Matìyò 27:31 - The New Testament in the Babanki language

³¹ Vəwenə nè chəʼə wen mwètə̀ ə tsuʼ dàlə bo yì fà wen a wèn bwènsə̀ mòʼ ndisə wen mi bu lyɨ wen fʉ̀ ədyʉ̀ bantə a kəntò.

Matìyò 27:31 ပူးပေါင်းရင်းမြစ်များ

Matìyò 20:19

Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Matìyò 21:39

Vəwenə gàʼ a lì mù ghaʼ wen fʉ̀ nə̀ wen fa sɨm ayì dyʉ̀ zhwi.”

Matìyò 26:2

“Ghə̀ŋ kɨ la à fàŋ tò mətsì mbò luwèn və zìtə̀ əzhɨ kətsi kə məzaʼsə̀. A dìʼ zhʉ a və ne ghaʼ Wàyn Wìʼ ku və bantə wen a kəntò.”

Ŋwàʼlə̀ Mak 15:20

Andìʼ a zhʉ a vəwenə ne nyʉ̀ venə mè ə̀ tsuʼ ndisə shìsə a və yì mòʼ à wen a wèn lì ə̀ bwènsə̀ mòʼ nkàntə̀ ndisə wen a wen a wèn mù lyɨ̀ wen ədyʉ̀ bantə a kəntò.

Joyn 19:16

Balèt ə mu ku Yesò la vəwenə dyʉ̀ bàyntə. Yesò ə sə jèʼe chò to avu vesugyèʼè azhʉ̀ na ghèn.

Joyn 19:27

ə be bwensə gàʼ a dzɨ̀mtə̀ wen na yì la, “Wu kɨ la ghèn diʼ lì wù.” Ə zìtə̀ fa kətsi na yi, dzɨ̀mtə̀ əbam Yesò na yì ə lyɨ̀ lì Yesò, ghə sə tsi a wen a kəbəŋ.

Shwèʼ 7:58

ə gùf wen ə̀ fʉ̀ nə̀ wen fà a ntə̀ʼ ayì ə̀ zìtə̀ sə temlə wen nə̀ ngùʼsə. Andìʼ a lì mu viʼi vyi a və ndì a nə̀ viʼi və yenəvə ntsuʼtə li vədàlə və vəwenə ə̀ ghʉ̀ a shɨ wàyndyə nkùŋ tsen, a zhiʼ wen ndìʼ Saul.

Hibùlù 13:12

Kə le diʼ to ndə̀ŋndəŋ ando və nlyɨ̀ ə fʉ̀ nə̀ wen fa ntə̀ʼ, ghə̀ yenə ngəʼ ə pfʉ ə shʉ̀ mbyɨsə viʼi nə̀ mənlyuŋ mə wen.