Matìyò 21:34 - The New Testament in the Babanki language

³⁴ Zhʉ məkwòŋ nè kwʉ̀ʼ ghə̀ tɨm viʼi shwèʼ wen vətsenvə la və dyʉ̀ gàʼ à viʼi vi a ghə̀ tə ku sɨm ayi à vəwenə la vəwenə ku və wen vəlamsə̀.

Matìyò 21:34 ပူးပေါင်းရင်းမြစ်များ

Matìyò 21:35

Viʼi a və nshwèʼè sɨm ayi ghaʼ viʼi shwèʼ tì sɨm vi a ghə̀ yì tɨm lì ghòm ghə̀ mùʼ, ə̀ zhwì kənkùmtə̀ kə wen be temlə ghətsen nə̀ ngùʼsə.

Matìyò 21:38

Viʼi shwèʼè sɨ̀m a vyi nè dyʉ̀ yen wàyn yì tò yenə, kwòʼtə̀ à vəwenə ngəŋsə la, Ghèn dìʼi ne ndiʼ njɨ̀ngə̀ŋ tì sɨ̀m ghèn. Vəghəŋ ghaʼ wen zhwi ndi lyɨ fo vi a ghə̀ tə ndiʼ ne lyɨ̀ lì.

Matìyò 21:40

Yesò mù bèm à vəwenə la, “kə lè yì chò alə̀ tì sɨ̀m a ghèn à bwènə̀ vì nè ale nə̀ viʼi vi a ghə̀ tə kù sɨm la vəwenə nshwèʼè lì?”

Matìyò 21:41

Vəwenə bwènsə̀ à wen la, “Kə sətsèn chò a lì, tì sɨ̀m ayì a zhwilə viʼi və byɨvə avenə, ə̀ kù sɨm ayi à viʼi kədyàŋ vəwenə nshwèʼè ku və wen fo tò a zhʉ.”

Matìyò 22:3

Ghə̀ nè bàʼtə myètə̀ ə̀ tɨ̀m viʼi shwèʼ wen la və dyʉ̀ dzàŋtə̀ viʼi vi a ghə̀ tə làʼà, alì viʼi a vyi tyen la vəwenə ko a vì.

Ŋwàʼlə̀ Mak 12:1

Yesò mù zìtə̀ sə mò ngàynsə à ndzɨ̀mtə̀sə bàm wen, gàʼà la, “Wutsen nlù bòʼ sɨm ashɨ nkoʼ tsenghə a və dzàŋə̀ nə̀ glapesə wen ə̀ kwiʼ mbàyn ghə̀ nyɨŋ kàʼ sɨm ayi bè tyùŋə nkwòŋ a və a ŋwìʼì mu mə̀ ashɨ nkòʼ a mì shɨ̀tə̀ məlyʉ̀ʼ tsu bè bwòm kəshi kə ŋaŋtə kə à ntsɨ̀ŋ a ntìntìn sɨ̀m ayì mù ku sɨm ayi à viʼi la və nshyèʼè gə̀tə̀ ku wen nə̀ fo a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə no kəghaf.

Ŋwàʼlə̀ Mak 12:7

Viʼi shwèʼè a vyi nè yen wàyn ayì tò yenə ə̀ gàʼ à vəwenə a ntìntìn la, ‘Ghèn dìʼ njɨ̀ngə̀ŋ tì sɨ̀m ghèn lə̀, vəghəŋ ghaʼ wen ə̀ zhwi ndi kiʼi fo vi a ghə̀ ndiʼi lu kiʼi!’

Ŋwàʼlə̀ Mak 12:9

Yesò mù bèm à vəwenə la, “kə lè yì chò a lì, tì sɨ̀m aghèn a nè ale?” Kə yi ndiʼ a lì, “Ghə̀ à vì zhwì viʼi a vyi ə̀ bwènsə̀ lyɨ̀ sɨ̀m wen kù à viʼi kədyàŋ.

Ŋwàʼlə̀ Luk 20:9

Ando ghə̀ ngaʼà alì bè mò ngàyn tsen à vəwenə la, “Wutsen nlu boʼ sɨm lamsə lwi wen, ə ku a viʼi la və shyèʼ, ə gə̀tə̀ ku wen nə̀ fo a və fʉ̀ fa tsu. Mù lù ə dyʉ̀ a loʼ tsen ghə̀ no kəghaf.