Matìyò 28:9 - The New Testament in the Babanki language

⁹ A sə tsen Yesò bùmtə̀ vəwenə ə tòŋtə vəwenə gàʼà la,“Mbwaʼmə̀ dìʼ à ghə̀ŋ”, vəwenə dyʉ̀ ghàʼ aghʉ wen sə gumlə̀ wen.

Matìyò 28:9 ပူးပေါင်းရင်းမြစ်များ

Matìyò 14:33

Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”

Matìyò 23:7

A lə̀ ndiʼ a zhʉ a vəwenə dyʉ̀ a shi mənsàm vəwenə sə kəŋə la viʼi nyɨŋə vì toŋtə vəwenə nə̀ gumləghə be kəŋə la viʼi ndzàŋə̀ vəwenə nə̀ ndìʼsə̀sə.

Matìyò 28:10

Yesò mù gàʼà vəwenə la, “Kə ghə̀ŋ be fwàyn. Ghə̀ŋ dyʉ̀ gàʼà vəlèmə̀ vwomə la vəwenə dyʉ̀ a Galìlì a vəwenə a yen mo tsu.”

Matìyò 28:17

Vəwenə dyʉ̀ zaʼa tsu yèn wen mù sə̀ gumlə̀ wen, a lì vətsenvə bù momə̀ tò mwòmsə la wù lə̀ gàʼà la adiʼ wen lo.

Matìyò 28:8

Ki vi zàŋsə̀ lù fa benə sè yì nə̀ fanə alì saŋlə̀ no nànto mù nyɨŋ ədyʉ̀ shə̀ʼtə̀ à ndzɨ̀mtə̀sə bàm Yesò.

Ŋwàʼlə̀ Luk 1:28

Ghə̀ ndyʉ̀ yen wen ə gàʼ la, “Mà toŋtə̀; mbwaʼmə ndiʼ a wù! Bobo diʼ ve wen, ghə̀ bwaʼsə li wù.”

Ŋwàʼlə̀ Luk 24:52

Vəwenə ghoʼsə̀ wen mù bwènə̀ dyʉ̀ a Jelusalèm nə̀ saŋlə ghoʼo ghə̀,

Ŋwàʼlə̀ Luk 7:38

Ando ghə̀ ndyʉ̀ lì, ghə̀ dyʉ̀ tɨmə a mbyɨ̀ Yesò mù sə dì, məshɨ chòmkə a aghʉ Yesò, ghə̀ laŋtə ə tsə̀ʼ nə̀ nyɨŋsə kətʉ wen, ə ghaʼtə aghʉ wen bè zuʼ nə̀ mənzhiʼ mə lèmtə mə myì.

Joyn 12:3

Mèli lyɨ̀ ndyʉ̀ nə̀ məzhiʼ məlemtəmə mu və shɨtə nə̀ nkàyntə̀ nat, a diʼ no məzhiʼ mə jùŋə mə, mə lèmtə bòŋ no alə̀, əko yi to no nànto ə zùʼ aghʉ Yesò ə zhès nə̀ nyɨŋsə kətʉ wen. Ando ghə̀ zuʼ lì, kəlèmtə̀ kikə ə chiʼ ngə̀ŋ no tsèm.

Joyn 20:19

A ndiʼ azhʉ̀ pfwomə, a kətsi kə ə mbì na ghèn a wòŋ, ndzɨ̀mtə̀sə bàm Yesò diʼ to akəshi kə muʼ, mu vəwenə chiʼ li ngə̀ŋ a vəwenə kətʉ byìʼì ando vəwenə ə fwaynə viʼi Jus. Yesò ə bvɨtə tɨmə to vəwenə a ntìntìn ə gàʼ la, “Mbwaʼmə ndiʼ a ghə̀ŋ.”

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

Kəmwetə 3:9

Ghə̀ŋ zhʉtə a! mà a nè viʼi ntsèntə̀ Satan vi a və jèʼè lobtə̀ gàʼà la vəwenə diʼ vəjew lì, ə vəwenə vi ə̀ làŋtə à ghə̀ŋ a shɨ ə̀ yèn la mà kòŋə̀ ghə̀ŋ.