Matìyò 25:1 - The New Testament in the Babanki language

¹ Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen.

Matìyò 25:1 ပူးပေါင်းရင်းမြစ်များ

Matìyò 13:24

Yesò bè mò ngàyn tsen a vəwenə la, “Soʼo foynə Nyìngòŋ diʼ to nə̀ wìʼ a ghə̀ nlù mòʼ ngwàʼa jùŋ a wen a sɨm.

Matìyò 13:31

Yesò bè mò ngàyn tsen à vəwenə la, “Soʼo Fòyn Nyìngòŋ diʼ tò nə̀ shɨ fəkòʼ fə mostàd, a wìʼ nwe à wen a sɨm fə sə kwi.

Matìyò 13:38

Sɨm yi diʼ mbi, ngwàʼ jùŋə yì diʼ viʼi vyi a və diʼi a ti Soʼo Fòyn Nyìngòŋ, kəfʉ̀ kì diʼ viʼi vyi a və diʼì a ti soʼ Deblə̀.

Matìyò 13:47

Soʼ fòn Nyìngòŋ bè dìʼ tò nə̀ fəlàm a wìʼ mòʼò à mù ə tənkì tə shʉsə tə kwen tsu tò tətsèm,

Matìyò 20:1

Yesò dyʉ̀ a mbì nə̀ ziʼi wen gàʼà la, “Soʼo Fòyn Nyìngòŋ diʼ tò nə̀ fətitì fə tì sɨ̀m tsen a ghə̀ nlu a boʼòngə̀ŋ tsen fʉ̀ ədyʉ̀ kəŋ viʼi la və dyʉ̀ shwèʼ a wen ə sɨm.

Matìyò 22:2

“Və zì və shəʼmə Fòyn Nyìngòŋ nə̀ fətitì fə fòyn tsen a ghə̀ nlù baʼtə kəzhɨ kə lam wàyn wen wùlɨm.

Matìyò 25:7

Ngòynsə ki shì lù no sətsèm kùʼsə nkàʼtə̀ vəwenə.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Matìyò 9:15

Yesò ə bèm a vəwenə la, lɨm wùwì lə laʼa viʼi akəshi kə lam, və vi, və a ndì dì ghə̀ bu dìʼ to tsu lo? Kətsi kə lə vi, ə və lyɨ lù nə̀ lɨm wùwì fa vəwenə a ntìntìn, ə vəwenə mu ə bamə chʉ̀.

Joyn 18:3

Judàs mu lyɨ ə nòyn vəsugyèʼ benə viʼi vətsenvə a və nshyèʼè a ngə̀ŋ Nyìngòŋ, mu à tɨm tʉtʉ vəpfèm və̀ ngə̀ŋ Nyìngòŋ nə̀ viʼi Falàsi. Vəwenə ə vi ali, kiʼi əfo ghòŋ nə̀ nkàʼtə̀ nə̀ vəlamə.

Joyn 3:29

Wùwì ə lam nə̀ dyʉ̀ to a lɨmə wùwì. Wùndoŋ ə lɨmə wùwì yì a ghə̀ gyàmtə̀ wen nə̀ jèʼè to a wen a ntɨm, saŋlə no nànto a zhʉ a ghə̀ zhʉ ando lɨmə wùwì ə gàʼà. A lə ndə̀ŋndəŋ ji yì a ma saŋlə fa tsu luwen. Saŋlə ə ghomə ə diʼ luwen, mu ghə̀ lwin li nkwʉʼ.

Shwèʼ 20:8

Andìʼ a tì ngə̀ŋ kàŋ yì a yès ntsèntə̀ tsu, nkɨsə ndìʼ tsu no səghoʼo.

1 Kolìntyàns 11:2

Ma bwomsə ghə̀ŋ byìʼì ando ghə̀ŋ ə ko lyesə mò no fa mpfen be shɨtə ghaʼ əziʼi yì a ma ə nziʼi ghə̀ŋ tsu,

2 Kolìntyàns 11:2

Ghə̀ŋ ə̀ kɨ la ma shɨmtə ghə̀ŋ no nànto ndə̀ŋndəŋ to ando Nyìngòŋ ə shɨmtə. Mà sə diʼ mù ma fas li ə ku ghə̀ŋ a lɨm, a diʼ Yesò, kəŋ la kə ghə̀ŋ ne nkiʼ əmbyɨ no fa mpfen azhʉ̀ a ma kù ghə̀ŋ a wen.

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Kəmwetə 14:4

Viʼi avenə ndìʼ vi a vəwenə nko byɨsə təwen tə vəwenə wenə̀ və ki; à dìʼ vəwenə a vəwenə dzɨ̀mtə̀ wàyn bi ənjɨ̀ no fe a ghə̀ dyʉ̀; à dìʼ vəwenə a və̀ ndìʼ mu və zen li kətʉ kə vəwenə fà Wùmə̀nsòŋ vəwenə sə diʼ mbì ashɨ nkòʼ à Nyìngòŋ wenə̀ wàyn bi ənjɨ̀.

Kəmwetə 19:7

Vəghəŋ ə nsaŋlə̀, kuʼsə̀ Klistò be ghoʼsə̀ wen byìʼàndo əzhʉ kwʉʼ li ə wàyn bi ənjɨ̀ lam. Wì wen a diʼ ntsèntə̀sə diʼ mu ghə̀ shɨtə̀ li ə̀wen ə wen.

Kəmwetə 21:2

Ma mu yen ndo Nyìngòŋ ə tensə Ntə̀ʼ ə laynə andiʼ Jelusalèm ə fi, ghə̀ sə shiʼi vi fa kàŋ mu və shɨtə li làbsɨ wen sə və làbsɨ wùwì la ghə̀ dyʉ̀ yèyn lɨmə wen.

Kəmwetə 21:9

Ntsɨŋ Nyìngòŋ ə tsen fa ti ətsɨŋsə Nyìngòŋ shì sòmbo a sə nkiʼi əkaŋ vi sòmbo mu və lwinsə li nə̀ ngəʼ sə kəmwetə sisə tsu sòmbo li ə vi gàʼ a mò la “Vi, mà diʼ wùwì We Njɨ̀ a wù a diʼ ntsèntə̀sə viʼi vəbyɨmə və”

Kəmwetə 4:5

Əghʉ mwàntə̀, bwankə̀, gɨsə be fʉ vì fa kəfwoyn kə ghoʼokə kì. Ə̀ nkàʼtə̀ ə̀ mbaynə fa mbì kəfwon ayì sòmbo, andiʼ əzhwi ə Nyìngòŋ ə̀ sòmbo.

Kəmwetə 8:10

Ntsɨ̀ŋ ngə̀ŋ ə̀ Nyìngòŋ tsen bè tòŋ əsoŋ ə wen, vəwenə ndiʼ vətaʼ, fədzɨ̀ŋ fə ghoʼo fə lù fa kàŋ ə̀ fə̀ŋ a nse baynə tò nə̀ kənkàʼtə̀. Fə fəŋ a lì ə̀ chìʼ təshyə mù mə nchomə̀ əmùʼ, fa tì təshyə tətaʼ nə̀ a kə shi a mu nfʉ.