Matìyò 22:5 - The New Testament in the Babanki language

⁵ Vəwenə dyʉ̀ làʼà, kò wìʼ lù ghʉ̀ kətʉ a kənyʉ̀ a yì. No ndò bòŋsə̀ sə̀ dyʉ̀ tò a wen a kəshi. Wutsen lù fʉ̀ à wen a sɨm, wutsen bòŋsə̀ lù dyʉ̀ à wen a mbàʼànkùm.

Matìyò 22:5 ပူးပေါင်းရင်းမြစ်များ

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 22:4

Ghə̀ bè tɨm ə̀ kwʉ̀ʼsə̀ viʼi shwèʼ wen vətsenvə la və dyʉ̀ gàʼà à viʼi a vyi la və baʼtə li kəzhɨ kì mwetə. Və bvaʼa li vəmbòŋ bènə̀ nyamsə sətsensə. No ghò sə̀ diʼ və nzhɨ tò zhɨ, la vəwenə vi lì a kəshi kə kəzhɨ.

Matìyò 22:6

Viʼi ntɨm fòyn a vyi dyʉ̀ a vətsenvə vəwenə ghaʼ viʼi ntɨm a vyi nyàblə̀ nə̀ vəwenə ə̀ zhwilə.

Joyn 2:16

ə dyʉ̀ a viʼi a və ə mbaʼlə̀ lato ə kàyn a vəwenə la, “Ghə̀ŋ lyɨ̀ fʉ̀ nə̀ məwenə fa ashə̀. Kə Ghə̀ŋ kaʼsə ngə̀ŋ Tìʼ ghom a wòŋ.”

Shwèʼ 2:13

Alì viʼi vətsenvə bòŋsə̀ sə̀ chəʼə viʼi avenə gàʼà la, “Vəwenə nyʉ məlʉ̀ʼ mə nghaʼ vəwenə.”

Shwèʼ 24:25

Bol nè sə gàʼ ə nshə̀ʼtə̀ ando viʼi diʼ ndiʼ kənyʉ̀ kə tɨməkə be ghaʼa təwentə vəwenə, bè shə̀ʼtə̀ ando kətsi kə lu vì a Nyìngòŋ lu soʼ viʼi. Ando ghə̀ ngaʼa kənyʉ̀ akènkə, fàyn ghaʼ Felik, ghə̀ gàʼ la Bol lu a yì ne be dzàŋə wen a zhʉ a yì kiʼi zhʉ.

Lumans 2:4

Kə le diʼi la wù ko lyɨ tebè tùʼmə̀ ə kaynəghə Nyìngòŋ be nə̀ ə ghaʼa ə tyɨm ə Nyìngòŋ nə̀ jùŋ yì a ghə̀ ne a wù a kənyʉ̀ mu? A wù kɨli la Nyìngòŋ ə tùʼmə̀ kəŋ la wù kwitə ə tyɨm ə wu fa mbyɨsə a?

Lumans 8:6

Wìʼ ə ghʉ̀ kətʉ̀ a wenə nyʉ̀ ə njòsə wen, ghə̀ a pfʉ, ali mu ghə̀ ghʉ kətʉ kə wen a nyʉ̀ kəzhwì, kə a nè la ghə̀ kiʼi ntsìnə̀ yì a ghə̀ ko lu mè ə be nkiʼi mbwaʼmə.

2 Timotì 3:4

Vəwenə mbaʼlə̀ viʼi nə̀ ə gaʼa ə vəwenə, shenə nè kənyʉ̀ ko və kwòʼtə̀, chasə viʼi vətsenvə. Vəwenə ko lu nkòŋə̀ Nyìngòŋ, bòŋsə kòŋ tò nyʉ̀ njòsə wen.

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!