Matìyò 26:26 - The New Testament in the Babanki language

²⁶ Vəwenə sə mbu zhɨ Yesò lyɨ̀ kəbayn kə məka ə̀ kù kəzòŋ à Nyìngòŋ mù bwəʼ ə̀ kù à ndzɨ̀mtə̀sə bàm wen gàʼà la, “Ghə̀ŋ ghaʼ ə̀ zhɨ. Ghenə diʼ wen ə ghomə.”

Matìyò 26:26 ပူးပေါင်းရင်းမြစ်များ

Matìyò 14:19

Ghə̀ mù gàʼ à nòyn viʼi vi la vəwenə ŋwʉʼtə dyʉ̀ a agəŋ. Ghə̀ bè mù shì təghɨf tə kəbayn kə məka tì tə tàyn bènə̀ shʉsə shì sə bò ə̀ ki kùʼsə nə̀ kaŋ kù kəzòŋ a Nyìngòŋ, byə̀ʼ kəbàyn akì tsèntə̀ kù a ndzɨ̀mtə̀sə bàm wen la sə gətə à viʼi a vyi.

Matìyò 26:27

Ghə̀ bè lyɨ̀ ndoŋ məlyʉ̀ʼ ə̀ kù kəzòŋ a Nyìngòŋ mù gàʼ la, “Ghə̀ŋ ghaʼ ə̀ nyʉ̀ no ghə̀ŋ vətsèm.

Ŋwàʼlə̀ Mak 6:41

Ghə̀ mù shì təghɨf tə kəbayn tìtə tətàyn nə̀ shʉ shìsə səbò ə̀ ki kùʼsə nə̀ kàŋə, ə̀ kʉ̀ kəzòŋ à Nyìngòŋ, mù byəʼlə kəbayn akì ə̀ kù la ndzɨ̀mtə̀sə bàm wen sə tomtə a shɨ viʼi vi. Ghə̀ be lyɨ̀ shʉ shìsə səbò ə̀ gə̀tə̀ à viʼi no vətsèm.

Ŋwàʼlə̀ Luk 22:17

Ghə̀ bè mù lyɨ̀ ndoŋ ku kəzòŋ a Nyìngòŋ ə gàʼ la “Ghə̀ŋ ghaʼ ə nyʉ fa tsu no ghə̀ŋ vətsèm;

Ŋwàʼlə̀ Luk 24:30

Ando ghə̀ ŋwʉʼmə wenə vəwenə a kəchiʼ əzhɨ, ghə̀ lyɨ̀ kə̀bayn ə bwaʼsə̀, ə byəʼlə bè mù ku a vəwenə

Shwèʼ 2:46

Vəwenə vi zhùŋtə̀ à ngə̀ŋ Nyìngòŋ tò mətsì ntsèm. Vəwenə nè fʉ̀, və sə jèʼè zhɨ tò à ngə̀ŋ a ngə̀ŋ be saŋlə̀ a kənyʉ̀ kə mùʼ,

Shwèʼ 20:7

A nè sə ndiʼ a kəlyɨŋ kə zhʉ mpfwomə a mbì kətsi a woŋ, yès tsèntə̀ əzhɨ, Bol zìtə̀ sə ziʼì viʼi, ə̀ ziʼi tò ziʼi ə zaʼa a ntìntìn nəntʉʼʉ byìʼàndo tʉʼ ndiʼ layn ghə̀ lu.

1 Kolìntyàns 10:4

ə be nyʉ mu, mu à ku Nyìngòŋ. Mu na mèyn ə nfʉ fa əwu yi a ghə̀ njèʼè fa vəwenə a ntìntìn. Əwu na ghenə ə ndiʼ Klistò.