Matìyò 27:50 - The New Testament in the Babanki language

⁵⁰ Yesò bè dì no A gɨ to mù ghʉsə kəzhwì kə wen kə kuʼu fʉ̀.

Matìyò 27:50 ပူးပေါင်းရင်းမြစ်များ

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Matìyò 27:49

Viʼi vətsenvə gàʼ à wìʼ ayì la, “Kə̀ʼtə̀ vəghəŋ yen la Elijà la vì bwòŋsə wen lo.”

Ŋwàʼlə̀ Mak 15:37

Yesò ku nkəʼ dì ə tem kəzhwì kə wen tò ghayn mùʼ.

Ŋwàʼlə̀ Luk 23:46

Yesò mù dì a gɨ to la “Tiʼi ghom! Mà weli kəzhwì kom à wù kəvu.” A ndiʼ a zhʉ a ghə̀ ngaʼà mwètə̀ ghə̀ pfʉ.

Joyn 10:11

“Ma diʼ no ntsɨ̀ŋ byisə ə jùŋ. Ntsɨ̀ŋ byisə ə jùŋ nə diʼ yi a ghə̀ saŋlə ə pfʉ byìʼì byisə a ghə̀ tsɨ̀ŋ.

Joyn 10:15

to ndə̀ŋndəŋ ando Tìʼ ghom ə kɨ mo, ma be kɨ wen. Ma tu ma ə pfʉ̀ byìʼì byisə shomsə.

Joyn 19:29

Və vi nə̀ saʼ məlyʉ̀ʼ mu mə tò li, ə chʉ nkùncha tsu ə fàʼ kətyɨ ə sùʼ ə kuʼsə ghʉ̀ a wen chʉ̀.

Joyn 19:30

Yesò ə nyʉ məlʉ̀ʼ na myì ə gàʼ la, “Kə mè li.” No zhʉ̀ko, kəzhwì kə wenkə mu ku pfʉ.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.