Matìyò 5:46 - The New Testament in the Babanki language

⁴⁶ Ghə̀ŋ sətsèn kòŋə̀ tò viʼi vyi a və kòŋə̀ ghə̀ŋ, Nyìngòŋ lu ku mòʼtə̀ jùŋ ghə̀ à ghə̀ŋ byìʼì ghò? Gàʼ a kò viʼi vyi a və tinə kənsè nè tò ndə̀ŋndəŋ?

Matìyò 5:46 ပူးပေါင်းရင်းမြစ်များ

Matìyò 11:19

Wàyn Wìʼ nvi sə zhɨ bè nyʉ, və ngàʼ la ghə̀ yi a ghə̀ zhɨ chò, nyʉ chò be diʼ ndoŋ wenə̀ viʼi tinə kənsè bènə̀ viʼi və byɨvə vətsenvə! tè a lì tof Nyìngòŋ dìʼì la ghə̀ diʼ nəmwèʼè à viʼi a və dzɨ̀mtə̀ wenə ghə̀.”

Matìyò 18:17

Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”

Matìyò 5:47

Ghə̀ŋ sətsèn toŋtə̀ tò ndoŋ shəŋsə, nə̀ nkwoŋ tsu à ndiʼ ghò? Gàʼ a kò tè viʼi vyi a və ko kɨ Nyìngòŋ be nè tò ndə̀ŋndəŋ kənyʉ̀?

Matìyò 6:1

“Ghə̀ŋ tùʼmə̀, la kə ghə̀ŋ a nè nyʉ̀ jùŋ və a zhìʼ Nyìngòŋ tò byìʼì ando ghə̀ŋ kəŋ la viʼi yen ghə̀ŋ. Ghə̀ŋ sə tsèn nè ali, kò Tìʼ ghə̀ŋ a ghə̀ dìʼ a kaŋ lə ku mòʼtə̀ à ghə̀ŋ.

Ŋwàʼlə̀ Mak 2:15

Yesò wenə̀ ndzɨ̀mtə̀sə bàm wen nè dyʉ̀ ŋwʉʼʉ a kəshi kə kəzhɨ a ngə̀ŋ Levì viʼi ntinə kənsè vətsenvə bènə̀ viʼi nè nyʉ̀ byɨvə vətsenvə no vəghoʼo vì tsèntə̀ Yesò wenə̀ ndzɨ̀mtə̀sə bàm wen a kəshi kə kəzhɨ byìʼàndo andìʼ a lì viʼi jèʼè fa bàm Yesò no vəghoʼo.

Ŋwàʼlə̀ Mak 2:16

Ndìʼsə̀sə təsoʼ shì bènə̀ Falàsi vi a və ndiʼì tsu nè yèn ando ghə̀ zhɨ wenə̀ viʼi ne nyʉ̀ byɨvə bènə̀ viʼi tinə̀ kənsè, mù sə bèmə̀ à ndzɨ̀mtə̀sə bàm wen la, “Byìʼì ghò a ghə̀ zhɨ wenə̀ viʼi tinə̀ kənsè bènə̀ viʼi nè nyʉ̀ byɨvə vətsenvə a?”

Ŋwàʼlə̀ Luk 15:1

Tʉʼ layn kətsi kətsenkə, viʼi vyi a və tinə kənsè bènə̀ viʼi ne nyʉ̀ byɨvə və tsen və sə dyʉ̀ a mbyɨ̀ Yesò ədyʉ̀ zhʉtə ziʼi wen.

Ŋwàʼlə̀ Luk 18:13

Wìʼ yì a ghə̀ tinə kənsè lì sə jɨ̀mə ti tò kəghaf, kò ghə̀ lə kòŋ əki kuʼsə nə̀ kaŋə ali ghə̀ ghʉ kəvu kə wen a wen kədʉʼ tò a nshinsə a nshinsə jɨ̀mə̀ gàʼà la, ‘Nyìngòŋ, kusə shinsə à mò, mà diʼ wù nyʉ̀ byɨvə!’

Ŋwàʼlə̀ Luk 19:2

Wùtsen ndiʼ a ntə̀ʼ ayì, və dzàŋ wen nə̀ Zàkyòs, Ghə̀ ndiʼ kətʉ kə viʼi vyì a və tinə kənsè, be diʼ wu ghoʼo.

Ŋwàʼlə̀ Luk 19:7

Viʼi yen sə dèmkə̀ gàʼ à la, “Ghə̀ dyʉ̀ sə̀ diʼ wù ghàyn a wen a ngə̀ŋ wù nè nyʉ̀ byɨvə.”

Ŋwàʼlə̀ Luk 3:12

Viʼi a və ntinə kənsè boŋ vì əshi mu ə bèm à wen la “Yes la nè gho a ndìʼsə̀?”

Ŋwàʼlə̀ Luk 5:29

Levì shə̀tə̀ no ntaʼ ghoʼo à wen à ngə̀ŋ à Yesò. Viʼi vì tsu no və ghoʼo boʼsə nə̀ viʼi tinə kənsè, wen vəwenə mù sə̀ zhɨ.

Ŋwàʼlə̀ Luk 5:30

Viʼi Falàsi vətsevə nə̀ ndìʼsə̀sə təsoʼ mù sə dèmkə̀ bèmə a ndzɨ̀mtə̀sə bàm Yesò la, “Byiʼi ghò a ghə̀ŋ zhɨ bè nyʉ ghə̀ŋ viʼi a və tinə kənsè bènə̀ viʼi nè nyʉ̀ byɨvə a?”

Ŋwàʼlə̀ Luk 7:29

Viʼi vətsèm əboʼsə nə̀ viʼi tinə kənsè nè zhʉ gàʼà Yesò sə̀ bwomsə̀ Nyìngòŋ byìʼàndo vəwenə nshi mu fa Joyn.

Ŋwàʼlə̀ Luk 7:34

Wàyn Wìʼ nvi sə zhɨ, bè nyʉ, ghə̀ŋ ngàʼ la, ‘Ghə̀ zhɨ chòsə̀ bè dìʼ ndoŋ wenə viʼi a və tinə kənsè bènə̀ viʼi nè nyʉ̀ byɨvə vətsenvə!’