Matìyò 24:13 - The New Testament in the Babanki language

¹³ No ndò a ghə̀ sətsèn lù wensə nyʉ̀ avenə əzaʼa kəmwètə lu bwoŋ.

Matìyò 24:13 ပူးပေါင်းရင်းမြစ်များ

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

Matìyò 24:12

Nyʉ̀ byɨvə lu nlyɨ̀ kəshi tò a shi no ghoʼo əzaʼa a nsəʼ tsen a viʼi ko be lə ntùʼù kòŋə̀ vətsenvə.

Matìyò 24:6

Ghə̀ŋ lu zhʉ ando və temə ghoŋ a mboʼsə be nzhʉ nyʉ̀ byìʼì təghoŋ a kəghaf. Ghə̀ŋ zhʉ a lì kə tətyɨm təŋtə a lɨ̀mə̀ byìʼàndo nyʉ̀ avenə dìʼi lyɨ̀ kəshi mibu mbi lù sə mè.

Ŋwàʼlə̀ Mak 13:13

Viʼi vətsèm lu bàyn ghə̀ŋ tò byìʼì mò, alì no ndò a ghə̀ lu ghaʼ tyɨm əzaʼa fa kəmwètə, Nyìngòŋ lu bwòŋsə wen.”

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

Hibùlù 10:39

A diʼ fa vəghəŋ, vəghəŋ ko diʼ to nə̀ viʼi vì a və nyɨŋ li bwenə fa bàm Nyìngòŋ. Vəghəŋ boŋsə diʼ viʼi vyi a və kiʼi əbyɨmə a wen, ghə̀ diʼ lù bwoŋsə vəghəŋ.

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.