Matìyò 6:1 - The New Testament in the Babanki language

¹ “Ghə̀ŋ tùʼmə̀, la kə ghə̀ŋ a nè nyʉ̀ jùŋ və a zhìʼ Nyìngòŋ tò byìʼì ando ghə̀ŋ kəŋ la viʼi yen ghə̀ŋ. Ghə̀ŋ sə tsèn nè ali, kò Tìʼ ghə̀ŋ a ghə̀ dìʼ a kaŋ lə ku mòʼtə̀ à ghə̀ŋ.

Matìyò 6:1 ပူးပေါင်းရင်းမြစ်များ

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Matìyò 16:6

nè dyàŋ zaʼa tsu, Yesò gàʼ à vəwenə la, “Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 23:5

Vəwenə nè no mə ghò tò la və yen vəwenə. Vəwenə nè məmbòtə mə jɨm mə vəwenə a vəwenə kwiʼi à vəwenə à tʉ bènə̀ à vəwenə a kwoŋ nànkwè mə ghoʼkə̀. Vəwenə be nè mbwin vi a vəwenə chətə̀ à vəwenə a təsoŋ tə ndisə və dyə̀fkə̀ no nànto.

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Matìyò 5:46

Ghə̀ŋ sətsèn kòŋə̀ tò viʼi vyi a və kòŋə̀ ghə̀ŋ, Nyìngòŋ lu ku mòʼtə̀ jùŋ ghə̀ à ghə̀ŋ byìʼì ghò? Gàʼ a kò viʼi vyi a və tinə kənsè nè tò ndə̀ŋndəŋ?

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 6:9

Ghə̀ŋ sə ə jɨ̀m, ghə̀ŋ ə̀ jɨ̀mə a jì ghèn alə̀ la: ‘Tìʼ yes a wù diʼ a kàŋ, ne viʼi ə kuʼsə zhiʼ ə wu,

Ŋwàʼlə̀ Mak 8:15

Yesò gàʼ à vəwenə la, “Ghə̀ŋ ntùʼmə̀ byìʼì fəshɨ̀ŋ fìfə a Və Falàsi bènə̀ Helòd kiʼi à vəwenə a ntìntìn.”

Ŋwàʼlə̀ Luk 11:35

Ghə̀ŋ ntùʼmə̀ la kə bayn yi a ghə̀ŋ kiʼi li à kaʼkə ndiʼ nfɨnə.

Ŋwàʼlə̀ Luk 12:1

A ndiʼ ando Yesò ngàʼà nyʉ̀ venə, viʼi tsèntə̀ a nkamsə a nkamsə ghə̀ zìtə̀ mù sə gàʼà ndzɨ̀mtə̀sə bàm wen la, “Ghə̀ŋ ntùʼmə̀ kùmə̀ viʼi Falàsi venə a vəwenə diʼi la vəwenə diʼi viʼi Nyìngòŋ ali kò a ndiʼ fa vəwenə tətyɨm.

Ŋwàʼlə̀ Luk 12:15

Ghə̀ bè dyʉ̀ a mbì əgàʼ à nòyn ayi la, “Ghə̀ŋ ə ntùʼmə̀ kumə kənbàŋbàŋ byiʼ ando ntsìnə̀ ko diʼ tò byìʼì fo ghoʼvə vyi a ghə̀ kiʼi, kòŋ ghə̀ nkiʼi ghoʼ no tə ale.”

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

Joyn 12:43

Vəwenə ə kòŋ la viʼi mbwomsə vəwenə chò la a mbwomsə Nyìngòŋ.

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Shwèʼ 3:12

Bità nè yèn a lì, mù bèm à viʼi a vyi la, “Viʼi Islel! Byìʼì ghò a ghə̀ŋ diʼì nə̀ kanə kùmə̀ kənyʉ̀ kènkə a? Byìʼì ghò a ghə̀ŋ ə tyùŋə ashɨ à yès a wèn sə à nè yès nə̀ kədyòʼ kə ngə̀ŋ ə̀ yès a? Ghə̀ŋ kwoʼtə la yès nè we kèn fa mbo yès ə fàynə̀ Nyìngòŋ no akàyn mu?

Gàlesìyà 6:12

Viʼi vyi a və soʼ ghə̀ŋ la və shətə ə ndyə̀ ghə̀ŋ diʼ viʼi a və kəŋə ə ndiʼi əwen la vəwenə diʼ a nkayn. Vəwenə ne alə byìʼì ando vəwenə ə fwàynə̀ la vəwenə sətsen ə ziʼi la viʼi diʼ bwòŋ byìʼì əpfʉ̀ ə Klistò a kəntò, viʼi a ntsuʼ kəghʉ kə vəwenə.

Hibùlù 11:26

Mosìs ə nyen li la kə boŋsə boŋ no nànto ə və ntelə wen byìʼì Yesò chò əghoʼ yi ghə̀ nkiʼi alòʼ ə Ijìb. Ghə̀ mboŋsə ki dyʉ̀sə nə̀ əmoʼtə yi a Nyìngòŋ ə ndiʼ lù ku a wen.

Hibùlù 2:1

Ənyʉ̀ na venə ə diʼi la vəghəŋ ə diʼ ə be ə tuʼtə̀ ə ghaʼ kənyʉ̀ na kènkə a vəghəŋ zhʉ̀ lə ndi vəghəŋ na faŋ kò və lə ə ndì.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

2 Joyn 1:8

Ghə̀ŋ tuʼmə la kə ghə̀ŋ nè lè kəfo kì a ghə̀ŋ shwèʼè, kəŋə kiʼi. Ghə̀ŋ ə bòŋsə̀ kəŋə jì əkiʼi ə zhùʼtə̀ ayi no tsèm.