Matìyò 23:39 - The New Testament in the Babanki language

³⁹ ‘Mà gàʼà à ghə̀ŋ la əlù fa luwèn ghə̀ŋ ko be lu yen mo à bwen tò la kətsi kì kə vi a ghə̀ŋ lu gàʼ la mbwaʼmə̀ dìʼ à wèn yì a ghə̀ vì a zhiʼ Bobo.’”

Matìyò 23:39 ပူးပေါင်းရင်းမြစ်များ

Matìyò 21:9

Nòyn viʼi vi a ghə̀ ndyʉ̀ fa shɨ Yesò nə̀ yi a ghə̀ mvì fà wen a bàm zìtə̀ sə̀ zɨmə gàʼà la, “Ghoʼsə dìʼ à wàyn fòyn Devìt! Nyìngòŋ bwaʼsə wìʼ yì a ghə̀ vi a zhiʼ nə̀ Bobo! Ghoʼsə diʼ à Nyìngòŋ a ghə̀ diʼ a kàŋ.”

Ŋwàʼlə̀ Luk 17:22

Ghə̀ mu bwènsə̀ gàʼ a ndzɨ̀mtə̀sə bàm wen la “Tʉʼ lə vyì a ghə̀ŋ lə shɨmtə la wàyn wìʼ yi ndiʼi ndiʼ wenə ghə̀ŋ alì, kò ndiʼ la ghə̀ŋ a yen.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

Joyn 14:9

Yesò ə bwensə bèm la, “Ma tsì li vəghəŋ no fa kəghaf alə̀ a Filib, ko wù lu kɨ mo? Nò tèbe ndò yi a ghə̀ yen mo sə diʼ mù ghə̀ yen li Tìʼ, wù ə be gàʼa la mà diʼ Bobo ə kò a ghə̀ŋ a?

Joyn 8:21

Yesò ə be gàʼ kwʉ̀ʼsə la, “Ma nè lu, kenla ghə̀ŋ zizi ghə̀ŋ dyʉ̀ a kəshi a ma dyʉ̀ tsu, ghə̀ŋ ne kəŋ mò, ko ghə̀ŋ lu yen, ghə̀ŋ ə ne ə pfʉkə a ghə̀ŋ a mbyɨsə.”

Joyn 8:24

Ma gàʼ li a ghə̀ŋ la ghə̀ŋ ne pfʉkə a ghə̀ŋ a mbyɨsə a zhʉ a sətsen ghə̀ŋ faŋ ke byɨmə la ma diʼ mo yi a ma diʼ.”

Joyn 8:56

Tìʼ ghə̀ŋ Ablaham ə yèn li ə kɨ la mà lu vi, kənyʉ̀ na kì kə nè, ghə̀ sə saŋlə no nànto.”

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.