Matìyò 27:18 - The New Testament in the Babanki language

¹⁸ Ghə̀ mbèmə̀ a lì byìʼàndo ghə̀ nkɨ la à ne tò kənghə̀ʼ la və ghaʼ Yesò vì nə̀ wèn à wen.

Matìyò 27:18 ပူးပေါင်းရင်းမြစ်များ

Matìyò 27:17

Viʼi ne vì zhùŋtə̀ tsu ndiʼ tsu wìʼ yì a və ndiʼi ne shisə̀ fa mfɨŋ, Bilate mù bèm à vəwenə la, “Ghə̀ŋ kòŋ la mà shisə̀ ndo à ghə̀ŋ a? Bàlabàs mu Yesò ghèn a və dzàŋə̀ nə̀ Wìʼ yì a Nyìngòŋ ntsuʼ li ə̀ ghʉ lə̀ lo?”

Matìyò 27:19

Bilate mbù bù a ngə̀ŋ soʼo nsoʼ Yesò, wì wen tɨm ntɨm à wen gàʼà la, “Kə a we kəvu kə̀ a wèn wìʼ ghèn a və kəŋə zhwi wen tò kədyàŋ lə̀, byìʼàndo mà tə yèn ngəʼ no nànto a jòmsə nəntʉʼʉ lan byìʼì wen.”

Ŋwàʼlə̀ Mak 15:10

Ghə̀ mbèmə̀ a lì byìʼàndo ghə̀ nkɨ li la à nè tò kənghə̀ʼ tʉtʉ vəpfèm və ngə̀ŋ Nyìngòŋ nghaʼ Yesò ə ku à wen.

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

Shwèʼ 5:17

Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm wen no vətsèm a andiʼì viʼi ntsentə Vəsadùsis zìtə̀ kəghəʼ kə fànsə kə kətsenkə a wèn viʼi ntɨm ə̀ Yesò mù ghʉ̀ la vəwenə ne yen kənyʉ̀.

Shwèʼ 7:9

“Zhʉ tsenghə kuʼ ə̀ kwʉ̀ʼ, vətìʼ vəghəŋ və mbì vi sə ghə̀ʼə̀ lèmə̀ vəwenə, Josèf, ə̀ bàʼlə wen la ghə̀ dyʉ̀ nshwèʼè kəkòs a Ijìb alì Nyìngòŋ sə tùʼmə̀ nə̀ wen

Jems 4:5

Mu ghə̀ŋ ə lyɨ̀ la ŋwàʼlə̀ Nyìngòŋ ə gàʼà tò kədyàŋ la, “Nyìngòŋ ə kòŋə̀ kəzhwì kì a ghə̀ ne li kə sə diʼ à vəghəŋ a təwèn lo?” Kəshi akènkə gàʼà tò nəmwèʼè.