Matìyò 5:22 - The New Testament in the Babanki language

²² Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Matìyò 5:22 ပူးပေါင်းရင်းမြစ်များ

Matìyò 10:17

Ghə̀ŋ tùʼmə̀. Və lu ghaʼ ku ghə̀ŋ la və soʼo bè ghòm ghə̀ŋ a vəwenə a loʼ soʼ nsoʼsə nə̀ a lo aloʼ ntsèntə̀sə vəwenə.

Matìyò 10:28

Kə ghə̀ŋ ə fàyn viʼi vyì a və zi ə və zhwì toʼ kətsoʼ kəwen ə wìʼ, alì mu və zi ko və zhwi kəzhwì kə wen. Ghə̀ŋ nə̀ bòŋsə fàyn tò Nyìngòŋ. Ghə̀ kiʼ kədyòʼ ə byɨsə kəzhwì kə wìʼ nə̀ kətsoʼ kə wen a zhìʼ.

Matìyò 12:24

Viʼi Falàsi zhʉ kənyʉ̀ akì mù sə gàʼà la, “A ku fòyn zhwì byɨvə a dìʼì Belzibùl ku kədyòʼ à wen la ghə̀ ndzɨ̀mə̀ shìsə̀ zhwi byɨvə avenə.”

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 18:21

Bità mù fʉ̀tə̀ vì ə̀ bèm a Yesò la “Bobo, lèmə̀ ghom lè mù sətsèn ə nè mbyɨ à mò tò ne, mà màʼà mbyɨsə wen aghayn à shə̀ʼ? Mà màʼà nyʉ̀ byɨvə wen ədyʉ̀ zaʼa aghayn sòmbo mu?”

Matìyò 18:35

Yesò mò ngàyn ayì mwètə̀ mù gàʼ la, A lè ando Tìʼ ghom a kàŋ lu nè no tè à ndo à ghə̀ŋ a ntìntìn a zhʉ a ghə̀ fàŋ ke lyèsə̀ ə ku lèmə̀ wen fà wen a tyɨm.”

Matìyò 23:15

Ngəʼ ghoʼo diʼ à ghə̀ŋ ndìʼsə̀sə təsoʼ wenə̀ viʼi Falàsi, ghə̀ŋ viʼi kənbɨ̀lə̀ kə ashɨ. Ghə̀ŋ jèʼè kəghaf be təmə mu mə ntomə̀ to ndi nè la wìʼ muʼ zhʉ byɨmə kənyʉ̀ a ghə̀ŋ dìʼsə̀. No a zhʉ̀ kò a ghə̀ŋ nè ghə̀ byɨmə, ghə̀ŋ sə shyèʼè wenə̀ vəwenə ənè la ghə̀ kwʉʼ ədyʉ̀ a zhìʼ chò tè ghə̀ŋ.

Matìyò 23:33

Zhusə sə byɨsə sènsə ghə̀ŋ le lu nè no ghò la kə Nyìngòŋ lù soʼ ghə̀ŋ tɨ̀m ghə̀ŋ a kəshi kə zhìʼ byɨghə a?

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Matìyò 26:59

Tʉtʉ vəpfèm və ngə̀ŋ Nyìngòŋ bènə̀ ntsèntə̀ viʼi nsoʼsə ayì no tsèm mù sə kəŋə viʼi la və vi gàʼ nyʉ ndzɨ̀ŋsə byìʼì Yesò ndi və zhwi wen,

Matìyò 3:17

Tò a zhʉ a ghèn, gɨ fʉ vì fa kàŋ ə gàʼ la,“Ghèn diʼ wàyn kòŋ mò, mà saŋlə byìʼì wen nə̀ kwoŋ.”

Matìyò 5:34

Alì mà gàʼ à ghə̀ŋ luwen la, kə wìʼ à kàyn a zhʉ a ghə̀ ghʉ kənyʉ̀ no fa mpfen. Kə wìʼ à kàyn a zhiʼi Nyìngòŋ a kàŋ byiʼàndo kàŋə diʼ kəfoyn kə fòyn Nyìngòŋ.

Matìyò 5:44

Alì mà gàʼà ghə̀ŋ luwen la ghə̀ŋ kòŋ viʼi kəbàyn ghə̀ŋ ə jɨ̀m à viʼi vyi a və tsuʼu aghʉ ghəŋə.

Ŋwàʼlə̀ Mak 14:55

Tʉtʉ vəpfèm və ngə̀ŋ Nyìngòŋ bènə̀ nòyn viʼi soʼò nsoʼsə shì no tsèm mù sə̀ kəŋə viʼi la və vi gàʼ kənyʉ̀ kə byɨkə kùmə̀ Yesò ndi və zhwi wen, alì kò vəwenə lù yèn no kənyʉ̀ kə mùʼ.

Ŋwàʼlə̀ Mak 15:1

Tʉʼ lan, tʉtʉ vəpfèm və ngə̀ŋ Nyìngòŋ, vəchəʼ, ndìʼsə̀sə təsoʼ bènə̀ viʼi soʼo nsoʼsə vi no vətsèm ghàʼa ə̀ ntsèntə̀ ə̀ bàʼtə nyʉ̀ vəwenə mù kwìʼ Yesò ə̀ dyʉ̀ nə̀ wen à Bilate.

Ŋwàʼlə̀ Luk 12:5

Ma shə̀ʼtə̀ wìʼ à ghə̀ŋ a ghə̀ŋ diʼi fàyn. Ghə̀ŋ diʼi bòŋsə fàynə tò Nyìngòŋ a ghə̀ kiʼi kədyòʼ əzhwi ghə̀ŋ, bè kiʼ kədyòʼ wye ghə̀ŋ a kəshi kə zhìʼ. Ma gàʼà ghə̀ŋ no nəmwèʼè la ghə̀ŋ fàyn tò wen!

Ŋwàʼlə̀ Luk 22:66

Ando tʉʼ nlaynə vəchəʼ nə̀ tʉtʉ vəpfèm ngə̀ŋ Nyìngòŋ bènə̀ ndìʼsə̀sə təsoʼ tsèntə, və lyɨ̀ Yesò vì nə̀ wen a vəwenə ashɨ.

Joyn 11:47

Vəwenə ghaʼ ntsèntə̀ wenə tʉtʉ vəpfèm və ngə̀ŋ Nyìngòŋ sə ghoʼkəsə nə̀ viʼi və soʼ nsoʼsə ə bèm la, “vəghəŋ a nè ale? Yen nyʉ̀ ə kaynəvə vyi a wìʼ ə ghèn mwomə a.

Joyn 15:25

Nò tèbe ali, kə tə ə diʼ ə fʉ to ji na ghèn ndiʼ kənyʉ̀ ki a və nyoʼo a vəwenə a soʼ la, ‘Ghə̀ŋ tə ə bàynə̀ mò to kədyàŋ,’ kwʉʼ.

Joyn 7:20

Tənòyn a titə ə bwensə la, “Wù diʼ alə̀ kiʼi kəzhwì kə kəbɨkə! A kəŋ ə zhwi ndò ə zhwi wù a?”

Joyn 8:48

Viʼi Jus vətsenvə ə mu gàʼ a Yesò la, “Wu a gaʼa yès ko tə ə gàʼ to nəmwèʼè la wù diʼ wù ə Sàmalìyà, be kiʼi kəzhwì kə kəbyɨkə.”

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.

Shwèʼ 22:30

Tʉʼ lan, kətʉ kə vəsugyèʼ kə ghoʼokə kì gàʼ la və zatə wen, be gàʼ la tʉtʉ vəpfèm və ngə̀ŋ Nyìngòŋ bènə̀ viʼi soʼò nsoʼsə vì tsèntə̀ byìʼàndo ghə̀ nkəŋə əzhʉ la Vəjew ə ghàmə̀ Bol byìʼì ghò lo. Vəwenə vì ghə̀ mù gàʼ la Bol cho ə̀ tɨmə a mbì ntsèntə̀ ayì.

Shwèʼ 23:1

Bol ki dyʉ̀sə̀ nə̀ viʼi vi a ntsèntə̀ ayì ə̀ gàʼ à vəwenə la, “Vəlèmə̀ vwomə, mà ko kwòʼò kwoʼ la ntsìnə̀ yì a mà tsi a shɨ Nyìngòŋ ə zaʼa fa layn dìʼ ale lo. Mà kɨ la ghə̀ dìʼ to nkàyn”

Shwèʼ 24:20

A bwen a lì, viʼi venə a shèn shə̀ʼtə̀ kənyʉ̀ kì a vəwenə tə yèn la mà byɨsə li ando mà tə gàʼ a shɨ kəbòʼ kə nsoʼ.

Shwèʼ 4:15

Vəwenə kàyn Bità wenə̀ Joyn nə̀ wìʼ yì a və nchʉʼ fʉ̀ dyʉ̀ a kəbəŋ. Vəwenə ŋwʉʼmə sə chʉʼmə tʉ əyen la vəwenə zì və nè ale lo.

Shwèʼ 5:21

Viʼi ntɨm ə̀ Yesò zhʉ kənyʉ̀ a kènkə, tʉʼ lan vəwenə dyʉ̀ a ngə̀ŋ Nyìngòŋ ə̀ zìtə̀ sə̀ ziʼì viʼi tsu. Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm ə wen vi dzàŋtə̀ vəchəʼ və Vəjew no vətsèm la vəwenə vi ə̀ ghàʼa ntsèntə̀ bè tɨ̀m viʼi la və dyʉ̀ ə̀ lyɨ̀ viʼi ntɨm ə Yesò fa mfɨŋ ə̀ vì nə̀ vəwenə.

Shwèʼ 5:27

Andìʼ ando vəwenə mvi nə̀ viʼi ntɨm Yesò a vyi ə̀ gàʼ vəwenə tɨmə a shɨ viʼi soʼò nsoʼ. Kətʉ kə tʉtʉ vəpfèm və ngə̀ŋ Nyìngòŋ kì gàʼ à vəwenə la,

Shwèʼ 6:12

Vəwenə gàʼ a lì no a zhʉ̀ kò bòsə viʼi nə̀ vəchəʼ bènə̀ ndìʼsə̀sə təsoʼ, Vəwenə vì ghàʼ Stifèn ə̀ dyʉ̀ nə̀ wen a shɨ viʼi soʼò nsoʼ.

Shwèʼ 6:15

Viʼi no vətsèm a və ndìʼ a kəshi kə soʼo nsoʼ akì sə ki dyʉ̀sə̀ nə̀ Stifèn ə̀ yen kəʼə wen ghə̀ baynə to nə̀ kəʼə ntsɨ̀ŋ ngə̀ŋ Nyìngòŋ.

Shwèʼ 7:37

Mosìs à aghèn dìʼ wìʼ yì a ghə̀ nlù gàʼ à viʼi Islel la, ‘Nyìngòŋ lu tsuʼ wìʼ ə ghə̀ ndiʼ nshə̀ʼtə̀ ghoʼo fà ghə̀ŋ a ntìntìn ə tɨm à ghə̀ŋ ndə̀ŋndəŋ ando ghə̀ tɨ̀m mo. A lu ndiʼ wìʼ mu və tsuʼ tò fà ghə̀ŋ a ngwaʼa ngə̀ŋ.’

Lumans 12:10

Ghə̀ŋ ne kòŋ təwen ə təŋtə to nə̀ vəlemə, be nyʉ̀ʼ məzhʉ̀ ə tsèm, gumlə təwen ə təŋtə.

1 Kolìntyàns 6:10

nə̀ və tsòŋ nə̀ viʼi kəmbàŋbàŋ, nə̀ viʼi a və nyʉ məlyʉ̀ʼ bomə nə̀ viʼi vyi a və byɨbsə əzhiʼ ə viʼi, nə̀ viʼi a və tsoŋ ə tsoŋ toghə ko lu zhɨ̀ kəshi kə əfòynə ə Nyìngòŋ.

1 Kolìntyàns 6:6

Luwen sə diʼ wìʼ boŋsə lyɨ dyʉ̀ nə̀ lèmə̀ wen ə tsen akəshi kə nsòʼ la viʼi soʼo, a ko diʼ viʼi və byɨməvə.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

Taytùs 3:2

Gàʼa à vəwenə la kə vəwenə à ngàʼà nyʉ̀ byɨvə byìʼì viʼi, la vəwenə mbòŋsə̀ tsi ntsìnə̀ ə bwaʼmə à viʼi vətsèm, ku ndoŋ wenə̀ viʼi vətsèm be tsi ntsìnə̀ shiʼsə̀ wèn.

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Jems 2:20

Kəngwʉ̀ʼ kə kəfo kèn! Wù kəŋə la və dìʼ à wù la byɨmə kènə̀ shyèʼè dìʼ kənzɨm kə byɨmə mu?

Jems 3:6

Kəlyɨmə kə wìʼ kə diʼ tò nə̀ fəsèsè fə zhìʼ. Kə diʼ ntuʼ nyʉ̀ byɨvə à wìʼ a wèn no tsèm. Kə byɨsə̀ wen ə wìʼ no tsèm, kə diʼ əzhiʼ, nyùʼù no te ghò à tì mbi nəzhiʼ mu ghə̀ lù fa zhiʼ a ghə̀ ko lu mè.

1 Bità 2:23

A ndiʼ no tèbe ando və ntelə wen, ghə̀ nko bwensə. A ndiʼ ando və kù ngəʼ a wen, ghə̀ nko ə kàyntə̀ kənyʉ̀. Ghə̀ mbòŋsə ku wen ə wen a Nyìngòŋ yi a ghə̀ soʼo a ji ə tɨmə.

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.

1 Joyn 2:9

No ndò sətsèn ə ngàʼà la ghə̀ tsi a bayn alì bàynə̀ lèmə̀ wen mu ghə̀ bò bu a mfɨnə̀.

1 Joyn 3:10

Byìʼì nakènkə, və a yenə kɨ viʼi vi a diʼì vunə Nyìngòŋ bènə̀ vi a diʼì vunə Deblə̀. Wìʼ a ghə̀ ko nè kənyʉ̀ kətɨməkə ə ko diʼ wàyn Nyìngòŋ tò ndə̀ŋndəŋ a nə̀ wìʼ a ghə̀ ko kòŋə̀ lèmə̀ wen.

1 Joyn 5:16

A sətsèn à yen tè ndò yèn lèmə̀ wen ghə̀ nè mbyɨ, a ko diʼ mbyɨ a ghə̀ gə̀sə̀ wen fa əbwòŋ. Ghə̀ jɨ̀mə̀ a Nyìngòŋ a ghə̀ a ku əbwòŋ à wen. Kènkə dyʉ̀ a viʼi vi a mbyɨsə vəwenə sə diʼ shìsə a sə ko gə̀sə̀ vəwenə fa bwòŋ lì. Mbyɨ dìʼ a ghə̀ gə̀sə̀ viʼi fa bwòŋ. Mà ko gàʼà la wìʼ jɨm byìʼì nki mbyɨ aghèn.

Ŋwàʼlə̀ Jud 1:9

Nò tèbe Mayikel a ghə̀ diʼi kətʉ kə ətsɨŋsə Nyìngòŋ ə ko ə mwomsə ə telə Deblə̀ ando wenə wen ə kiʼi kəngùmə̀ kumə kəmpfʉ kə Mosìs. Ghə̀ bòŋsə̀ gaʼa a wen la, “Bobo ə kəŋkə̀ wù.”

Kəmwetə 20:14

Luwen və mu moʼ əpfʉ nə̀ loʼ və mpfʉvənsə a nkwoŋ zhiʼ. Nkwoŋ ə zhiʼ a ghèn ndiʼ kənkùmtə̀ kəpfʉ.