Matìyò 26:39 - The New Testament in the Babanki language

³⁹ Ghə̀ kwentə dyʉ̀tə̀ a mbì nyòŋmə̀ dyʉ̀ a nse apfʉ̀ʼapfʉʼ mù sə̀ jɨ̀mə̀ gàʼà la, “Tìʼ ghom, jì sətsèn ndiʼ wu shi ndoŋ ngəʼ ghèn fà mò alì ne tò kənyʉ̀ a kə kwʉʼʉ̀ à wù kə a nè kənyʉ̀ a kòŋə̀ mò.”

Matìyò 26:39 ပူးပေါင်းရင်းမြစ်များ

Matìyò 20:22

Yesò mù bwènsə̀ à vəwenə la, “Ghə̀ŋ ko kɨ̀ kənyʉ̀ a ghə̀ŋ gàʼà.” Bè mù bèm à vəwenə la, “Ghə̀ŋ lè zì ghə̀ŋ yen ngəʼ ghèn a mà diʼi ne yen lə a? Vəwenə byɨmə.”

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 26:42

Yesò bè bwènə̀ dyʉ̀ sə̀ jɨ̀mə̀ gàʼà la,“Tìʼ ghom a zhʉ a wù ko a shi ndoŋ ngəʼ ghèn fà mò chò la mà nyʉ, wu ə ne ando wù kòŋə̀.”

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Ŋwàʼlə̀ Luk 17:16

Ghə̀ dyʉ̀ ne yen Yesò ə fəŋ a wen a shɨ achəʼ achəʼ ə ku kəzòŋ a wen.

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

Joyn 14:31

ali viʼi mbyi diʼ ə̀ kɨ la ma kòŋ Tìʼ, be kɨ kənyʉ̀ kì a ghə̀ gàʼ la mà nè. “Ghə̀ŋ vì vəghəŋ lù fa akəshi ghèn.”

Joyn 18:11

Yesò ə gàʼ a Bità la, “Bwensə wè nyì ə wù a yi kwʉ. Wù kwòʼə la ma ko kòŋ ə yenə ngəʼ a ji yi a Tìʼ ghom ghʉ̀ la mà yen fa tsù mu?”

Joyn 5:19

Yesò ə mu bwensə gàʼ a vəwenə la, “Ma gaʼa a ghə̀ŋ to no nəmwèʼè la, Wàyn zizi ko ghə̀ lu nè kənyʉ̀ fa wen a ngeŋ, ghə̀ zizi ghə̀ nè to kənyʉ̀ kì a ghə̀ yen nə̀ to ando Tìʼ ə wen ə nè. Byìʼàndo no gho a Tìʼ ə nè, Wàyn be diʼ ə nè to kəwenkə.

Joyn 5:30

“Kənyʉ̀ kə tsenkə ko diʼ a mà zizi a mà nè a mo kədyòʼ. Ma soʼo to ji yì a Nyìngòŋ ə gàʼ la mà ə soʼo fa tsù. Kə diʼi la ma soʼo to no fwu byìʼàndo ma ko kəŋ ə nè kənyʉ̀ kì a ma kòŋ, ali nè to kì a wìʼ yi a ghə̀ tɨmə mo kəŋ la ma nè.

Joyn 6:38

byìʼàndo mà lu fa kàŋ ə shiʼi vi a nse ə nè kənyʉ̀ kì a wìʼ yì a ghə̀ tɨmə mo ə kəŋ, a ko diʼ kənyʉ̀ ki a ma kəŋ fa mò a ngeŋ.

Shwèʼ 10:25

Bità sə nkwenə vì tò kwenə a kəbəŋ ayì, Kòneliyòs dyʉ̀ tòŋtə wen ə̀ shìʼi à wen alwi ə̀ ghoʼsə wen.

Filìbàyns 2:8

Ghə̀ mbè shiʼsə wen ə wen a nse ə̀ byɨmə ə pfʉ ə pfʉ byɨghə a kəntò.

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.