Matìyò 3:2 - The New Testament in the Babanki language

² “Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 3:2 ပူးပေါင်းရင်းမြစ်များ

Matìyò 10:7

Ghə̀ŋ dyʉ̀, ghə̀ŋ nə̀ shə̀ʼtə̀ la, əfòyn ə Nyìngòŋ ə boʼsə li.

Matìyò 11:20

Viʼi ntə̀ʼ shìsə a Yesò ə nè nghoʼ nyʉ̀ kaynəvə tsu tyen la vəwenə kò kaʼsə tətyɨm tə vəwenə, Yesò mù sə ghàmə̀ vəwenə gàʼà la,

Matìyò 12:41

A lu ndiʼ a kətsi kə nsoʼ, viʼi Nenivè tɨmə a kəshi kə nsoʼ Nyìngòŋ nghàmə̀ viʼi kəlyɨŋ kènkə byìʼàndo vəwenə nzhʉ li ziʼi Jonà ə̀ kaʼsə tətyɨm tə vəwenə fà vəwenə a mbyɨsə. Kəlyɨŋ kènkə sə kiʼ wù luwèn, ghə̀ chò Jonà alì kò ghə̀ŋ lù nkaʼsə̀ tətyɨm təŋtə fà ghə̀ŋ a mbyɨsə.

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Matìyò 13:24

Yesò bè mò ngàyn tsen a vəwenə la, “Soʼo foynə Nyìngòŋ diʼ to nə̀ wìʼ a ghə̀ nlù mòʼ ngwàʼa jùŋ a wen a sɨm.

Matìyò 13:31

Yesò bè mò ngàyn tsen à vəwenə la, “Soʼo Fòyn Nyìngòŋ diʼ tò nə̀ shɨ fəkòʼ fə mostàd, a wìʼ nwe à wen a sɨm fə sə kwi.

Matìyò 13:33

Yesò be mò ngàyn tsen à vəwenə la, “Soʼo Fòyn Nyìngòŋ diʼ tò nə̀ fəshɨ̀ŋ a wùwì nè ghə̀ lyɨ̀ wè a tì kəbayn no kə ghoʼo la kə kuʼ ə sə fɨ̀ŋə̀ əzaʼa fa zhʉ a kə a kuʼ no kətsèm.”

Matìyò 13:47

Soʼ fòn Nyìngòŋ bè dìʼ tò nə̀ fəlàm a wìʼ mòʼò à mù ə tənkì tə shʉsə tə kwen tsu tò tətsèm,

Matìyò 13:52

Ghə̀ mù gàʼ à vəwenə la, “Ndìʼsə̀sə təsoʼ shì a sə ziʼì li ə̀ kɨ kənyʉ̀ kì a Sòʼ Fòyn Nyìngòŋ diʼ wenə ghə̀, dìʼ mu və se li tò nə̀ tì ngə̀ŋ yì a ghə̀ kiʼi ghoʼ wen à wen a kəntuʼ sə shìsə fo fivə nə̀ muvə fa tsu shyèʼè nə̀ wenəvə no tsèm.”

Matìyò 18:23

Mà gàʼà alə̀ byìʼàndo soʼ Fòyn Nyìngòŋ diʼ tò nə̀ fòyn tsen a ghə̀ nkəŋə əyen la viʼi shwèʼ wen ghʉ ko wen ale lo.

Matìyò 20:1

Yesò dyʉ̀ a mbì nə̀ ziʼi wen gàʼà la, “Soʼo Fòyn Nyìngòŋ diʼ tò nə̀ fətitì fə tì sɨ̀m tsen a ghə̀ nlu a boʼòngə̀ŋ tsen fʉ̀ ədyʉ̀ kəŋ viʼi la və dyʉ̀ shwèʼ a wen ə sɨm.

Matìyò 22:2

“Və zì və shəʼmə Fòyn Nyìngòŋ nə̀ fətitì fə fòyn tsen a ghə̀ nlù baʼtə kəzhɨ kə lam wàyn wen wùlɨm.

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 25:1

Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen.

Matìyò 25:14

Yesò bè mò ngàyn tsen gàʼà la, “Soʼo fòyn Nyìngòŋ lu ndiʼ to nə̀ fətitì fə wutsen a ghə̀ nlù sə ndyʉ̀ a jèʼ ə̀ dzàŋtə̀ viʼi shwèʼ wen kù fo wen ə̀ la vəwenə zhʉsə ntùʼmə̀ nə̀ wenəvə.

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Matìyò 5:10

Mbwaʼmə dìʼ a viʼi vyi a və tsuʼu aghʉ vəwenə byiʼàndo vəwenə nè ando Nyìngòŋ kəŋə byiʼàndo soʼo fòyn Nyìngòŋ lu diʼ à vəwenə.

Matìyò 5:3

“Mbwaʼmə diʼ à viʼi vyi a və zhəʼtə̀ tò a wenə Nyìngòŋ byiʼàndo soʼo fòyn Nyìngòŋ lu ndiʼ à vəwenə.

Matìyò 6:10

ne və yen əfòyn ə wu, ne mbyì ghèn ə̀ jèʼè to ndo wù kəŋ to ndə̀ŋndəŋ ando wù ne li a kaŋ.

Matìyò 6:33

Ghə̀ŋ cho ambì ə mwòmsə to ə ndiʼ nti a nkayn to nə̀ viʼi vyì a və ntsi ati əsoʼ ə Nyìngòŋ, ə ndi ghə̀ ne ku kwùʼsə̀ fo a venə no ə tsèm a ghə̀ŋ.

Ŋwàʼlə̀ Mak 1:15

gàʼà la, “Zhʉ kwʉʼʉ̀ li, soʼo Fòyn Nyìngòŋ boʼsə li. Ghə̀ŋ kwitə tətyɨm təŋtə fà ghə̀ŋ a mbyɨsə ə̀ byɨmə ntɨm jùŋə ghèn.”

Ŋwàʼlə̀ Mak 1:4

Joyn wù ku à mù mfʉ li vì a nse zɨm sə shə̀ʼtə̀ ntɨm Nyìngòŋ gàʼà la, “Viʼi kwitə tətyɨm tə vəwenə ə shi mu ndi Nyìngòŋ maʼa nyʉ̀ byɨvə vəwenə.”

Ŋwàʼlə̀ Mak 6:12

Vəwenə fʉ̀ mù sə ziʼì dyʉ̀ à viʼi la vəwenə kwitə tətyɨm tə vəwenə fà vəwenə a nyʉ̀ byɨvə

Ŋwàʼlə̀ Luk 1:16

Ghə̀ a nè la nghoʼo vunə Islel bwenə vì a Bobo Nyìngòŋ vəwenə.

Ŋwàʼlə̀ Luk 11:20

A kù Nyìngòŋ ku adyòʼ la mà dzɨ̀mə̀ zhwì byɨvə a venə. Kə lì dìʼì la soʼ fòyn Nyìngòŋ vì li à ghə̀ŋ.

Ŋwàʼlə̀ Luk 13:3

Mà shə̀ʼtə̀ à ghə̀ŋ la kə ko diʼ ali no fa mpfen, ghə̀ŋ faŋ kè kwitə tətyɨm təŋtə fa nyʉ̀ byɨvə, ghə̀ŋ vətsèm lù lè tò ndə̀ŋndəŋ.

Ŋwàʼlə̀ Luk 13:5

Kə ko diʼ ali no fa mpfen, alì mà gàʼà ghə̀ŋ la, ghə̀ŋ sətsèn faŋ kè kwitə tətyɨm təŋtə fa ghə̀ŋ nyʉ̀ byɨvə, ghə̀ŋ vətsèm be lə̀ lè tò ndə̀ŋndəŋ.”

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 15:7

Ma gàʼà ghə̀ŋ la kə lu ndiʼ tò alì a kaŋ. Saŋlə lu ndiʼ a kàŋ byìʼì wù ne nyʉ̀ byɨvə mùʼ a ghə̀ kwitə tyɨmə wen ə bwenə vi à Nyìngòŋ chò ando ghə̀ lu ndiʼ byìʼì viʼi və ghoʼvə vyi a və kwìʼtə la və ko bè diʼi kwitə tətyɨm tə vəwenə fa mbyɨsə.

Ŋwàʼlə̀ Luk 16:30

Ghə̀ gàʼ à Ablaham la, ‘Jòʼ a Tìʼ, wìʼ sətsen bòŋsə lu fa loʼ və mpfʉ̀ və nsè ashə̀ ə bwènə̀ dyʉ̀ a vəwenə, vəwenə à kwitə tətyɨm tə vəwenə fa vəwenə mbyɨsə.’

Ŋwàʼlə̀ Luk 21:31

Kə diʼ tò ndə̀ŋndəŋ ando ghə̀ŋ lu yen nyʉ̀ venə və lyɨ̀ kəshi. Ghə̀ŋ nè yen alì ghə̀ŋ kɨ la soʼo Nyìngòŋ sə̀ boʼsə.

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Ŋwàʼlə̀ Luk 6:20

Ghə̀ tsoʼsə ashɨ wen ə ki ndzɨ̀mtə̀sə bàm wen ə gàʼ à vəwenə la: “Mbwaʼmə diʼ a ghə̀ŋ viʼi a və ko təmə byɨmə byìʼàndo soʼ foyn Nyìngòŋ kiʼ ghə̀ŋ.

Ŋwàʼlə̀ Luk 9:2

tɨm vəwenə la və fʉ̀ dyʉ̀ ə shə̀ʼtə̀ nyʉ̀ kùmə̀ soʼ fòyn Nyìngòŋ bè chʉʼ viʼi və kwaʼa kə və.

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 17:30

Nyìngòŋ ghʉ li la ghə̀ zì kò ghə̀ a ku ngəʼ à wìʼ byìʼì mətsi mì a wìʼ nko ntɨmə̀ kɨ̀ kənyʉ̀ byìʼì wen lì, alì gàʼà à no tè ndò, no tè fe luwèn la ghə̀ kwitə tyɨm wen fà wen a nyʉ̀ byɨvə.

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Shwèʼ 26:20

Ma tə zìtə̀ sə̀ ziʼi viʼi fa Damaskus a mbì, ə̀ ziʼi viʼi a Jelusalèm, ə̀ ziʼi viʼi a loʼ Judiyà no tsèm bè ziʼi viʼi tɨm la vəwenə kwitə tətyɨm tə vəwenə fà vəwenə nyʉ̀ byɨvə ə vì à Nyìngòŋ, la vəwenə nè nyʉ̀ vyi a və dìʼì la vəwenə kwitə li tətyɨm tə vəwenə.

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

2 Kolìntyàns 7:10

Wìʼ ə sətsen nsù kətʉ mu a nè Nyìngòŋ, a kə a nè ghə̀ kwitə ntsi ntsìnə̀ ə jùŋ ə bwòŋ. Alì wìʼ sətsen nsù kətʉ a ji viʼi mbyi, kə a ne la ghə̀ boŋsə pfʉ pfʉ.

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

Hibùlù 6:1

Kə lə diʼi la vəghəŋ ə diʼ ko di faŋ to a ziʼi ə mbì yì a və ziʼi vəghəŋ kumə Yesò ə kwen ə dyʉ̀ a ntìntìn əziʼi ə laynə ghə̀. Kə vəghəŋ na faŋ to nyʉ̀ ə mbì nziʼi to la viʼi bwensə tətyɨm tə vəwenə fa nyʉ̀ ə əbyɨvə a və vì nə̀ əpfʉ̀ əbyɨmə a Nyìngòŋ,

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

Kəmwetə 2:21

Mà tə kù əzhʉ à wen la ghə̀ kwitə tyɨm ə wen ə̀ ghʉ̀sə mbyɨsə wensə, alì ghə̀ ko kòŋ əghʉsə ntsìnə̀ dzɨ̀mtə̀ lʉmə.

Kəmwetə 2:5

Ghə̀ŋ kwoʼtə jì a ghə̀ŋ ə̀ ndìʼ fa tsu a mbì mibu ə fəŋ, ə̀ kwitə tətyɨm ə təŋtə fà ghə̀ŋ ənyʉ̀ byɨvə nshyèʼè ando ghə̀ŋ ə̀ nshwèʼè a mbì. Ghə̀ŋ sətsèn ə̀ fàŋ ke kwitə tətyɨm ə təŋtə fà ghə̀ŋ ə mbyɨsə, mà à vì ə̀ lyèsə̀ kəfo kəŋkə̀ kì a və shɨtə̀ sə tomə kənkàʼtə̀ à yi kətʉ lì fà yi kəshi.