Matìyò 28:7 - The New Testament in the Babanki language

⁷ Ghə̀ŋ zaŋsə lì dyʉ̀ shə̀ʼtə̀ à ndzɨ̀mtə̀sə bàm wen la ghə̀ lu li fa pfʉ, sə shiʼi dyʉ̀ a vəwenə a mbì a Galìlì. La vəwenə dyʉ̀ yèn wen tsu. Gaʼa kò ghə̀ŋ zhʉ li kənyʉ̀ a ma gaʼà.”

Matìyò 28:7 ပူးပေါင်းရင်းမြစ်များ

Matìyò 24:25

Ghə̀ŋ tùʼù zhʉtə! mà chò li mbì nshə̀ʼtə̀ nyʉ̀ avenə a ghə̀ŋ mibu və lu sə mfʉ̀.

Matìyò 26:32

A ne ndiʼ a zhʉ a və lusə̀ mo fa pfʉ mà dyʉ̀ a Galìlì à ghə̀ŋ a mbì.”

Matìyò 28:10

Yesò mù gàʼà vəwenə la, “Kə ghə̀ŋ be fwàyn. Ghə̀ŋ dyʉ̀ gàʼà vəlèmə̀ vwomə la vəwenə dyʉ̀ a Galìlì a vəwenə a yen mo tsu.”

Matìyò 28:8

Ki vi zàŋsə̀ lù fa benə sè yì nə̀ fanə alì saŋlə̀ no nànto mù nyɨŋ ədyʉ̀ shə̀ʼtə̀ à ndzɨ̀mtə̀sə bàm Yesò.

Ŋwàʼlə̀ Mak 14:28

alì à ne ndiʼ a zhʉ a və lusə̀ mò fa pfʉ, mà dyʉ̀ a Galìlì à ghə̀ŋ a mbì.”

Ŋwàʼlə̀ Mak 16:10

Mèli lù dyʉ̀ yèn viʼi vi a wenə̀ və Yesò ndìʼ a muʼu və kusə̀ nshinsə dì. Ghə̀ shə̀ʼtə̀ kənyʉ̀ a kə yì chò à vəwenə.

Ŋwàʼlə̀ Mak 16:13

Vəwenə bè bwènə̀ dyʉ̀ shə̀ʼtə̀ à ndzɨ̀mtə̀sə bàm sə tsensə shi alì kò vəwenə lù byɨmə.

Ŋwàʼlə̀ Luk 24:34

Sə gaʼà la “Bobo bwènsə̀li nlu fa pfʉ ə fʉ̀ a kəʼ Simùn.”

Joyn 14:29

Ma shə̀ʼtə̀ li nyʉ̀ venə a ghə̀ŋ luwen, ko və təmə fʉ̀, ndi və ne sə fʉ, ghə̀ŋ byɨmə.

Joyn 16:4

Mà shə̀ʼtə nyʉ̀ a venə a ghə̀ŋ alə, ku kətyiftə ndiʼ əzhʉ̀ na kwʉʼ, ghə̀ŋ sə nè, ghə̀ŋ ə̀ kwoʼtə ando mà tə shə̀ʼtə̀ a ghə̀ŋ. “Mà ko tə shə̀ʼtə̀ nyʉ̀ venə a ghə̀ŋ fa ambì byìʼàndo mà bo tə diʼ vəghəŋ amuʼ.

1 Kolìntyàns 15:4

və bvɨmə wen, a sədiʼ a mətsi ə ntàʼ, ghə̀ lu fa pfʉ to ando və nyoʼo li a Ŋwàʼlə̀ Nyìngòŋ

1 Kolìntyàns 15:6

Ghə̀ ndiʼi li wèn ə wen a ndzɨ̀mtə̀sə wensə sə chò əghɨ ə tayn to ghayn ə mùʼ, viʼi fa vəwenə a ntìntìn bo diʼ ə zàʼa fa layn, və tsenəvə diʼ mù və pfʉkə li.