Matìyò 25:41 - The New Testament in the Babanki language

⁴¹ “Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Matìyò 25:41 ပူးပေါင်းရင်းမြစ်များ

Matìyò 13:40

Ando və ne zhùŋtə̀ kəfʉ̀ʼ a sɨm və nyùʼù àdìʼ tò a lì a və lu nè a viʼi avenə a kənsèsə̀ kə mbi.

Matìyò 13:42

ə̀ mòʼ vəwenə a kəshi kə zhìʼ ə vəwenə nlyuŋlyuŋ dì be pfiʼi asoŋ.

Matìyò 13:50

ə mòʼ vəwenə a kəshi kə zhìʼ, vəwenə nlyuŋlyuŋ dì be pfiʼi asoŋ tsu.

Matìyò 18:8

Kəvu kə̀ ko kəghʉ kə̀ sətsèn nè la wù ne mbyɨ wu tin ə̀ màʼà. Kə bòŋ la wù kiʼi bwòŋ yi a ghə̀ ko lə mè kènə̀ kəvu kə mùʼ ko kəghʉ kə mùʼ əchò la wù kiʼi wen wu no tsèm və moʼ wù a zhìʼ a ghə̀ ko lə mè.

Matìyò 25:42

A ndìʼ a zhʉ a jɨ̀ŋ nzafə mò ghə̀ŋ tyen la ghə̀ŋ ko a ku kəfo mà zhɨ, toŋ à mù zɨmə mò ghə̀ŋ tyen la ghə̀ŋ ko ku mu mà nyʉ.

Matìyò 25:46

Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.

Matìyò 3:12

A zhʉ a ghèn, ghə̀ a kiʼi kyeʼ lyelə wen a wenə kəvu, əfwoftə asaŋ ə ghʉ a wenə kàŋ, ali və nyùʼ yabyabsə shi nè zhiʼ a ghə̀ ko lə lɨmə no fa mpfen”.

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Matìyò 5:22

Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Matìyò 7:23

Ə zhʉ a yi a mà gàʼa laynsə a vəwenə la, ‘Ma ko təmə nkɨ ghə̀ŋ a viʼi ənyʉ̀ ə byɨvə venə. Ghə̀ŋ lu fa a mò ashɨ!’

Ŋwàʼlə̀ Luk 13:27

Alì ghə̀ bè gàʼ tò la, ‘Ma gàʼ à ghə̀ŋ nəmwèʼè la, ma ko kɨ kəshi a ghə̀ŋ lù fa tsu. Ghə̀ŋ lu fà mò a chʉ̀ ngə̀ŋ, ghə̀ŋ viʼi nè nyʉ̀ byɨvə venə!’

Ŋwàʼlə̀ Luk 16:24

Ghə̀ dzàŋ wen ə gàʼa la, ‘Ablaham, kusə nshinsə à mò a tìʼ ə tɨm Lazalùs ghə̀ chʉ̀ nyì kəvu wen a mu ə vì chì kəndòŋ kom kə tsu. Mà zhʉ əlɨ̀m toghə a tyì zhìʼ a shə̀.’

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

2 Tèsàlonyà 1:7

Ghə̀ lu nè, ghə̀ŋ viʼi a ghə̀ŋ nyenə ngəʼ luwen ghə̀ŋ kiʼi nzhʉtə, yes boŋ kiʼi. Ghə̀ ə lu nè kənyʉ̀ na kènkə azhʉ̀ a Bobo Yesò bwensə shiʼi vi fa akàŋ ə diʼi wenə wen wenə ə ntsɨŋsə wen a sə kiʼi kədyòʼ.

2 Tèsàlonyà 1:9

Nyìngòŋ ə lu byɨbsə vəwenə ə nè vəwenə kiʼi ngəʼ yì a ghə̀ ko lu mè, ə faŋke ndiʼ tebè akəshi yi a Bobo nə̀ diʼ tsu, ko ghə̀ŋ lu yenə kədyòʼ kə kaynə kə ə wen.

Hibùlù 6:8

Alì mu à sətsèn a kwi to kəzòyn a sɨm nə̀ kəfʉkə byɨkə, ko kəfo kə be kù a əsɨm ayi. Nyìngòŋ ə zizi ghə̀ telə və lù be nyùʼ byɨbsə nə̀ zhiʼ.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

1 Joyn 3:10

Byìʼì nakènkə, və a yenə kɨ viʼi vi a diʼì vunə Nyìngòŋ bènə̀ vi a diʼì vunə Deblə̀. Wìʼ a ghə̀ ko nè kənyʉ̀ kətɨməkə ə ko diʼ wàyn Nyìngòŋ tò ndə̀ŋndəŋ a nə̀ wìʼ a ghə̀ ko kòŋə̀ lèmə̀ wen.