Matìyò 26:24 - The New Testament in the Babanki language

²⁴ Wàyn wìʼ ne pfʉ ando və ə̀ nyòʼò li a ŋwàʼlə̀ Nyìngòŋ. Alì ngəʼ ghoʼo ne ndiʼ à wìʼ yì a ghə̀ baʼlə wen! kə mbòŋsə̀ ə̀ nzì kə mbòŋtə̀ a zhʉ a və nko bwì wìʼ ayì no nə̀ mpfen.”

Matìyò 26:24 ပူးပေါင်းရင်းမြစ်များ

Matìyò 18:7

Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.

Matìyò 26:31

Yesò mù gàʼ à ndzɨ̀mtə̀sə bàm wen la, “A ne ndiʼ nəntʉʼʉ lan no ghə̀ŋ vətsèm nyɨŋkə ə̀ kyè mo ando və diʼ mu və ə̀ nyòʼò li a tì ŋwàʼlə̀ Nyìngòŋ la, ‘Mà ne zhwi ntsɨ̀ŋ byisə ə byisə saykə.’

Matìyò 26:54

Mà sətsèn mù nè a lì mu kənyʉ̀ kì a və ə̀ nyòʼò li a ŋwàʼlə̀ Nyìngòŋ byìʼì mò ko a lyɨ kəshi.”

Matìyò 26:56

Nyʉ̀ venə diʼi fʉ̀ alə̀ ndi nè la nyʉ̀ vyi a Nyìngòŋ ngaʼà chòsə̀ fà nshə̀ʼtə̀sə wen la və lyɨ kəshi.” No a zhʉ̀ kò ndzɨ̀mtə̀sə bàm wen sə nyɨŋkə no sə tsèm mòʼtə̀ wen.

Ŋwàʼlə̀ Mak 14:21

Wàyn Wìʼ a pfʉ ando ŋwàʼlə̀ Nyìngòŋ gàʼà alì ngəʼ ghoʼo diʼ à wìʼ yì a ghə̀ a baʼlə wen. Kə yi ndìʼi bòŋsə bòŋ la kə və à bwi wen.”

Ŋwàʼlə̀ Mak 9:12

Ghə̀ gàʼ à vəwenə la, “Adìʼ nəmwèʼè la Elijà ne vì a mbì ndi shɨ̀tə̀ no nyʉ̀ tsèm alì byìʼì ghò a və nyòʼò a ŋwàʼlə̀ Nyìngòŋ la Wàyn Wìʼ ne yen ngəʼ a nyʉ̀ no ghoʼo və be nyàblə̀ nə̀ wen a?

Ŋwàʼlə̀ Luk 22:22

Wàyn wìʼ ne a pfʉ ando Nyìngòŋ yi ghʉ alì ngəʼ byɨ ne ndiʼ a wìʼ a ghə̀ baʼlə wen.”

Ŋwàʼlə̀ Luk 24:46

bè mù gàʼ a vəwenə la “Nəmwèʼè, və nyoʼli la Klistò ne yen ngəʼ a sə̀ ndiʼ a bàmə mətsi ntaʼ ghə̀ be lu fa pfʉ,

Joyn 17:12

Ma tə ə tuʼmə nə̀ vəwenə ando yo vəwenə tə bò diʼ to muʼ, ə ghʉ̀ vəwenə akayn nə̀ kədyòʼ kì a wù kù a mò. No wù mùʼ ə ko lè, a bwen to yì a ghə̀ tə ndiʼ lù lè, ndi kənyʉ̀ ki a ŋwàʼlə̀ wù gàʼa kwʉʼ.

Joyn 19:24

Vəsugyèʼ na vyi ə gàʼ to fa vəwenə ngeŋsə la, “kə vəghəŋ a bàytə̀ ndisə na sensə. Vəghəŋ tem baʼ ə yen la a zhɨ ndò lo.” Kənyʉ̀ na kènkə ə fʉ̀ alə ndiʼ kənyʉ̀ ki a və nyoʼ a Ŋwàʼlə̀ Nyìngòŋ kwʉʼ la: “Və gətə li ndisə shomsə ə se tem baʼ, ə zhɨ̀ ndisə shomsə.” Vəsugyèʼ na vi nè to kənyʉ̀ na kèn.

Joyn 19:28

Əzhʉ ə kwʉʼ li, Yesò ə yen la no tèbe ghò ə mè li, ghə̀ sə be kəŋ ə lwinsə kənyʉ̀ kì a və nyoʼ a Ŋwàʼlə̀ Nyìngòŋ ə mu gàʼ la, “Toŋ ə mu zɨmə mò.”

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

Shwèʼ 4:28

Vəwenə mpfʉ̀tə ənè tò kənyʉ̀ kì a wù nsə diʼ mu wu baʼtə̀ li ə̀ nghʉ, à wù a kədyòʼ la kə lu lyɨ̀ kəshi.

1 Kolìntyàns 15:3

Nò kənyʉ̀ kə tokə ki a ma tə nziʼi ghə̀ŋ diʼ to kəwenkə kə a və nziʼi a mò la, Yesò mpfʉ byìʼì nyʉ̀ əbyɨvə ə vəghəŋ to ando və nə̀ nyoʼo a Ŋwàʼlə̀ Nyìngòŋ,