Matìyò 3:11 - The New Testament in the Babanki language

¹¹ Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Matìyò 3:11 ပူးပေါင်းရင်းမြစ်များ

Matìyò 3:6

Vəwenə nvì alì əbyɨmə mbyɨsə vəwenə à wen, ghə̀ ku mu a vəwenə a mù mə Jodàn.

Ŋwàʼlə̀ Mak 1:4

Joyn wù ku à mù mfʉ li vì a nse zɨm sə shə̀ʼtə̀ ntɨm Nyìngòŋ gàʼà la, “Viʼi kwitə tətyɨm tə vəwenə ə shi mu ndi Nyìngòŋ maʼa nyʉ̀ byɨvə vəwenə.”

Ŋwàʼlə̀ Luk 1:17

Ghə̀ nè dyʉ̀ a shɨ nə̀ Bobo nə̀ kədyòʼ kə Nyìngòŋ ndə̀ŋndəŋ tò nə̀ Elija; ndì nè la vətiʼi wenə vunə vəwenə tsi ntsìnə̀ muʼ, bè nè la viʼi a və to kətʉ bwenə bwaʼmə, bè tof to nə̀ viʼi kənyʉ̀ kə tɨmə kə. Ghə̀ ne gyàmtə̀ ənè la viʼi sə̀ mbaʼtə ndiʼ wen və Bobo ti a kayn a byɨmə.”

Ŋwàʼlə̀ Luk 3:16

Joyn bwènsə̀ gàʼ a vəwenə vətsèm la “Ma a ku mu a ghə̀ŋ tò nə̀ mu mə amù, ali wi vì fa mò a bàm to chò mò, ma ko kwʉʼ no fampfen əzàs mpfʉ̀sə gwʉsə aghʉ wen. Ghə̀ a ku mu à ghə̀ŋ nə̀ kəzhwì kəŋwoʼkə ə bè chòsə̀ viʼi vətsen və a zhìʼ.

Ŋwàʼlə̀ Luk 3:3

Joyn fʉ̀ dyʉ̀ a Jodàn sə jèʼè kaʼa a loʼ ayi no tsèm, shəʼtə̀ ntəmə Nyìngòŋ ayì, gàʼà la viʼi kwitə fà vəwenə mbyɨsə ə shi mu ndi Nyìngòŋ lyesə ku mbyɨsə vəwenə.

Joyn 1:15

A diʼi wen yi a Joyn ə gaʼa kumə a ghə̀ ə dzàŋ gàʼ la, “Ghèn diʼi wen yi a ma ə gaʼa a ghə̀ŋ la, ‘Ghə̀ vi fa mo abàm, chò mò byìʼì ando və ə sə bwi mo, mu ghə̀ ə sə diʼ.’”

Joyn 1:30

A diʼi wen yi a ma tə̀ shə̀ʼtə̀ a ghə̀ŋ li la, ‘Wìʼ ə vi fa mò a bàm, chò mò, byìʼì ando və ə sə bwi mo, mu ghə̀ se diʼ.’

Shwèʼ 1:5

Joyn tə nku mu à viʼi tò nə̀ nkàntə̀ à mù alì luwèn à sə̀ diʼ mu, à fàŋ tò mətsì nshə̀ʼ alə̀ və nku mu à ghə̀ŋ nə̀ kəzhwì kə ŋwoʼəkə.”

Shwèʼ 19:4

Bol mù gàʼ la, “Joyn nku mu à viʼi vyi a və nkwitə tətyɨm tə vəwenə be gàʼ à viʼi a vyi la, vəwenə dìʼi byɨmə à wìʼ yì a ghə̀ ndiʼì nè vì fa wen a bàm, adiʼ Yesò.”

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Shwèʼ 8:38

Wù shwèʼ ayì gàʼ, à wìʼ yì a ghə̀ ngùfə̀ fənkwenkwen fì la ghə̀ tɨmə. Filib wenə̀ wù shwèʼ aghèn shiʼi fà yì a kətʉ, ə̀ kwèn ə̀ dyʉ̀ a tì à mù ayì. Filib ku mu à wen.

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Taytùs 3:5

ghə̀ bwòŋsə̀ vəghəŋ. Ghə̀ ko ə̀ mbwòŋsə̀ vəghəŋ la vəghəŋ nè kənyʉ̀ kə jùŋə kə kətsenkə alì ghə̀ mbwòŋsə̀ vəghəŋ byìʼì kusə nshinsə wen əchò fà kəzhwì kə ŋwoʼkə. Kəzhwì kə ŋwoʼkə akènkə shʉ li vəghəŋ,vəghəŋ ə nlayn ə̀ mbe ku ntsìnə̀ fi à vəghəŋ.

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.