Matìyò 5:14 - The New Testament in the Babanki language

¹⁴ Ghə̀ŋ dìʼ tò nə̀ baynə à viʼi mbyì. Ntə̀ʼ a ghə̀ diʼi a kwi pfen zì kò ghə̀ lu lyòmtə̀.

Matìyò 5:14 ပူးပေါင်းရင်းမြစ်များ

Joyn 12:36

Ghə̀ŋ byɨmə əbayn, ghə̀ bo diʼ a ghə̀ŋ a ntìntìn ndiʼ ghə̀ŋ ndiʼ vunə əbayn.” Yesò ə gàʼa nyʉ̀ venə alə ə nyɨŋ dyʉ̀ lyòmtə̀.

Joyn 5:35

Joyn tə ndiʼ to nə̀ baynə a ghə̀ŋ. A tə ndiʼ a mətsi mə tsen nə̀, ghə̀ŋ ku ə zhʉtə nyʉ̀ vyi a ghə̀ ngàʼà, və diʼ to nə̀ baynə, nè la ghə̀ŋ ə saŋlə.

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Joyn 9:5

Ma diʼ ə ne nku əbayn a viʼi mbyi ə zàʼa to ando mà bo diʼ a mbyi.”

2 Kolìntyàns 6:14

Kə ghə̀ŋ ne nyʉ̀ʼ, tsèntə̀ ghə̀ŋ və viʼi vyi a və ko byɨmə Nyìngòŋ, diʼ la wye vəwenə diʼ ndə̀ŋndəŋ. Ghə̀ŋ kɨli la njùŋ ə ko kiʼ tò kənyʉ̀ ə ne wenə mbyɨ, ko əbayn kiʼi kənyʉ̀ ə nè wenə kəbəŋ kəfenəkə.

Filìbàyns 2:15

Sətsen ghə̀ŋ ne alə ko wìʼ lù ghàm ghə̀ŋ a kənyʉ̀. Ghə̀ŋ be ə ndiʼ viʼi kənyʉ̀ kə tɨməkə bè kwʉ̀ʼ mè a nə vunə və juŋəvə Nyìngòŋ a və tsi a tyì mbyi mbyɨsə nə̀ viʼi mbyɨsə. Ghə̀ŋ diʼi ə ndiʼ à vəwenə ntìntìn alì diʼ əbayn à vəwenə to nə mədzɨ̀ŋ.

1 Tèsàlonyà 5:5

Byìʼì ando no ghə̀ŋ və tsèm ə tsi ntsìnə̀ ə jùŋə to nə̀ viʼi a və nè nyʉ̀, chwìchwì ə baynə. Vəghəŋ ə ko nè tebè nyʉ̀ alə ando və nè a kəlyomtə kò a kəbəŋ kə fenəkə.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 2:5

Ghə̀ŋ kwoʼtə jì a ghə̀ŋ ə̀ ndìʼ fa tsu a mbì mibu ə fəŋ, ə̀ kwitə tətyɨm ə təŋtə fà ghə̀ŋ ənyʉ̀ byɨvə nshyèʼè ando ghə̀ŋ ə̀ nshwèʼè a mbì. Ghə̀ŋ sətsèn ə̀ fàŋ ke kwitə tətyɨm ə təŋtə fà ghə̀ŋ ə mbyɨsə, mà à vì ə̀ lyèsə̀ kəfo kəŋkə̀ kì a və shɨtə̀ sə tomə kənkàʼtə̀ à yi kətʉ lì fà yi kəshi.