Matìyò 26:10 - The New Testament in the Babanki language

¹⁰ Yesò kɨ kənyʉ̀ a vəwenə nkwòʼtə̀ mù gàʼ à vəwenə la, “Ghə̀ŋ ku ngəʼ ghò à wùwì ghèn a?” A dìʼ no kənyʉ̀ kə jùŋkə a ghə̀ ne à mò.

Matìyò 26:10 ပူးပေါင်းရင်းမြစ်များ

Matìyò 26:11

Viʼi kənfem lu ndiʼ tò diʼi à ghə̀ŋ a ntìntìn alì mà ko diʼ ne faŋ vəghəŋ.

Matìyò 26:9

Və yì zì və baʼlə mənzhiʼ menmə no a ko ghoʼ ghə̀ ə̀ ku ko yi à viʼi kənfem.

Ŋwàʼlə̀ Mak 14:6

Yesò bwènsə̀ gàʼ la, “Ghə̀ŋ ke ku ngəʼ ghò à wen a? Ghə̀ŋ ghʉsə wen tò a lì. Ghə̀ ne li no kənyʉ̀ kə jùŋə kə à mò.

Ŋwàʼlə̀ Luk 8:49

Ando Yesò mbu gàʼà, wìʼ vì mu ghə̀ lù fa ngə̀ŋ kətʉ kə ngə̀ŋ ntsèntə̀ kì ə gàʼ à wen la, “Wàyn wù yì pfʉ li kə be a ku ngəʼ à ndìʼsə̀.”

2 Kolìntyàns 9:8

Nyìngòŋ ə kiʼi kədyòʼ ə bwàʼsə ghə̀ŋ nə̀ əfo və ghoʼo chò vyi a ghə̀ŋ kəŋ ndiʼ ghə̀ŋ nkiʼi to kiʼi no məzhʉ̀ ə ntsèm be kiʼi kə kwʉ̀ʼʉ̀ nè nyʉ̀ ə jùŋə və tsu,

Gàlesìyà 1:7

Ma ko gàʼà tebè la ntɨm ə jùŋə tsen be diʼ. Ma gàʼà la viʼi vətsenvə sə boŋsə sàsə̀ ətof ə ghəŋə, mwomsə ə nkwitə ntɨm ə jùŋ byìʼì ə Yesò.

Gàlesìyà 5:12

Ma jɨ̀mə̀ la viʼi vyi a və kəŋ la və nshɨtə ndyə̀ ghə̀ŋ, vəwenə zoʼo təwen tə və wenə.

Gàlesìyà 6:17

Ə mwetə, ma sə gàʼa la, kə wìʼ be ku ngəʼ a mò, byìʼì ando əlas diʼ a mo wèn a və diʼi la ma diʼ wù Yesò.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

2 Tèsàlonyà 2:17

Ghə̀ a nè ghə̀ŋ kiʼi ətyɨm ə zhʉ̀təghə nə̀ kədyoʼkə ə nè nyʉ̀ ə jùŋə və be gaʼa to nyʉ̀ ə jùŋə to məzhʉ̀ ə tsèm.

1 Timotì 3:1

Ə gaʼa nəmwèʼè la no ndò a ghə̀ kəŋ ndi kətʉ a ngə̀ŋ Nyìngòŋ, mu ghə̀ kəŋ ə shwèʼ ə kuʼmə ghə̀.

1 Timotì 5:10

viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.

2 Timotì 2:21

A sətsen no te ndò ghʉsə ənyʉ̀ ə byɨvə ə ndìʼ nə̀ laynə, Nyìngòŋ a lyɨ̀ wen tò nə̀ əkayntə wìʼ byìʼ ando ghə̀ ku li wenə wen ə sə dìʼ ə nkàyntə̀ wù ə shyèʼ à wen, kəʼtə ə ne no tənkì tə shyèʼ tə jùŋ tə no tə tsèm.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Taytùs 3:1

Kùmtə à viʼi vyə la vəwenə nshiʼsə̀ təwen tə vəwenə à tʉtʉ vəwenə bènə̀ viʼi a və soʼo vəwenə, zhʉ gɨ̀ be bvʉ̀tə̀ ənè shyèʼ jùŋə ghə̀ no mənzhʉ̀ ntsèm.

Taytùs 3:14

Viʼi və byɨməvə vəghəŋ diʼ əmwòmsə̀ ənè tò ənyʉ̀ juŋəvə, kiʼ ə̀fo, vəwenə ngyàmtə̀ viʼi a vəwenə ko kiʼ. Kə vəwenə à ntsi ntsìnə̀ a ghə̀ ko kiʼ əse.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.