Matìyò 5:11 - The New Testament in the Babanki language

¹¹ Mbwaʼmə dìʼ a ghə̀ŋ a viʼi telə ghə̀ŋ tsuʼ aghʉ ghəŋə be zhò tənkyì tə ndzɨ̀ŋsə tò tətsèm byìʼì ghə̀ŋ tò byiʼàndo ghə̀ŋ diʼi viʼi vwomə.

Matìyò 5:11 ပူးပေါင်းရင်းမြစ်များ

Matìyò 10:18

Və lu ghaʼ dyʉ̀ tomə ghə̀ŋ ashɨ ə viʼi və soʼ və nə̀ təfòyn tə byìʼì mo, ə ghə̀ŋ shə̀ʼtə̀ ntɨm ə jùŋ ə mo a vəwenə ə bè shə̀ʼtə̀ a viʼi ətɨm.

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?

Matìyò 10:39

A mwòmsə no ndo ə tsi ə faŋ, ghə̀ a pfʉ; a pfʉ no ndo byìʼì mo, ə ghə̀ a tsi faŋ.

Matìyò 19:29

Adìʼ tè ndò a ghə̀ moʼtə̀ li kəbəŋ kə wen ko vəlèmə və wen lʉmə, ko vəlemə və wen ki, ko tìʼ wen ko lì wen ko vunə wen ko təsɨm tə wen byìʼì mò mu ghə̀ lu bwènsə̀ kiʼi viʼi bènə̀ fo aghayn ghɨ. Ghə̀ be lə kiʼi bwoŋ a ghə̀ lu faŋə̀ tò ghayn ə mùʼ.

Matìyò 24:9

Viʼi lu ghaʼtə ghə̀ŋ ə ku la və ku ngəʼ à ghə̀ŋ, be zhwilə ghə̀ŋ. Viʼi təloʼ tətsèm lu bàyn ghə̀ŋ tò byìʼì mò.

Matìyò 27:39

Viʼi mù sə chò fa ji mèsə̀ tʉ vəwenə tè wèn gàʼà la,

Ŋwàʼlə̀ Mak 13:13

Viʼi vətsèm lu bàyn ghə̀ŋ tò byìʼì mò, alì no ndò a ghə̀ lu ghaʼ tyɨm əzaʼa fa kəmwètə, Nyìngòŋ lu bwòŋsə wen.”

Ŋwàʼlə̀ Mak 13:9

“Nkàntə̀ ghə̀ŋ diʼ ntùʼmə̀. Və lu ghaʼ ghə̀ŋ ə ku la və soʼ ə̀ ghòm ghə̀ŋ a aloʼ ntsèntə̀sə a shɨ viʼi a və soʼo nə̀ təfòyn tə byìʼì mò, ghə̀ŋ lyɨ kəshi kom ə̀ tùʼtə̀ shə̀ʼtə̀ ntɨm jùŋ ə ghom a vəwenə.

Ŋwàʼlə̀ Mak 4:17

Kənyʉ̀ akì kwèn à vəwenə a tətyɨm alì kò aghaŋ yi lù nshiʼi à vəwenə a tətyɨm. Vəwenə ghaʼa tyɨm tò fəshitə̀ alə̀, ngəʼ ko tsuʼu aghʉ byìʼì kənyʉ̀ kə Nyìngòŋ nè sə vì no a zhʉ̀ kò, vəwenə zàŋsə̀ fəŋkə.

Ŋwàʼlə̀ Mak 8:35

byìʼàndo no ndò a mwòmsə̀ ə bwòŋsə̀ ngə̀ŋ kətʉ wen ghə̀ a pfʉ alì mu à pfʉ̀ no ndò byìʼì mò nə̀ ntɨmə jùŋə ghom mu ghə̀ a bwòŋ.

Ŋwàʼlə̀ Luk 21:12

Nyʉ̀ a venə lu sə nchò mu və ghaʼtəli ghə̀ŋ a loʼ ntsentə və Jus ə be wye ghə̀ŋ a mpfɨŋ. Və lu kyè ghə̀ŋ ə dyʉ̀ nə̀ ghə̀ŋ a shɨ təfòyn tə bènə̀ viʼi a və soʼ tò byìʼì mò.

Ŋwàʼlə̀ Luk 21:17

No viʼi vətsèm lu bàyn ghə̀ŋ byìʼì mò,

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

Ŋwàʼlə̀ Luk 9:24

No məndo a ghə̀ mwòmsə ə bwòŋsə̀ ngə̀ŋ kətʉ wen ghə̀ a pfʉ alì no məndo a ghə̀ sətsèn lè sàŋ kətʉ wen byìʼì mò, mu ghə̀ a bwòŋ.

Joyn 15:21

Və a nè nyʉ̀ venə a ghə̀ŋ alə̀ no ətsèm, byìʼì mò byìʼàndo vəwenə ko kɨ wìʼ yì a ghə̀ tɨmə mo.

Joyn 9:28

Vəwenə sə telə wen gàʼa la, “A diʼ wu diʼ ndzɨ̀mtə̀ bàm ə wìʼ na ghèn! yès ə diʼ ə ndzɨ̀mtə̀sə bàm ə Mosìs.

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Lumans 8:36

Və nyòʼò li a Ŋwàʼlə̀ Nyìngòŋ la: “Yes ə ti to chʉ̀ pfʉ mətsi ə tsèm byìʼì wù. Və nyàblə̀ nə̀ yès to ando və nyàblə̀ nə̀ byisə njɨ̀ azhʉ̀ a və dyʉ̀ ə shələ.”

1 Kolìntyàns 4:10

Yès ə diʼ nkoyn a viʼi byìʼì Yesò, ghə̀ŋ diʼ viʼi və tofəvə a nyʉ̀ ə Yesò. Yès ə̀ bwaʼa ali ghə̀ŋ to. Viʼi ə kuʼsə ghə̀ŋ ali ko və lə lyɨ tebè yes a kənyʉ̀.

2 Kolìntyàns 4:11

Yès ə tsi tèbe tsì, diʼ to chʉ̀ əpfʉ̀ byìʼì Yesò. Yès ə diʼ a ji na ghèn ndi viʼi ə yenə ntsìnə̀ Yesò a yès kətsoʼ kə wen a kə lu pfʉ̀ lə.

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

1 Bità 2:23

A ndiʼ no tèbe ando və ntelə wen, ghə̀ nko bwensə. A ndiʼ ando və kù ngəʼ a wen, ghə̀ nko ə kàyntə̀ kənyʉ̀. Ghə̀ mbòŋsə ku wen ə wen a Nyìngòŋ yi a ghə̀ soʼo a ji ə tɨmə.

1 Bità 4:14

Viʼi sətsen ə telə ghə̀ŋ byìʼì ando ghə̀ŋ diʼi ndzɨ̀mtə̀sə bàm ə Yesò, ghə̀ŋ ə saŋlə to saŋlə byìʼì ando nakèn kə ə diʼi la kəzhwì kə kaynə kə, a diʼ kəzhwì kə Nyìngòŋ kə diʼ a ghə̀ŋ.

Kəmwetə 2:3

Mà kɨ la ghə̀ŋ kwiʼi tətyɨm mu ghə̀ŋ be yèn ə ngəʼsə byìʼì mò no sə ghoʼo, kènla ghə̀ŋ ə bwaʼkə li,