Matìyò 23:8 - The New Testament in the Babanki language

⁸ Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

Matìyò 23:8 ပူးပေါင်းရင်းမြစ်များ

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 23:10

Kə ghə̀ŋ nkəŋə la və dzàŋ wìʼ fà ghə̀ŋ la kətʉ byìʼàndo kətʉ kə diʼ tò kə mùʼ à diʼ mo Klistò.

Matìyò 23:7

A lə̀ ndiʼ a zhʉ a vəwenə dyʉ̀ a shi mənsàm vəwenə sə kəŋə la viʼi nyɨŋə vì toŋtə vəwenə nə̀ gumləghə be kəŋə la viʼi ndzàŋə̀ vəwenə nə̀ ndìʼsə̀sə.

Matìyò 26:25

Tè Judàs yì a ghə̀ ndiʼi ne baʼlə wen bè gàʼ la, “Ndìʼsə̀, à dìʼ mo mu?” Yesò bwènsə̀ la, “Kə diʼ ando wu gaʼà.”

Matìyò 26:49

Judàs ne vì no a zhʉ kò ə̀ dyʉ̀ tò fəchìʼ à Yesò gàʼà la, “Mà toŋtə̀ a ndìʼsə̀.” No a zhʉ kò ə̀ bwamtə wen tò bwamtə.

Ŋwàʼlə̀ Mak 10:51

Yesò bèm à wen la, “Wù kəŋ la mà ne ghò à wù a?” Ghə̀ gàʼ la, “Ndìʼsə̀, ne ma mbwènsə̀ yenə shi.”

Ŋwàʼlə̀ Mak 11:21

Bità bwènsə̀ kwòʼtə̀ kənyʉ̀ kì a kə tə chò ə̀ gàʼ à Yesò la, “Yen a ndìʼsə̀, fəkòʼ fì a wù tə ghʉ kòn a wèn fəwenfə lì zɨm li!”

Ŋwàʼlə̀ Mak 14:45

Judàs vì ə̀ nàʼ dyʉ̀ tò à Yesò no a zhʉ̀ kò toŋtə wen la “Tìʼ” ə̀ mù bwàmtə wen tò bwàmtə.

Ŋwàʼlə̀ Mak 9:5

Bità mù gàʼ à Yesò la, “kə boŋə li a ndìʼsə̀ ando vəghəŋ dìʼ a shèn. Yès a bwom təto tətaʼ wù nkiʼ mùʼ, Mosìs kiʼ mùʼ, Elijà be kiʼ tsenghə.”

Ŋwàʼlə̀ Luk 22:32

alì ma jɨ̀məli a wù la kə byɨmə wù a fəŋ mè. Zhʉ a wù bwènsə̀li vi a mò wu tomsə vəlèmə̀ vyə”.

Joyn 1:38

Yesò ə kaʼsə ki, ə yen vəwenə to ando və vi fa a wen abàm ə bèm a vəwenə la, “Ghə̀ŋ kəŋ ghoʼ?” Vəwenə bèm la, “Wù tsi fe a Labày?” Labày na ghèn diʼi gàʼ lòʼ la “Ndìʼsə̀”.

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 11:8

Ndzɨ̀mtə̀sə bàm wensə toŋtə wen ə gàʼ la, “Ndìʼsə̀, à tə ndiʼ to fəkuʼ alə̀ viʼi Jus sə kəŋ ə tèmlə wù nə̀ nguʼsə, wù sə be kəŋ ə dyʉ̀ ə nè gho tsu a?”

Joyn 20:16

Yesò ə be toŋtə to wen azhiʼ la, “Mèli!” Mèli ə shɨtə ki Yesò azhʉ̀ na yi ə zɨ̀mə gàʼ a gaʼa ə Hibùlù la, “Làbonì!” Mu ghə̀ tòŋtə wen la, “Ndìʼsə̀.”

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Joyn 3:26

Ndzɨ̀mtə̀sə bàm ə Joyn na shìsə ne dyʉ̀ ə yen ə wen, ə gàʼ a wen la, “Ndìʼsə̀, wù kwòʼtə wìʼ yi a ve wen tə ndiʼ a dzen a mu mə Jodàn, a wù ngaʼa byìʼì wen li a? Ghə̀ sə ku mu a viʼi luwen, ali viʼi vətsèm sə dzɨ̀mtə̀ tò wen luwen.”

Joyn 4:31

A ndiʼ a zhʉ na ghèn, ndzɨ̀mtə̀sə bàm ə Yesò sə sensə wen gàʼ la, “Ndìʼsə̀, zhɨ li kəfo lò.”

Joyn 6:25

Viʼi na vyi mù ə yen Yesò ə bèm a wen la, “Ndìʼsə̀, wù vì a shèn a zhʉ ko?”

Joyn 9:2

Ndzɨ̀mtə̀sə bàm ə wensə toŋtə wen ə bèm a wen la, “Ndìʼsə̀, à nè mbyɨ ndò la wìʼ ghèn fyɨf to fa bwi a, ghə̀ tiʼi wen wenə lì wen mu no to ghə̀ wen lo?”

2 Kolìntyàns 1:24

Vəghəŋ ə kɨ to no nəmwèʼè la əbyɨmə ə ghəŋə to, ko yès ə lu kòŋ ə ntenlə wìʼ tenlə la ghə̀ ne kənyʉ̀ kumə əbyɨmə ə wen. Yès ə boŋsə kòŋ ə vi la vəghəŋ tsentə ə ne kənyʉ̀, kə vi to nə̀ saŋlə a ghə̀ŋ.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

Efisyàns 3:15

a diʼ wen yi diʼ Tìʼ ə ngwaʼa ngəŋsə yi a sə diʼ akàŋ be diʼ a nse no sətsèm.

Filimùyn 1:16

Ə zìtə̀ fa luwen, ghə̀ ko be diʼ a wù to nə̀ kəkòs kə, ghə̀ a ndiʼ a yowù to nə̀ lèmə̀ yowù a yowù ə kòŋ byìʼì ando vəghəŋ vəwenə ə kiʼi əbyɨmə ə mùʼ. Ma kòŋ wen, ali wù diʼ ə ne kòŋə̀ wen chò ando ma kòŋ. Wù ne kòŋ wen to nə̀ kəkòs ə kyəkə, be kòŋ wen to nə̀ wìʼ yi a ghə̀ əbyɨmə li a Bobo.

Jems 3:1

Kə nghoʼo ghə̀ŋ à ndiʼ ndìʼsə̀sə a vəlèmə̀ vwomə. Ghə̀ŋ ə kɨ la Nyìngòŋ lu soʼ vəghəŋ vi a və diʼì ndìʼsə̀sə chò viʼi vətsenvə.

1 Bità 5:3

Kə ghə̀ŋ a zhiʼtə viʼi vyi a və ku la ghə̀ŋ tùʼmə̀ nə̀ vəwenə. Ghə̀ŋ ə nboŋsə diʼ nchwi a vəwenə.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Kəmwetə 22:9

Alì ghə̀ gàʼ a mò la, “kə wù mwomsə! Ma shyèʼ a Nyìngòŋ ə to nə̀ wù nə̀ vəlemə vyə, mu à le nshə̀ʼtə̀ sə ghoʼsə nə̀ viʼi və tsèm vi a və zhʉ ə wʉ̀ nyʉ̀ vyi a və diʼi a ŋwàʼlə̀ ashə. Wu gumlə to Nyìngòŋ!”