Matìyò 23:14 - The New Testament in the Babanki language

¹⁴ [Ngəʼ ghoʼo dìʼ a ghə̀ŋ viʼi Falàsi bènə̀ ndìʼsə̀sə təsoʼ byìʼì kəmbɨ̀lə̀ kə ashɨ. Ghə̀ŋ lobtə̀ ki mpfʉ shi məbəŋ mə vəwenə be bɨ̀lə̀ ashɨ viʼi nə̀ təjɨ̀m tə dyə̀fkətə. Byìʼì nyʉ̀ avenə no tsèm ngəʼ ghə̀ŋ lu mbyɨfə chòsə̀.”]

Matìyò 23:14 ပူးပေါင်းရင်းမြစ်များ

Matìyò 11:24

Mà gàʼà ghə̀ŋ la, a lu ndiʼ a kətsi kə nsoʼ, Nyìngòŋ dìʼ kusə nshinsə a viʼi Sodòm chò ando ghə̀ lu dìʼ a ghə̀ŋ.”

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 23:33

Zhusə sə byɨsə sènsə ghə̀ŋ le lu nè no ghò la kə Nyìngòŋ lù soʼ ghə̀ŋ tɨ̀m ghə̀ŋ a kəshi kə zhìʼ byɨghə a?

Ŋwàʼlə̀ Mak 12:40

Vəwenə lu nkòŋə̀ əshi fo ki mpfʉ tò tsèm, bɨ̀lə̀ jɨ̀mə̀ jɨm lotəghə ndi diʼ la vəwenə diʼ viʼi və jùŋ və, Nyìngòŋ lu ku ngəʼ byɨ a vəwenə.”

Ŋwàʼlə̀ Luk 12:48

Ali yi a ghə̀ ko kɨ kənyʉ̀ a ti shyèʼ wen kəŋ, sətsen nè kənyʉ̀ a və yi ndiʼ ghòm wen tsu, kò və a ghòm wen nànto. No məndo a və sətsèn ku fo ghoʼvə a wen, mu və be a nkəŋ tò kə ghoʼ fa wen. Və sətsèn choʼ a no məndo chò, və ne a kəŋ bwènə̀ shi fà wen a nchoʼ.”

Ŋwàʼlə̀ Luk 20:47

Vəwenə kòŋə lobtə kyì mpfʉ̀ ə shi, fo vəwenə no tsèm, wamə ə diʼ la vəwenə diʼ viʼi və jùŋvə, byìʼì ando vəwenə jɨ̀mə̀ lòtə̀. Nyìngòŋ lə ku ngəʼ byìʼì vəwenə.”

2 Timotì 3:6

Viʼi vətsenvə ə diʼ a ntìntìn nə̀ vəwenə, jèʼè kwenə a aloʼ ə̀ viʼi, lobtə ki vyi a və ne li nchosə nyʉ̀ ə byɨvə ə sə kiʼ tətyɨm tə bwaʼa tə. Vəwenə ne li, ki a venə ə sə tsi tò a vəwenə a tyì soʼ.

Taytùs 1:10

Mà gàʼà alə̀ byìʼàndo viʼi diʼ no vəghoʼo a və ko zhʉ gɨ̀, gàʼà tò əgàʼ zɨmghə be lobtə̀ viʼi. Nyʉ̀ avenə tùʼù nè vəjew vyi ə bwensə li ə sə dzɨ̀mtə̀ Klistò.

Jems 3:1

Kə nghoʼo ghə̀ŋ à ndiʼ ndìʼsə̀sə a vəlèmə̀ vwomə. Ghə̀ŋ ə kɨ la Nyìngòŋ lu soʼ vəghəŋ vi a və diʼì ndìʼsə̀sə chò viʼi vətsenvə.

2 Bità 2:14

Vəwenə nə̀ nyʉ̀ʼ no zhʉ̀ko, kwoʼtə to ki viʼi. Vəwenə nə̀ nè mbyɨ, ko və bwaʼa, ə yèyn viʼi vi a əbyɨmə ə vəwenə ə bwaʼa, və lobtə, və kwen a mbyɨ. Vəwenə ghʉ li tə kwoʼtə tə vəwenə to ko. Nyìngòŋ ə telə li vəwenə!

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!