Matìyò 28:19 - The New Testament in the Babanki language

¹⁹ Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Matìyò 28:19 ပူးပေါင်းရင်းမြစ်များ

Matìyò 13:52

Ghə̀ mù gàʼ à vəwenə la, “Ndìʼsə̀sə təsoʼ shì a sə ziʼì li ə̀ kɨ kənyʉ̀ kì a Sòʼ Fòyn Nyìngòŋ diʼ wenə ghə̀, dìʼ mu və se li tò nə̀ tì ngə̀ŋ yì a ghə̀ kiʼi ghoʼ wen à wen a kəntuʼ sə shìsə fo fivə nə̀ muvə fa tsu shyèʼè nə̀ wenəvə no tsèm.”

Matìyò 25:32

Viʼi təloʼ tə mbi vi tsèntə̀ à wen a shɨ no vətsèm, ghə̀ gə̀sə̀ vəwenə a tənòyn təbò ando ntsɨ̀ŋ byisə lə nè ghə̀ gə̀sə̀ byisə vənjɨ̀ fa byisə vəndoŋ.

Shwèʼ 1:2

əzaʼa fà zhʉ a Nyìngòŋ nlyɨ wen ə̀ kùʼsə a kàŋ. Mibu və sə lyɨ wen əkuʼsə a kàŋ mu kəzhwì kə ŋwoʼəkə ku li kədyòʼ, ghə̀ ziʼi nyʉ̀ vyi a viʼi ntɨm wen vi a ghə̀ ntsuʼù lì ndiʼi ne nè.

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 14:21

Bol wenə̀ Balnabas shə̀ʼtə̀ ntɨm jùŋ a Delbə̀, viʼi byɨmə sə diʼ ndzɨ̀mtə̀sə bàm Yesò no vəghoʼo. Vəwenə lù ə̀ bwènə̀ dyʉ̀ a Lista ə̀ chò dyʉ̀ a Ikonùm. Fa Ikonùm vəwenə dyʉ̀ zaʼa a Antìyòk a loʼ Bisidiyà,

Shwèʼ 2:41

Byìʼì a lì viʼi no vəghoʼo byɨmə gaʼa Bità, və ku mu à vəwenə. Viʼi əzaʼa nkamsə sətaʼ kwʉ̀ʼsə̀ a nòyn viʼi və byɨməvə vi a kətsi akì

Shwèʼ 28:28

Bol sə ə̀ mèsə̀ dyʉ̀ ə̀ gàʼ la, “Ghə̀ŋ ə lì dìʼi kɨ la ntɨm jùŋ byìʼì bwòŋ a Nyìngòŋ kìʼ à viʼi dìʼ mu və tɨm li à viʼi tɨm, vəwenə diʼ zhʉ!”

Shwèʼ 9:18

Ando ghə̀ ngàʼà mwètə̀ to myetə fo fʉ̀ fa ashɨ Saul diʼ to nə̀ bo shʉsə ə̀ fəŋkə a nse, ashɨ wen bòʼtə̀, ghə̀ sə bwènsə̀ yenə shi. Ghə̀ lù shi mu.

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

1 Kolìntyàns 15:29

Viʼi sətsen ndiʼ lu faŋ kə lù fa pfʉ nəmwèʼè, viʼi və to və ne sə shi mu akəshi ə wìʼ mu və pfʉkə li, ətof na yi ə diʼ la ghò? Kə sətsen ə ndiʼ la və ko lu lùsə tebè viʼi fa pfʉ, viʼi sə shi mu akəshi ə̀ viʼi və pfʉkəvə na vyi byìʼì gho?

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

Gàlesìyà 3:27

Nò ghə̀ŋ və tsèm a ghə̀ŋ nshi mu, ə tsèntə vye və Yesò ə sə diʼ mù ghə̀ŋ lyɨ li ntsìnə̀ wen.

Efisyàns 2:18

A diʼ cho fa Yesò a vəghəŋ vətsèm, və Jus nə̀ ətɨmə ə kiʼi Kəzhwì kə mùʼ mu və zizi və dyʉ̀ ashɨ ə Bobo, to vətsèm.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Joyn 5:7

A dìʼ kəzhwì kəŋwoʼkə diʼ wu yenə a nyʉ̀ avenə byìʼàndo kəzhwì akènkə diʼ nəmwèʼè.