghə̀ŋ sə diʼ vye və Nyìngòŋ luwen, ghə̀ŋ sə diʼ a tyi kəbəŋ kə baynəkə. Ji a ghə̀ŋ ə tsi luwen diʼi ndiʼ to nə̀ vunə kəbəŋ kəbaynəkə.

1 Joyn 2:11

Alì a mbàynə̀ no tè ndò bàynə̀ lèmə̀ wen mu ghə̀ tsi a mfɨnə̀ be jèʼè tò tyì mfɨnə̀ ayì. Ghə̀ ko kɨ tè kəshi a ghə̀ dyʉ̀ tsu byìʼàndo mfɨnə̀ ayì ə fyifsə̀ li ashɨ wen.