Matìyò 23:16 - The New Testament in the Babanki language

¹⁶ “Ngəʼ ghoʼo diʼ à ghə̀ŋ viʼi kənshɨ̀f a və tensə viʼi. Ghə̀ŋ dìʼsə̀ la, Wìʼ sətsèn kàn a zhiʼ ngə̀ŋ Nyìngòŋ ghoʼo ə̀ fàŋ ke nè kənyʉ̀ akì kò ngəʼ tsen à ndiʼ, alì mu ghə̀ sətsèn bòŋsə̀ kàn a zhiʼ fo vi a və shɨ̀tə nə̀ tyanə a və diʼì a ngə̀ŋ Nyìngòŋ mu ghə̀ŋ diʼi nè kənyʉ̀ akì.

Matìyò 23:16 ပူးပေါင်းရင်းမြစ်များ

Matìyò 15:14

Ghə̀ŋ ghʉsə vəwenə tò a lì, vəwenə diʼ mfyɨ̀f alì kəŋ ndìʼì jì a vətsenvə. Kənfyɨf kə sətsèn ə ndìʼì jì a kətsenkə, vəwenə à tsèntə̀ fəŋkə a nkwòŋ no vətsèm.”

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 23:17

Ngu fo a və fyɨ̀fə li! A chò fo vi a və ti a və nghʉ a ngə̀ŋ Nyìngòŋ mu à chò ngə̀ŋ Nyìngòŋ yì a ghə̀ ne fo a vyi sə ŋwòʼə̀ lo?

Matìyò 23:19

Ghə̀ŋ fyɨ̀f ghò alə̀ a? A chò kəku mu a chò kəchiʼ kì a kə nè la kəku kì ndiʼ kə laynə lo?

Matìyò 23:24

Ghə̀ŋ viʼi kənshɨ̀f venə a və dìʼì jì a viʼi ghə̀ŋ kyèsə fənjìnjì fà ghə̀ŋ a tì məlyʉ̀ʼ alì bòŋsə̀ nyʉ fəmbwèʼè fo.

Matìyò 23:26

Nshɨ̀fə viʼi Falàsi venə! Ghə̀ŋ ə nshʉ̀ tinsə kaŋ, bènə̀ tinsə ndoŋsə shəŋsə, ndi dzem shisə be lan.

Gàlesìyà 5:3

Ma be shɨtə shə̀ʼtə̀ to no shə̀ʼtə̀ a ghə̀ŋ la, no ndò a ghə̀ byɨmə la və shətə ndyə̀ wen, ghə̀ ə kɨ la ghə̀ diʼ ə ghʉ no tə Əsoʼ tə tsèm.

Jems 5:12

A kwi nyʉ̀ no tsèm a ma gaʼà li a vəlèmə̀ vwomə, kə wìʼ à kàyn kənyʉ̀. Kə wìʼ a kàyn a zhiʼ Nyìngòŋ ko a zhiʼ ə̀ kəfo kətsenkə a nse ko kàyn tè məkàyn məntsenə. Alì kənyʉ̀ kə ndiʼ ə wìʼ byɨmə, ghə̀ ə byɨmə tò byɨmə, ə ndiʼ ə wìʼ tensə, ghə̀ tensə tò tensə ndi kə və lù soʼ ə̀ byɨ̀sə ghə̀ŋ.