Matìyò 22:13 - The New Testament in the Babanki language

¹³ Fòyn mù gàʼ à viʼi shwèʼ wen la, “Ghə̀ŋ kwiʼ akwoŋ wen bènə̀ afwen wen shìsə̀ wen mòʼò dyʉ̀ a kəbəŋ kə fenəkə a kəshi a ghə̀ a nlyuŋlyuŋ dì tsu be pfiʼi asoŋ wen.”

Matìyò 22:13 ပူးပေါင်းရင်းမြစ်များ

Matìyò 12:29

“Ghə̀ŋ diʼi kwòʼtə̀ la, wìʼ zì ghə̀ kwen a ngə̀ŋ wù kədyòʼ ə̀ ghaʼa shi fo wen, à bwen la ghə̀ ghaʼ li wù kədyòʼ ayì ə nkwiʼ a mbì mi lo? Ghə̀ diʼi nè a lì, ə mu tsòŋ ngə̀ŋ wen.

Matìyò 13:30

Ghə̀ŋ ghʉsə asaŋ ayi nkwi tò a tì kəfʉ̀ʼ əzaʼa fa kətsi a və a fʉ əpfì. A lu ndiʼ a kətsi ayì mà gàʼ à viʼi və pfi və la vəwenə tsuʼ kəfʉ̀ʼ akì a mbì ə̀ kwìʼ a gə̀sə̀ və nè nyùʼ ə mù pfì asaŋ ayi pfwo ghʉ̀ à mò a kàŋ.”

Matìyò 13:42

ə̀ mòʼ vəwenə a kəshi kə zhìʼ ə vəwenə nlyuŋlyuŋ dì be pfiʼi asoŋ.

Matìyò 13:50

ə mòʼ vəwenə a kəshi kə zhìʼ, vəwenə nlyuŋlyuŋ dì be pfiʼi asoŋ tsu.

Matìyò 24:51

ə̀ lyomsə wen no a ji byɨ ə̀ we wen a nòyn viʼi vyi a və bɨ̀lə̀ ashɨ viʼi nə̀ nè nyʉ̀, wenə̀ vəwenə nlyuŋlyuŋ dì be pfiʼi asoŋ.”

Matìyò 25:30

Ghə̀ŋ shisə wù shwèʼ byɨ ghèn, tem a kəbəŋ kə fenəkə, a kəshi a ghə̀ a nlyuŋlyuŋ dì tsu be pfiʼi asoŋ wen.

Matìyò 8:12

Və lu bòŋsə̀ dzɨ̀m vunə ntuʼ vyì a və diʼ ndiʼ tsu, ə vəwenə fʉ̀ dyʉ̀ a tyì kəbəŋ kəfenəkə a və ne ndì sə̀ʼtə̀, pfiʼ asoŋ vəwenə.”

Ŋwàʼlə̀ Luk 13:28

Ghə̀ŋ lu yen Ablaham nə̀ Izìk nə̀ Jàkob bènə̀ nshə̀ʼtə̀ sə ghoʼkə sə no sətsèm a kəshi kə fòyn Nyìngòŋ ghə̀ŋ mu lyuŋlə dì, be pfiʼi asoŋ ghəŋə mù və shwinəli chʉ̀ ghə̀ŋ ə màʼà ghə̀ŋ a kəbəŋ.

Joyn 21:18

Ma gàʼà a wù to no nəmwèʼè la, a ndiʼ to ando wù bo diʼ wàyndyə, wù lafə, dyʉ̀ no tèbe fè ando wù kòŋ. Alì, wù na dwin, wu naʼsə̀ akwoŋ à wu, wìʼ ə labsə wù ə lyɨ̀ dyʉ̀ nə̀ wù akəshi, ko andiʼ la wu kòŋ.”

Shwèʼ 21:11

Ghə̀ vì shì kətəŋ kə Bol ə̀ kwìʼ aghʉ wen nə̀ avu wen tsu tò fà wen a ngə̀ŋ ə̀ gàʼ la, “Kəzhwì kə ŋwòʼəkə gàʼ la, a lè ando Vəjew vi a və diʼì a Jelusalèm ne kwiʼ wìʼ yì a ghə̀ kiʼì kətəŋ kènkə ə ku wen à tɨmə.”

Shwèʼ 7:54

Andìʼ ando viʼi soʼo nsoʼ vi nzhʉ nyʉ̀ vyi a Stifèn ngàʼà lì, tinsə vəwenə sə fwi no nànto,

2 Tèsàlonyà 1:9

Nyìngòŋ ə lu byɨbsə vəwenə ə nè vəwenə kiʼi ngəʼ yì a ghə̀ ko lu mè, ə faŋke ndiʼ tebè akəshi yi a Bobo nə̀ diʼ tsu, ko ghə̀ŋ lu yenə kədyòʼ kə kaynə kə ə wen.

2 Bità 2:17

Ndìʼsə̀sə dzɨŋ a sensə ə diʼ to nə̀ ashɨ məghòm azhʉ̀ mə zɨmə. Vəwenə nə̀ diʼ to nə̀ mboʼsə a zhʉ̀ a təfwof tə totə nə̀ tenə chò. Nyìngòŋ ə sə diʼ mù ghə̀ shɨtə li kəshi a vəwenə, kə fenə to la lèm.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

Kəmwetə 21:27

Kəfo kə ko lu kwen tebè ati ntə̀ʼ na ghèn, ko kə laynə. Wìʼ la ghə̀ nè nyʉ̀ kəməŋ kò wìʼ dzɨŋ lu kwen tebè tsu. A lu nə̀ kwen to viʼi vyi a və nyoʼo li təzhiʼ tə vəwenə a ŋwàʼlə̀ əbwòŋ nə̀ We Njɨ̀.