Matìyò 5:19 - The New Testament in the Babanki language

¹⁹ A sətsèn a kwàʼ no ndò kwàʼa soʼ fa ntìntìn təsòʼ a tèn, tè bè tyetə ghə̀, ə bè ziʼi viʼi la və be kwaʼà tò alì, ghə̀ lu ndiʼ wu tyetə a kəshi kə fòyn Nyìngòŋ. A ghʉ no məndo ghʉ soʼ ayi, be ziʼi viʼi vətsen və la və nghʉ tò alì, ghə̀ lə ndiʼ wu ghoʼo a kəshi kə fòyn Nyìngòŋ.

Matìyò 5:19 ပူးပေါင်းရင်းမြစ်များ

Matìyò 11:11

Mà gàʼà ghə̀ŋ nəmwèʼè la wìʼ ko təmə diʼ a nse a ghə̀ chò Joyn wù ku à Amù, alì wìʼ yì a ghə̀ diʼ bàm a soʼo Fòyn Nyìngòŋ ə chò wen.

Matìyò 19:28

Yesò gàʼ à vəwenə la, “Mà gàʼà à ghə̀ŋ nəmwèʼè la a lu ndiʼ a mbi fi, a zhʉ a Wàyn Wìʼ ŋwʉʼʉ li à wen a kəfwoyn nə̀ ghoʼo wen, a dìʼ a zhʉ ayì a ghə̀ŋ vi njʉ̀sə̀ bò a ŋwʉʼʉ a fwoyn njʉ̀sə̀ bò ə nsoʼo ngwàʼsə loʼ Islel shì njʉ̀sə̀ bò.

Matìyò 20:26

Kə ko diʼ ne ndiʼ a lì à ghə̀ŋ. No məndò a ghə̀ kəŋə ndiʼ wu ghoʼo à ghə̀ŋ a ntìntìn, diʼì ndiʼ wù shyèʼ à ghə̀ŋ

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Ŋwàʼlə̀ Luk 1:15

byiʼè ghə̀ lu ndiʼi no wu ghoʼo a shɨ Bobo. Ghə̀ kò ə nyʉ məlyʉ̀ʼ no fa mpfen, kəzhwì kəŋwoʼkə lu lwin a wen tyɨm ghə̀ bu a bèm ə li wen.

Ŋwàʼlə̀ Luk 11:42

“Ngəʼ ghoʼo diʼ a ghə̀ŋ, viʼi Falàsi, byìʼàndo ghə̀ŋ lyɨ̀ fo təsɨm, ghə̀ŋ gə̀tə̀ shi wum, ə ku kəshi kə mùʼ a Nyìngòŋ, ali kò ghə̀ŋ lə nè nyʉ̀ a tɨmə və a viʼi vətsen və, a Nyìngòŋ kòŋə̀. Ghə̀ŋ yi ndiʼ nwè nyʉ̀ a venə, kò ghə̀ŋ lə chasə tsen və.

Ŋwàʼlə̀ Luk 9:48

mù gàʼ à vəwenə la, “No məndo a ghə̀ tuʼmə̀ nə̀ wàyn ghèn à mo a zhiʼi, mu ghə̀ tuʼmə̀li nə̀ mò. No məndo a ghə̀ tuʼmə̀ nə̀ mò nkɨ la ghə̀ tùʼmə̀ nə̀ wìʼ yì a ghə̀ tɨmə mo. Ghə̀ŋ kɨ la wìʼ yì a ghə̀ tyetə; diʼi bàm a ntìntìn ghə̀ŋ vətsèm, à diʼi wen a ghə̀ diʼì kətʉ.”

Shwèʼ 1:1

Tì kəbəŋ Tiyophilus, andìʼ à mo a mbì ŋwàʼlə̀ à wù, mà nyòʼ no nyʉ̀ tsèm a Yesò nzìtə̀ sə̀ nè be ziʼì,

Lumans 3:8

Viʼi a venə sətsèn ngàʼ ali, kə ne diʼi la vəwenə ə gàʼa la kə bòŋ la vəghəŋ ne to nyʉ̀ ə byɨvə ndi ə jùŋ a fʉ̀ fa tsu. Viʼi vətsenvə ə byɨsə zhiʼ ə vəghəŋ gàʼa la à diʼ kənyʉ̀ kì a yès ə jèʼe ziʼi. Vəwenə ə kɨ la Nyìngòŋ diʼ lù soʼ ə byɨsə vəwenə.

Lumans 6:1

Vəghəŋ zizi və gàʼ la gho, la vəghəŋ faŋ ə nè to mbyɨ ndiʼ Nyìngòŋ ə faŋ ə diʼi ətyɨm ə jùŋə ghə̀ a vəghəŋ mu?

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

1 Joyn 3:4

A nè tè ndò nè mbyɨ mu ghə̀ kwàʼà ə̀soʼ ə Nyìngòŋ byìʼàndo mbyɨ dìʼ əkwaʼa ə̀soʼ.

Kəmwetə 2:20

Alì mà ghàmə̀ ghə̀ŋ to kənyʉ̀ kènkə kə mùʼ: la ghə̀ŋ ə ghʉsə li wùwì ghèn ə Jezebel a ghə̀ gàʼà la yì dìʼ ə nshə̀ʼtə̀ ghoʼo, ghə̀ sə lobtə̀ viʼi shyèʼ mò la vəwenə ntsi nə̀ ki ko nə̀ lʉmə à ko kiʼ vəwenə. Ghə̀ be nè la vəwenə nzhɨ ə̀fo zhɨvə a və moʼò vənyìngòŋ tsu.