Matìyò 28:6 - The New Testament in the Babanki language

⁶ Ghə̀ ko diʼ a shèn. Ghə̀ lu li fa pfʉ ando ghə̀ ngaʼa. Ghə̀ŋ vi kwen yèn kəshi a ghə̀ tə nyoŋ tsu.

Matìyò 28:6 ပူးပေါင်းရင်းမြစ်များ

Matìyò 12:40

Ando Jonà ntsi mətsi ntaʼ a bèmə̀ shʉ̀, a dìʼi ndə̀ŋndəŋ ando Wàyn Wìʼ ne pfʉ ə tsi mətsi ntaʼ a tì nse mibu lù.

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 17:23

və zhwi wen a sə ndiʼ a mətsi ntaʼ Nyìngòŋ lusə wen fa pfʉ. Kənyʉ̀ akì sə̀ ku ngəʼ a ndzɨ̀mtə̀sə bàm wen no nànto.”

Matìyò 17:9

Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”

Matìyò 20:19

Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Ŋwàʼlə̀ Mak 16:6

Ghə̀ gàʼ à vəwenə la, “Kə chʉ zɨm ghə̀ŋ byìʼe Yesò a ghə̀ŋ kəŋə lì a diʼì wàyn wù Nazalèt, a və tə bàyntə wen lì diʼ mu ghə̀ lù li fa pfʉ. Ghə̀ ko diʼ a shə̀, ghə̀ŋ yen kəshi a və tə̀ nyòŋsə̀ wen tsu a.

Ŋwàʼlə̀ Mak 8:31

Yesò gàʼ a lì mù zìtə̀ sə dìʼsə ndzɨ̀mtə̀sə bàm wen gàʼà la, “Wàyn wìʼ ne yenə ngəʼ byɨ, ə̀ vəchəʼ nə̀ tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ ne mo wen ə zhwi wen, à nè sə ndiʼ a mətsi ntaʼ, ghə̀ bwensə lù fa pfʉ.”

Ŋwàʼlə̀ Luk 24:12

Bità mù lu nyɨŋ dyʉ̀ a be sè Yesò laŋtə lye tin yi, yen tò basə ndisə sə nyoŋ a nsè ghə̀ mu bwènə̀ dyʉ̀ sə̀ kaynə kənyʉ̀ a kə fʉ̀ Yesò bumbtə viʼi və bo.

Ŋwàʼlə̀ Luk 24:23

kò vəwenə lə̀ yènə ə bvenə wen vəwenə bwènə̀ vi sə gaʼà la vəwenə yi yèn ntsɨ̀ŋsə ngə̀ŋ Nyìngòŋ sə fʉ̀ a vəwenə a shi to nə̀ jòm sə gaʼà.

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Joyn 10:17

“Tìʼ ghom ə kòŋ mò byìʼàndo ma kəʼtə pfʉ̀ mibu ghə̀ be bwensə lùsə mò la mà ə ndiʼ.

Joyn 2:19

Yesò ə bwènsə̀ a vəwenə la, “Ghə̀ŋ bɨtə ngə̀ŋ Nyìngòŋ ghèn, ma zizi mà bwènsə̀ bwòm to a mətsi ə ntàʼ.”

Shwèʼ 2:24

alì Nyìngòŋ nè ghə̀ lù fa pfʉ ə̀ bwòŋsə̀ wen fa kədyòʼ kə pfʉ byìʼàndo ji ko ndìʼ a pfʉ nzì ghə̀ lə̀ ghaʼa wen.