Matìyò 3:7 - The New Testament in the Babanki language

⁷ Joyn ne yen ando viʼi Falàsi nə̀ viʼi Sadùsi mbe vì no və ghoʼo la ghə̀ ku mu à vəwenə kèn la vəwenə kwitə li tətyɨm tə vəwenə, ghə̀ mù gàʼ à vəwenə la,“Zhusə byɨ sènsə, a tofsə ndò ghə̀ŋ, ghə̀ŋ sə kəŋ nyɨŋ ngəʼ yì a Nyìngòŋ kəŋ tɨm a ghə̀ŋ a?

Matìyò 3:7 ပူးပေါင်းရင်းမြစ်များ

Matìyò 12:24

Viʼi Falàsi zhʉ kənyʉ̀ akì mù sə gàʼà la, “A ku fòyn zhwì byɨvə a dìʼì Belzibùl ku kədyòʼ à wen la ghə̀ ndzɨ̀mə̀ shìsə̀ zhwi byɨvə avenə.”

Matìyò 12:34

Ghə̀ŋ zhusə byɨsə sènsə, kənyʉ̀ kə jùŋkə ko zì kə fʉ̀ fà ghə̀ŋ a chʉ̀ byìʼàndo ghə̀ŋ dìʼ viʼi və byɨvə. Gɨ̀ chʉ̀ dìʼ alə̀ gàʼà tò kənyʉ̀ a kə fʉ̀ fa tyɨm mu ghə̀ lwin li nə̀ nki nyʉ̀ a vyi.

Matìyò 15:12

Ndzɨ̀mtə̀sə bàm wen sə nè gàʼ a wen la, “Wù yì gàʼ a lì viʼi Falàsi sə fwisə tin.”

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.

Matìyò 16:6

nè dyàŋ zaʼa tsu, Yesò gàʼ à vəwenə la, “Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Matìyò 22:15

Və Falàsi vətsenvə lù dyʉ̀ zhùŋtə̀ sə baʼtə̀ jì ndi nè la Yesò gàʼ shwè və ghaʼ wen,

Matìyò 22:23

Tò a kətsi ayì Vəsadùsis vətsenvə lù vì à Yesò, adiʼ viʼi vyi a və ko mbyɨmə la wìʼ zì ghə̀ lu fa pfʉ, bèm à wen la,

Matìyò 22:34

Andìʼ ando viʼi Falàsi nzhʉ̀ la Yesò chiʼi li təchʉ̀ tə Vəsadùsis vəwenə tsèntə̀.

Matìyò 23:33

Zhusə sə byɨsə sènsə ghə̀ŋ le lu nè no ghò la kə Nyìngòŋ lù soʼ ghə̀ŋ tɨ̀m ghə̀ŋ a kəshi kə zhìʼ byɨghə a?

Matìyò 5:20

Ma mù sə gàʼà à ghə̀ŋ la ntsìnə̀ shəŋsə sətsèn dìʼ ke nti a nkàyn ando Nyìngòŋ kəŋə chò sə ndìʼsə̀sə təsoʼ bènə̀ sə viʼi Falàsi, kò ghə̀ŋ lù kwèn a soʼo fòyn Nyìngòŋ.”

Ŋwàʼlə̀ Mak 12:13

Vəwenə mù nè tɨm Və Falàsi vətsenvə nə̀ viʼi bàm Helòd la və dyʉ̀ ə̀ mwòmsə̀ wen. Ghə̀ nè gàʼ shwè və ghàʼa wen.

Ŋwàʼlə̀ Mak 12:18

Vəsadùsis vətsenvə vì à Yesò, andiʼ viʼi vyi a və nko byɨmə la wìʼ lu bwènsə̀ lù fa pfʉ ə̀ bèm à wen la,

Ŋwàʼlə̀ Mak 8:15

Yesò gàʼ à vəwenə la, “Ghə̀ŋ ntùʼmə̀ byìʼì fəshɨ̀ŋ fìfə a Və Falàsi bènə̀ Helòd kiʼi à vəwenə a ntìntìn.”

Ŋwàʼlə̀ Luk 16:14

Viʼi Falàsi vətsen və zhʉ alì mù sə chəʼə Yesò byiʼ ando vəwenə nkòŋə̀ ko.

Ŋwàʼlə̀ Luk 18:11

Wù Falàsi yì mù dyʉ̀ tɨmə wen nyɨŋ ə mù sə jɨ̀mə, gàʼà la, ‘Mà ku kəzòŋ kə̀ a Nyìngòŋ byiʼ ando ma ko diʼ a nə̀ viʼi vətsen vyi a və zàŋsə shi fo viʼi tò kədyàŋ, kò diʼ a nə̀ viʼi vyi a və kwàʼtə̀ təsoʼ, ko dzɨ̀mtə̀ kyi viʼi. Ma ko diʼ a nə̀ wù tinə̀ kənsè ghèn.

Ŋwàʼlə̀ Luk 7:30

Alì, viʼi Falàsi bènə̀ ndìʼsə̀ sə təsoʼ ntyen əkɨ kwòʼtə̀ yi a Nyìngòŋ nkiʼi kùmə̀ vəwenə tò ndə̀ŋndəŋ ando vəwenə nlù tyen əshi mu fa Joyn.

Joyn 1:24

A ndiʼ ali mu a ntɨm viʼi Falàsi ətɨm viʼi a venə a Joyn.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Joyn 9:40

Viʼi Falàsi vətsenvə a və ndiʼ tsu ə bèm a wen la, “Wù gaʼa, kə diʼ la yès be fyɨfkə mu?”

Shwèʼ 15:5

Viʼi vəbyɨməvə vətsenvə, a andìʼ viʼi nòyn Və Falàsi gàʼ la, “Viʼi tɨm vi a və byɨmə lì dìʼi və shɨtə ndyə̀ tə vəwenə, vəwenə bè diʼi byɨmə əghʉ soʼ Mosìs.”

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

Shwèʼ 26:5

be kɨ mò no fà kəghaf mu vəwenə zì və shə̀ʼtə̀ ə̀ mwètə̀ no nkàyn a zhʉ a vəwenə koŋə, la mà dìʼ wu Falàsi mu mà nlu li sə ghoʼsə̀ Nyìngòŋ no tè a ji kò a Və Falàsi nghoʼsə̀ Nyìngòŋ fa tsu.

Shwèʼ 5:17

Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm wen no vətsèm a andiʼì viʼi ntsentə Vəsadùsis zìtə̀ kəghəʼ kə fànsə kə kətsenkə a wèn viʼi ntɨm ə̀ Yesò mù ghʉ̀ la vəwenə ne yen kənyʉ̀.

Lumans 1:18

Nyìngòŋ ə diʼi li tin ə fwi ə wen a viʼi vyi a və tsi a nse ashə̀, ko və kɨ wen, ne dyʉ̀ to nə̀ mbyɨ, mbyɨ na ghèn ə tamə la kə viʼi ə nkɨ kənyʉ̀ ki a kə diʼi nəmwèʼè kumə Nyìngòŋ.

Lumans 5:9

Luwen ando mənlyuŋ mə wen nè li vəghəŋ sə diʼ ti a nkàyn ashɨ Nyìngòŋ, kə le diʼi la ghə̀ lu bwòŋsə vəghəŋ fa ngəʼ yi a Nyìngòŋ ə tə ndiʼ lù ku a vəghəŋ.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

1 Joyn 3:10

Byìʼì nakènkə, və a yenə kɨ viʼi vi a diʼì vunə Nyìngòŋ bènə̀ vi a diʼì vunə Deblə̀. Wìʼ a ghə̀ ko nè kənyʉ̀ kətɨməkə ə ko diʼ wàyn Nyìngòŋ tò ndə̀ŋndəŋ a nə̀ wìʼ a ghə̀ ko kòŋə̀ lèmə̀ wen.