Matìyò 24:9 - The New Testament in the Babanki language

⁹ Viʼi lu ghaʼtə ghə̀ŋ ə ku la və ku ngəʼ à ghə̀ŋ, be zhwilə ghə̀ŋ. Viʼi təloʼ tətsèm lu bàyn ghə̀ŋ tò byìʼì mò.

Matìyò 24:9 ပူးပေါင်းရင်းမြစ်များ

Matìyò 22:6

Viʼi ntɨm fòyn a vyi dyʉ̀ a vətsenvə vəwenə ghaʼ viʼi ntɨm a vyi nyàblə̀ nə̀ vəwenə ə̀ zhwilə.

Matìyò 23:34

Mà mù sə gàʼà à ghə̀ŋ la mà ne tɨm nshə̀ʼtə̀sə nə̀ viʼi və tofəvə bènə̀ ndìʼsə̀sə kɨ la ghə̀ŋ ne a zhwilə vətsenvə ə bantə vətsenvə a kəntò be ghom vətsenvə fà ghə̀ŋ a aloʼ ntsèntə̀sə, be ndzɨ̀mə̀ vətsenvə no fa ntə̀ʼ ko a vəwenə dyʉ̀ tsu.

Ŋwàʼlə̀ Luk 11:49

Byìʼì la, wìʼ yì a və dzàŋ la, ‘Tof Nyìngòŋ’ ngàʼa la, ‘Ma ne tɨm nshə̀ʼtə̀ sə ghoʼkəsə nə̀ viʼi ntɨm à vəwenə, à vəwenə a zhwilə vətsevə, be tsuʼ aghʉ və tsen və.’

Ŋwàʼlə̀ Luk 21:12

Nyʉ̀ a venə lu sə nchò mu və ghaʼtəli ghə̀ŋ a loʼ ntsentə və Jus ə be wye ghə̀ŋ a mpfɨŋ. Və lu kyè ghə̀ŋ ə dyʉ̀ nə̀ ghə̀ŋ a shɨ təfòyn tə bènə̀ viʼi a və soʼ tò byìʼì mò.

Joyn 15:18

“Viʼi mbyi ne bayn ghə̀ŋ, ghə̀ŋ kwoʼtə ando və tə ə baynə mò fa ambì.

Joyn 15:21

Və a nè nyʉ̀ venə a ghə̀ŋ alə̀ no ətsèm, byìʼì mò byìʼàndo vəwenə ko kɨ wìʼ yì a ghə̀ tɨmə mo.

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Shwèʼ 28:22

Yès ə kəŋə zhʉ kwòʼtə̀ wu byìʼàndo yès ə chò no tè fa fe, zhʉ ando və gàʼà nyʉ̀ byɨvə byìʼì nkì nòyn ghenə a wu dìʼì tsu lə̀.”

Shwèʼ 7:59

Ando vəwenə mfaŋ ə̀ sə temlə Stifèn tò temlə, ghə̀ jɨ̀m ə̀ gàʼ la, “Bobo Yesò, lyɨ̀ kəzhwì kom.”

1 Bità 4:16

Alì, sətsen wìʼ ə fa ghə̀ŋ ə yenə ngəʼ byìʼì ando ghə̀ dzɨ̀mtə̀ Yesò, kə ghə̀ a diʼsəkətʉ, ghə̀ ə boŋsə kuʼsə to Nyìngòŋ byìʼì ando ghə̀ byɨmə azhiʼ ə Yesò.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.

Kəmwetə 7:14

Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.