Matìyò 25:34 - The New Testament in the Babanki language

³⁴ A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Matìyò 25:34 ပူးပေါင်းရင်းမြစ်များ

Matìyò 13:35

Ghə̀ ə̀ nè alə̀ ndi nè la nyʉ̀ vyi a Nyìngòŋ ngaʼà chò fà nshə̀ʼtə̀ ghoʼo ndiʼ nəmwèʼè la, “Mà lu ngàʼà à vəwenə a ngàynsə. Mà lu nshə̀ʼtə̀ nyʉ̀ à vəwenə a wìʼ nko ntɨmə̀ kɨ no fa tʉʼ a və nshɨtə mbi.”

Matìyò 19:29

Adìʼ tè ndò a ghə̀ moʼtə̀ li kəbəŋ kə wen ko vəlèmə və wen lʉmə, ko vəlemə və wen ki, ko tìʼ wen ko lì wen ko vunə wen ko təsɨm tə wen byìʼì mò mu ghə̀ lu bwènsə̀ kiʼi viʼi bènə̀ fo aghayn ghɨ. Ghə̀ be lə kiʼi bwoŋ a ghə̀ lu faŋə̀ tò ghayn ə mùʼ.

Matìyò 20:23

Yesò gàʼ à vəwenə la, “Nəmwèʼè, ghə̀ŋ a yen ngəʼ yì a mà diʼi ne yen alì à ko diʼ kəshi kom ə mà gàʼ la wìʼ ŋwʉʼʉ à mò a kwoŋ toghə kò à mò a kwoŋ nànkwè. Shi avenə diʼ à kiʼ viʼi vi a Tìʼ ghom tə shɨ̀tə̀ ə̀ nghʉ à vəwenə.”

Matìyò 21:5

“Gaʼa viʼi ntə̀ʼ Zayòn la, ghə̀ŋ yen a, fòyn ghə̀ŋ vì à ghə̀ŋ, ghə̀ bwaʼmə, vì a kwi wàyn fəmbyèʼè fo.”

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Matìyò 25:23

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwèʼ jùŋə be tùʼmə̀ no a nkàyn. Wù tuʼmə̀ li no nkàyn nə̀ kəfo kətyətəkə. Luwen ma ghʉ wù, wu ntùʼmə̀ nə̀ fo ghoʼvə kwen vì yowù nsaŋlə̀ a muʼu.

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Matìyò 27:37

Vəwenə nyòʼ kənyʉ̀ kì a vəwenə ngàʼà la ghə̀ mbyɨ̀sə lì a kəbàŋ kə fəkòʼ vì bàntə a wen a kətʉ kə kəntò. Və nyoʼo la, “GHÈN DIʼ YESÒ FÒN VƏJEW”

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 5:19

A sətsèn a kwàʼ no ndò kwàʼa soʼ fa ntìntìn təsòʼ a tèn, tè bè tyetə ghə̀, ə bè ziʼi viʼi la və be kwaʼà tò alì, ghə̀ lu ndiʼ wu tyetə a kəshi kə fòyn Nyìngòŋ. A ghʉ no məndo ghʉ soʼ ayi, be ziʼi viʼi vətsen və la və nghʉ tò alì, ghə̀ lə ndiʼ wu ghoʼo a kəshi kə fòyn Nyìngòŋ.

Ŋwàʼlə̀ Mak 10:17

Yesò nè lù sə ndyʉ̀ a ji, wutsen nyɨ̀ŋ vì shiʼi à wen alwi ashɨ Yesò ə bèm à wen la, “Ndìʼsə̀ jùŋ, mà lè zì mà ne no ghò ndi lu kiʼi bwoŋ yi a ghə̀ ko lə mè a?”

Ŋwàʼlə̀ Mak 10:40

alì à ko diʼ kəshi kom ə gàʼ la wìʼ ŋwʉʼʉ a mò a kwoŋ toghə ko à mò à kwoŋ nànkwè. Shi a vyi diʼ à kiʼ viʼi vyi a və tə shɨ̀tə̀ nghʉ à vəwenə.”

Ŋwàʼlə̀ Luk 11:28

Yesò bwènsə̀ la, “Mbwaʼmə bòŋsə dìʼ a viʼi vyì a və zhʉ kənyʉ̀ kə Nyìngòŋ be nè tò ndo kə gaʼa!”

Ŋwàʼlə̀ Luk 11:50

Byìʼì viʼi kəlyɨŋ kenkə lə shə̀ʼtə̀ chʉ vəwenə kùmə̀ mənlyuŋ mə nshə̀ʼtə̀ sènsə no sətsèm a və zhwi li, əzìtə̀ fa nsè,

Ŋwàʼlə̀ Luk 12:32

“Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Ŋwàʼlə̀ Luk 19:38

La, “Mbwaʼmə à fòyn yi a ghə̀ vì a zhìʼ Bobo. Mbwaʼmə ndiʼ a kàŋ. Nyìngòŋ nkiʼ kuʼsə ghoʼghə a kəshi yì a kə ŋaŋtə̀li nkwʉʼ!”

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 12:13

ə kwaʼtə zaŋ ə fʉ̀ dyʉ̀ nə̀ wenə və a wen nə̀ ji, zɨ̀mə gàʼa dyʉ̀ la, “Òsanà! mbwaʼmə ə diʼ a wìʼ yi a ghə̀ vi a əzhiʼ Bobo. Nyìngòŋ ə bwàʼsə Fòyn viʼi Islel!”

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Joyn 19:15

Alì vəwenə zɨmə gàʼ to la, “Viʼi wen, nyɨŋ li wen! Və bayntə wen a kəntò!” Balèt ə bèm a vəwenə la, “Ghə̀ŋ gàʼ la mà bayntə fòyn ghə̀ŋ?” Vəpfèm və ngə̀ŋ Nyìngòŋ sə ghoʼkəsə gàʼ la, “Yès ko kiʼi fòyn ə tsen, ə cho to fòyn ə ghoʼo a Lum.”

Shwèʼ 15:18

Ghenə diʼ gaʼa Bobo a ghə̀ ne li la viʼi kɨ nyʉ̀ avenə no fà kəghaf.’”

Shwèʼ 3:26

Nyìngòŋ mù tsuʼ wù shyèʼ wen ə̀ tɨ̀m à ghə̀ŋ a mbì ndi ghə̀ bwaʼsə ne la no tè ndò à ghə̀ŋ a ntìntìn ghʉsə jisə byɨsə wen.”

Lumans 8:17

Vəghəŋ sətsen ə ndi vunə Nyìngòŋ, kə ne diʼi la vəghəŋ lu kiʼi əghoʼ ə Nyìngòŋ, diʼ lù kiʼi əghoʼ na yi, vəghəŋ və Yesò to muʼ. Vəghəŋ lu kiʼi əghoʼ na ghèn nə̀ vəghəŋ və Yesò to azhʉ̀ a vəghəŋ ə boŋ yen nə̀ ngəʼ yì a Yesò ə yen ə̀ ndi vəghəŋ boŋ kiʼi əbayn yì a ghə̀ kiʼi.

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.

1 Kolìntyàns 2:9

Yès ə ziʼi to kənyʉ̀ a və nyòʼò a Ŋwàʼlə̀ Nyìngòŋ la: “Wìʼ ko təmə yen, ko ndiʼ la wìʼ təmə zhʉ, wìʼ ko təmə kwòʼtə kənyʉ̀ ki tèbe kwoʼtə a Nyìngòŋ ə bàtə li a viʼi vyi a və kòŋ wen.”

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

Gàlesìyà 5:21

kiʼ ashɨ kəmbàŋbàŋ, nyʉ chòsə̀ məlyʉ̀ʼ bomə, kòŋ ə nzhùŋtə̀ ashi nyʉ məlyʉ̀ʼ ne to nə̀ bʉsə. Nki ənyʉ̀ a vyi diʼ to kədə̀ŋ. Ma kù kətyiftə a ghə̀ŋ luwen ndə̀ŋndəŋ ando ma tə ku fa ambì la, “Viʼi vi a və nè nyʉ̀ na venə ko lu kiʼi kəshi a akəshi kə əfòynə ə Nyìngòŋ.”

Efisyàns 5:5

Ghə̀ŋ kɨ nəmwèʼè la viʼi vyi a və dzɨ̀mtə̀ ki kò viʼi a və dzɨ̀mtə̀ lʉ̀mə nə̀ viʼi a və ne nyʉ̀ ə kəfwaʼlə ə tsenəvə nə̀ viʼi a ashɨ ə vəwenə bàŋ (a diʼ ji ə tsen ə nkuʼsə nshəʼsə) ə ko lu kwen akəshi kə əfòyn ə Klistò wenə Nyìngòŋ.

1 Tèsàlonyà 2:12

sensə ghə̀ŋ la ghə̀ŋ ə nkiʼ ətyɨm ə to ghə̀, tsi ntsìnə̀ yì a Nyìngòŋ ə kòŋ. Ghə̀ dzàŋ ghə̀ŋ la ghə̀ŋ vi tsèntə akəshi kə əfòyn ə wen,be nkiʼ əbayn ə ghoʼoghə.

2 Timotì 2:12

Vəghəŋ sətsen ə ghaʼa ətyɨm a tyi ngəʼsə, vəghəŋ və wen lu ə soʼo mbyi. Vəghəŋ sətsen tensə la vəghəŋ ə ko kɨ wen, ghə̀ lu be tensə la ghə̀ ko kɨ vəghəŋ.

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Hibùlù 11:16

Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.

Hibùlù 4:3

Vəghəŋ vi a və byɨmə lu kwen akəshi kə zhʉ̀təkə Nyìngòŋ na ki. Alì viʼi vyi a və ko byɨmə, ghə̀ gàʼ la, “Tinə ə ghom ə nfwi li, ma kàyntə̀ la, Vəwenə ko lə̀ kwen akəshi yi a mà tə ndiʼ lù ku əzhʉtə a vəwenə tsu.” Nyìngòŋ ə ngàʼa no tèbe alə̀ mu ghə̀ sə diʼ mù ghə̀ ə mwetə li shyèʼ wen to achʉʼ a ghə̀ nshɨtə mbyi.

Hibùlù 9:26

Kə ndiʼ ali mu ghə̀ ə nfaŋ li ə sə zen kətʉ kə viʼi no aghayn to kədə̀ŋ no fa chʉ a və nshɨtə mbyi. Alì luwen diʼ mu ghə̀ nvi to aghayn ə mùʼ ə ku wèn ə wen a kəku ə shʉ̀ ə mbyɨsə viʼi. Ghə̀ nè ando vəghəŋ sə tsi a məntsi məkəmwetə.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

1 Bità 1:9

Ghə̀ŋ ə saŋlə alə̀ byìʼì ando Nyìngòŋ ə ku əbwòŋ a ghə̀ŋ, a diʼ kənyʉ̀ kì a ghə̀ŋ byɨmə byìʼì kəwenkə.

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 19:16

Ndisə shìsə a ghə̀ ə̀ moʼò lì ə̀ ndìʼ mu və nyòʼò li əzhiʼ tsenghə tsu ə̀ bè shiʼi ə̀ nyòʼ à wen əkəbì la, “Fòyn ə̀ təfòyn, nə̀ Bobo ə̀ vəbobo.”

Kəmwetə 21:7

A sòyn zhɨ no ndo mbyɨ a mà ku mu na mèyn a wen ə ndiʼ Nyìngòŋ ə wen, ghə̀ diʼ wàyn a mò.

Kəmwetə 5:10

Wù ə ne li vəwenə sə diʼ vunə ngwàʼ ə̀ vəchəʼ və ngə̀ŋ ə̀ Nyìngòŋ a və shyèʼè à Nyìngòŋ ə̀ vəghəŋ. Vəwenə lu soʼ ə mbi ghèn.”