Matìyò 27:2 - The New Testament in the Babanki language

² kwìʼi wen ə lyɨ̀ wen dyʉ̀ kù à Bilate a fòyn Lum nghʉ̀ la ghə̀ nsoʼo shə Judiyà.

Matìyò 27:2 ပူးပေါင်းရင်းမြစ်များ

Matìyò 20:19

Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Matìyò 28:14

Gumnà sə tsèn zhʉ̀ kənyʉ̀ akì yès a kɨ̀ ji tomsə shə̀ʼtə̀ à wen ndi chiʼi wen kə ghə̀ŋ à kwen a ngəʼ”

Ŋwàʼlə̀ Luk 13:1

A ndiʼ a zhʉ ayì, viʼi vətsen və gàʼà Yesò kùmə̀ viʼi Galìlì vətsenvə a Balèt nlù zhwilə ə fɨŋ mənlyuŋ mə vəwenə nə̀ fo kəku a vəwenə ando vəwenə mò Nyìngòŋ.

Ŋwàʼlə̀ Luk 20:20

Vəwenə mù ghʉ ashɨ à wen a wèn be lòʼ viʼi ə tɨm à wen a bàm la vəwenə wamə nè taʼ sə vəwenə diʼ viʼi və jùŋvə, ə bèmtə̀ nyʉ̀ a wen əzhʉ la ghə̀ ko gàʼ kənyʉ̀ ə və ghaʼ wen tsu ə ku à wìʼ a Luma a ghə̀ nsoʼ shə loʼ ayi.

Ŋwàʼlə̀ Luk 23:1

Ntsèntə̀ viʼi nsoʼ vyi no vətsèm lù ə lyɨ̀ Yesò ə dyʉ̀ nə̀ wen a shɨ Bilate,

Ŋwàʼlə̀ Luk 23:12

Əlù fa kətsi a ghèn, Elod wenə̀ Bilate sə̀ diʼ viʼi ndoŋsə byìʼe a ndiʼ a mbì vəwenə ndiʼ viʼi kəbàyn.

Ŋwàʼlə̀ Luk 3:1

A ndiʼ ngwʉʼ njʉ̀sə̀ tàyn ando Fòyn Tibeliyus Kaysa nsoʼo a Lum, Bontiyùs Bilate ndiʼ kətʉ a loʼ Judiyà, Helòd diʼ fòyn a loʼ Galìlì ando lèmə wen nsoʼo shə loʼ yi a və ndzàŋ nə̀ Ituliyà nə̀ Tilàkonaytis ə lisaniyas nsoʼo Abɨlin.

Joyn 18:12

Vəsugyèʼ nə̀ kətʉ kə vəwenə, boʼsə nə̀ viʼi Jus vyi a və ntsɨŋ ngə̀ŋ Nyìngòŋ ə ghoʼo ə ghaʼ Yesò ə kwiʼ wen,

Joyn 18:24

Anàs ə tɨm Yesò azhʉ̀ na ghèn a Kàyafàs, ə pfèm ngə̀ŋ Nyìngòŋ ə ŋaŋtə, Yesò ə bo diʼ to a mpfʉ̀sə.

Joyn 18:28

Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə.

Shwèʼ 12:6

Andìʼ a nəntʉʼʉ əlaynsə a kətsi a yì a fòyn Helòd ndiʼi shisə Bità ədyʉ̀ nə̀ wen və soʼ wen a shɨ viʼi Bità ə̀ nyoŋ a kəntìntìn vəsugyèʼ la vəbò, bʉnə̀ mu və be shwìn wen nə̀ mpfɨŋsə. Vəsugyèʼ vətsenvə be ti a chʉ mbàyn, tsɨ̀ŋə̀ shi.

Shwèʼ 21:33

Kətʉ kə vəsugyèʼ akì dyʉ̀ à Bol ə̀ gàʼ və ghaʼ wen ə̀ kwìʼi wen nə̀ mpfɨŋsə səbò. Ghə̀ mù bèm à viʼi a vyi la, “Wìʼ ghèn dìʼ ndo? Ghə̀ nè ghò?”

Shwèʼ 22:25

Andìʼ ando və nkwìʼi wen mù sə kəŋə ə nghòmə̀, ghə̀ bèm à kətʉ kə vəsugyèʼ kətsenkə a kə nti boʼsə wen la, “Soʼ lè byɨmə la və ghom wù Lum kènla və soʼ li wen əyen la ghə̀ byɨsə li kənyʉ̀ lo?”

Shwèʼ 22:29

Ando ghə̀ ngàʼa a lì no a zhʉ̀ kò, viʼi vyi a və kəŋə ə ghòmə wen, zìtə̀ sə kòytə̀ a bàm. Fàynə vì à kətʉ kə vəsugyèʼ kì ando ghə̀ nzhʉ la Bol dìʼ wù Lum mu ghə̀ be kwìʼi wen nə̀ mpfɨŋsə.

Shwèʼ 24:27

Ngwʉ̀ʼsə nè chò səbò, Bolsiyùs Festus vì lyɨ̀ kəshi kə Felik a nə̀ gumnà. Felik sə nlù ghʉ̀sə tò Bol a mfɨŋ byìʼàndo ghə̀ nkəŋə la Vəjew nkòŋə̀ wen.

Shwèʼ 28:20

A lè kənyʉ̀ a kə ne mà ngaʼ la mà yen ghə̀ŋ vəghəŋ besə a muʼu. Mà dìʼ a mpfɨŋsə alə̀ tò byìʼàndo mà byɨmə à wìʼ yì a viʼi Islel ə ghʉ kwòʼtə vəwenə tò à wen.”

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Shwèʼ 4:27

A le kənyʉ̀ a kə ncho a ntə̀ʼ a shèn. Fòn Helòd wenə̀ Bontiyùs Bilate nə̀ viʼi tɨm vətsenvə bènə̀ viʼi Islel ə̀ zhùŋtə̀ sə̀ baʼtə̀ əsoyn Yesò, wù shwèʼ wu ŋwoʼə yì a wu ntsuʼ li ə̀ ghʉ.

Shwèʼ 9:2

ə̀ gàʼ à wen la ghə̀ ku ŋwàʼlə̀ à yì, a ghə̀ dìʼì wìʼ a yì dìʼi wen, bènə̀ kədyòʼ kì a yì kiʼi ndi yì dyʉ̀ a aloʼ ntsèntə̀ Vəjew a Damaskus ə̀ ghaʼtə ndzɨ̀mtə̀sə Yesò no sətsèm ə̀ bwènsə̀ vì nə̀ vəwenə a Jelusalèm, lʉmə nə̀ ki.

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

2 Timotì 2:9

Mà yenə ngəʼ, və shwinə̀ mò a nə̀ wù ə mfɨŋ alə tò byiʼ ando ma ziʼi ntɨm ə jùŋ à viʼi. Alì kənyʉ̀ kə Nyìngòŋ a kenkə ə diʼ mu və zi ko və lu shwìn.

Hibùlù 13:3

Ghə̀ŋ nkwoʼtə viʼi vyi a və diʼi a ngə̀ŋ nfɨŋ, sə vye vəwenə diʼ amuʼ tsu. Ghə̀ŋ be nkwoʼtə viʼi vyi a və yenə ngəʼ, to sə vye vəwenə yenə ngəʼ a yi amuʼ.