Matìyò 26:29 - The New Testament in the Babanki language

²⁹ Mà gàʼà à ghə̀ŋ la mà ko lu be nyʉ məlyʉ̀ʼ mèn əzaʼa fa tʉʼ a mà lu nyʉ məlyʉ̀ʼ məmfimə̀ vəghəŋ a kəshi kə fòyn Tìʼ ghom.”

Matìyò 26:29 ပူးပေါင်းရင်းမြစ်များ

Matìyò 13:43

Viʼi kənyʉ̀ kə tɨməkə lu mbaynə a tʉʼ ayì tò nə̀ chʉzhʉ a kəshi kə fòyn Tìʼ vəwenə. No ndò a ghə̀ kiʼi tiʼitiʼi ghə̀ tuʼù zhʉtə.”

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Matìyò 18:20

Byìʼàndo viʼi sətsèn ŋwʉʼʉ tè fe əzaʼa vəbò ko vətaʼ à mò à zhiʼ mu mà dìʼ yo vəwenə.”

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Matìyò 26:28

A dìʼ mənlyuŋ mwomə̀ a mə chiʼtə̀ məkàyn mə Nyìngòŋ a ma shʉ̀ʼ ndi Nyìngòŋ maʼa mbyɨsə viʼi.

Matìyò 26:30

Vəwenə zhɨ mwètə̀ zhɨmə ndzàŋ mù fʉ̀ kùʼ a kwi pfèn Olìf.

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Ŋwàʼlə̀ Mak 14:25

Mà gàʼà à ghə̀ŋ nəmwèʼè la, mà ko lu be nyʉ məlyʉ̀ʼ mèn əzaʼa fa kətsi kì a mà lu nyʉ a kəshi kə fòn Nyìngòŋ.”

Ŋwàʼlə̀ Luk 12:32

“Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Joyn 15:11

“Mà shə̀ʼtə̀ nyʉ̀ venə a ghə̀ŋ ndi ghə̀ŋ kɨ saŋlə yì a ma kiʼi, a diʼ saŋlə mu ghə̀ lwin li kwʉ̀ʼ.

Joyn 16:22

Kə lə diʼ to ndə̀ŋndəŋ luwen a ghə̀ŋ, ando ghə̀ŋ kusə shinsə, ali ma diʼ ə ne be ə yen ghə̀ŋ la ghə̀ŋ, ghə̀ŋ ə̀ saŋlə, ko wìʼ diʼ ə nè la kə ghə̀ŋ be sàŋlə.

Joyn 17:13

Luwen diʼ alə ma vi a wù, ali sə gàʼa nyʉ̀ a venə, bo diʼ to a mbyi ə nè la vəwenə kiʼi saŋlə a vəwenə a tətyɨm, ghə̀ kwʉ̀ʼ to ndə̀ŋndəŋ ando ma kiʼi.

Shwèʼ 10:41

Ghə̀ nko dìʼi wen ə wen à viʼi vətsèm, ghə̀ ndìʼi tò à yès vi a Nyìngòŋ ntsuʼ li ə̀ ghʉ la yès dìʼ viʼi vəyenəvə a nyʉ̀ avenə. Yo vəwenə nzhɨ li be nyʉ ando ghə̀ mbwènsə̀ lù fà pfʉ.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Kəmwetə 14:3

Viʼi a vyi nkamsə ghɨ nə̀ njʉ̀sə̀ kàʼ a məwum ə̀ nkàʼ ə̀ nzɨmə̀ ndzàŋ ə fi kènla wìʼ zì ghə̀ ziʼi əzhɨm əchò tò vəwenə vi a və sə̀ diʼ mu və zen li kətʉ kə vəwenə fa mbi. Vəwenə nzhɨmə ndzàŋ ayì a shɨ kəfwoyn nə̀ ə̀fo zhwisəvə vi ə̀kàʼ bènə̀ vəchəʼ.

Kəmwetə 7:17

byìʼàndo wàyn bi njɨ̀ yì a ghə̀ ŋwʉʼ a tì kəshi kə kəfwoyn ne ndiʼ ntsɨ̀ŋ ə̀ vəwenə. Ghə̀ ne lyɨ̀ vəwenə dyʉ̀ nə̀ vəwenə ashi a mu mi a ku əbwòŋ ko mə lu nzɨmə. Nyìngòŋ be tì məshɨ mə vəwenə no ntsèm fà vəwenə ashɨ.”