Matìyò 4:10 - The New Testament in the Babanki language

¹⁰ Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Matìyò 4:10 ပူးပေါင်းရင်းမြစ်များ

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

Ŋwàʼlə̀ Mak 1:13

ə̀ tsì tsu mətsi məwum nkàʼ, Satan mwòmsə̀ wen, ghə̀ be tsi dyʉ̀ tò a shi a nyamsə toʼ sə ntsi tsu, alì ntsɨ̀ŋsə ngə̀ŋ Nyìngòŋ sə nlye wen.

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

Ŋwàʼlə̀ Luk 11:18

Satan lè sətsèn mù sòyn wenə wen, mu kə diʼ la ghə̀ ko bè kiʼ adyòʼ a kətʉ fo vyi a ghə̀ soʼo li. Mà gàʼà alì byìʼàndo ghə̀ŋ gàʼà la mà dzɨ̀mə̀ zhwì byɨvə nə̀ kədyòʼ a ku Belzibùl.

Ŋwàʼlə̀ Luk 13:16

Ghə̀ŋ yen wùwì ghèn a ghə̀ lù fa ngwaʼa ngə̀ŋ Ablaham mu Satan kwìʼli ghaŋtə̀ wen ke zaytə wen a kətsi kəzhʉ̀tə kə a?”

Ŋwàʼlə̀ Luk 22:3

A zhʉ a ghèn Satan kwen a tyɨm Judàs a və ndzàŋ nə̀ Iskalìyòt a ndiʼi wu muʼ fa ntìntìn ndzɨ̀mtə̀sə bàm Yesò shìʼsə njʉ̀sə̀ bò,

Ŋwàʼlə̀ Luk 22:31

Yesò mù dzàŋ Simon, la “Simon, Simon, Satan bèmə̀li əlyɨ̀ ghə̀ŋ ə səŋtə ghə̀ŋ tò nə̀ kə̀bayn,

Ŋwàʼlə̀ Luk 4:8

Yesò bwènsə̀ la “Və nyòʼ li a ŋwàʼlə̀ Nyìngòŋ la wù diʼi ə gumlə tò Bobo Nyìngòŋ wù bè shyèʼ tò a wen.”

Joyn 13:27

Judàs ə sə shi vi nə̀ kəbayn a kì a alə, Satan kwen a wen ə tyɨm. Yesò ə gàʼ a wen la, “Zaŋsə nè kənyʉ̀ kì a wù kəŋ ə nè.”

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Shwèʼ 5:3

Ananyàs ne dyʉ̀ ə̀ kù kəbyəʼ kə ko akì a lì, Bità bèm à wen la, “Wù mòʼtə̀ la Satan kwen à wù a tyɨm ə̀ nè wù zho ndzɨ̀ŋ à kəzhwì kə ŋwoʼəkə ə̀ lyòmtə̀ kəbyəʼ kə ko kì byìʼì ghò?

1 Kolìntyàns 5:5

ghə̀ŋ diʼ ku wìʼ na ghèn a Satan, ghə̀ byɨbsə kətsoʼ kə əwèn ə wen, ndiʼ və lù bwoŋsə kəzhwì kə wen a kətsi yi a Bobo Yesò lu bwenə vì.

1 Kolìntyàns 7:5

Kə wìʼ na tyenə ə tsen kəshi wenə wi wen ko lɨmə wen, a bwen to la à byɨmə ghə̀ŋ vətsèm byìʼì ando ghə̀ŋ kəŋ ə lyɨ̀ əzhʉ a yi ə ne əjɨ̀m. Alì əzhʉ a yi me, ghə̀ŋ bwensə ə ntsi ntsìnə̀ lam, a bwen ali, ə mwòmsə ə Satan a nè, ghə̀ŋ fəŋ byìʼì ando ghə̀ŋ zizi ko ghə̀ŋ lu kɨ ə ghaʼ təwen ə təŋtə.

2 Kolìntyàns 11:14

Nò tèbè fa mpfen, kə ghə̀ŋ ne ndiʼ nə̀ əkaynə byìʼì tèbe Satan nbɨ̀lə li nè la viʼi nyenə la ghə̀ diʼ ntsɨŋ ngə̀ŋ ə Nyìngòŋ ə baynə.

2 Kolìntyàns 12:7

Nyìngòŋ ə ko tə kòŋ la mà nsaŋlə̀ chòsə̀ kumə nyʉ̀ ə kaynə və vyi a ghə̀ diʼi a mò, və diʼ to kədə̀ŋ. A lə kənyʉ̀ ki a ghə̀ moʼtə əkwaʼa ghə̀ kwen a mo wèn ə sə ku ngəʼ a mò no nànto. Əkwaʼa na yi ə nvi to nə̀ wù ntɨm a Satan tɨmə la ghə̀ vi nku ngəʼ a mò, la kə mà nghaŋsə əwèn.

2 Kolìntyàns 2:11

Ma nè alə̀ byìʼì ando ma ko kòŋ la Satan a kwen a kənyʉ̀ na yi, byìʼì a vəghəŋ ə kɨ li mɨ̀naŋ mə wen.

Jems 4:7

Ghə̀ŋ ku lì təwen təŋtə à Nyìngòŋ. Ghə̀ŋ tyen Deblə̀ a ghə̀ a bwènə̀ fà ghə̀ŋ a bàm.

1 Bità 5:9

Ghə̀ŋ tɨmə to a ghə̀ŋ əbyɨmə ndiʼ nto chò wen. A ghə̀ŋ kɨli la vəlemə vəŋə ə yenə ngəʼsə to ndə̀ŋndəŋ to nə̀ ghə̀ŋ to mbi ə tsèm.