Matìyò 28:3 - The New Testament in the Babanki language

³ Kəʼ ntsɨ̀ŋ Bobo ayì mbanə to nə̀ ghʉ mwanəghə, ndisə wen sə be baynə to nə̀ awoŋə.

Matìyò 28:3 ပူးပေါင်းရင်းမြစ်များ

Matìyò 17:2

Vəwenə nè kuʼ zaʼa tsu kə̀ʼ ə Yesò bvʉ̀tə̀ kwìtə sə̀ baynə to nə̀ chʉzhʉ. Ndisə wen sə kaʼsə sə̀ fəfə alə̀ ŋwàŋtə̀.

Matìyò 28:4

Fanə ghaʼ vəsugyèʼ vì a və ntsɨ̀ŋə̀ sè ayì vəwenə fəŋkə a nse sə diʼ to nə̀ mpfʉ viʼi.

Ŋwàʼlə̀ Mak 16:5

Vəwenə sə nkwenə dyʉ̀ a tì sè ayì, ə yèn wàyndyə nkuŋ tsen, ghə̀ ŋwʉʼ a shə kwoŋ toghə vəwenə, mu ghə̀ mòʼ ndisə fəfə sə. Təchʉ̀ tə vəwenə tə zɨm.

Ŋwàʼlə̀ Mak 9:3

Ndisə wen sə kaʼsə sə fəfə ŋwàŋtə̀ chò jì a wù mbi ghèn zì ghə̀ shʉ ndisə sə layn ə fəfə diʼ.

Joyn 20:12

ə yen ətsɨŋsə Nyìngòŋ mu sə mòʼo li ndisə sə fɨfəsə, sə nyʉ̀ʼ akəshi yi a kəmpfʉ kə Yesò kə tə nyəŋ tsu. Ntsɨŋ Nyìngòŋ tsèn ə nyʉ̀ʼ akəshi yi a kətʉ kə wenkə ndiʼ tsu, ghətsen ə nyʉ̀ʼ akəshi yi a ghʉ wen ndiʼ tsu.

Shwèʼ 1:10

Ando vəwenə mbu ki ando ghə̀ kuʼu dyʉ̀, à sətsèn lyʉmə vətsenvə tɨmə à vəwenə a mbyɨ̀ la vəbò mu və mòʼò ndisə sə fəfə la bʉ,

Kəmwetə 10:1

Kənyʉ̀ kə bè fʉ̀ à mò a əkə̀ʼ a nə̀ jòm, mà yen ntsɨ̀ŋ ngə̀ŋ ə̀ Nyìngòŋ ghoʼo ə tsen ghə̀ shiʼi vì fa kàŋ mu mbòʼsə lem li wen, kəmpfembiʼ kə diʼ à wen kətʉ, əkə̀ʼ ə we baynə tò nə̀ chʉzhʉ, afwen ə wen be diʼ tò nə̀ əlwàŋ əzhiʼ.

Kəmwetə 18:1

Andìʼ ando ənyʉ̀ venə̀ ncho, mà yen ntsɨ̀ŋ ngə̀ŋ ə̀ Nyìngòŋ tsen ghə̀ shiʼi vì fa kàŋ. Ghə̀ ə̀ nkìʼ kədyòʼ nə̀ ə̀soʼ ghoʼoghə, əbayn ə wen ə chiʼtə nse no tsèm.