Matìyò 21:26 - The New Testament in the Babanki language

²⁶ Vəghəŋ sətsèn gàʼ la à nkù viʼi kù kədyòʼ à wen mu viʼi zì və mwom kənyʉ̀ à vəghəŋ a təwen byìʼàndo no vəwenə vətsèm ə̀ nlyɨ̀ la Joyn ndiʼ nshə̀ʼtə̀ ghoʼo.”

Matìyò 21:26 ပူးပေါင်းရင်းမြစ်များ

Matìyò 11:9

Ghə̀ŋ shə̀ʼtə̀ li a mò la ghə̀ŋ nkəŋ dyʉ̀ ənè ghò lo, əyen nshə̀ʼtə̀ ghoʼ mu? Kə diʼ tò a lì. Mà gàʼ à ghə̀ŋ la ghə̀ŋ ndyʉ̀ li yen wìʼ ghə̀ chò te nshə̀ʼtə̀ ghoʼo.

Matìyò 14:5

Helòd nkəŋ əzhwi Joyn alì sə fànə̀ viʼi byìʼàndo vəwenə nlyɨ̀ Joyn anə̀ nshə̀ʼtə̀ ghoʼo Nyìngòŋ.

Matìyò 21:11

Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Matìyò 21:25

Joyn wù ku à mù nlyɨ̀ kədyòʼ fa fe əku mu a? A nku Nyìngòŋ ku kədyòʼ à wen mu à nku viʼi lo? Vəwenə zìtə̀ sə̀ bèsə̀ à vəwenə a ntìntìn gàʼà la ‘Vəghəŋ sətsèn gàʼ la à nku Nyìngòŋ ku kədyòʼ à wen ghə̀ à bèm la ghə̀ŋ be tə mfaŋ ke byɨmə kənyʉ̀ a ghə̀ ngàʼà byìʼì ghò?’

Matìyò 21:27

Vəwenə kwòʼtə̀ a lì mù gàʼ à Yesò la, “Yès ko kɨ.” Yesò mù gàʼ à vəwenə la, “No nkàntə̀ mò li ko a shə̀ʼtə̀ kəshi kì a ma lyɨ̀ kədyòʼ fa tsu bu sə nè nyʉ̀ venə.”

Matìyò 21:46

vəwenə mù sə̀ kəŋə jì əghaʼ wen alì sə fàynə̀ nòyn viʼi yì a ghə̀ ndiʼì tsu byìʼàndo nòyn ayi nlyɨ̀ wen anə̀ nshə̀ʼtə̀ ghoʼo.

Ŋwàʼlə̀ Mak 11:32

Vəghəŋ sətsèn gàʼ la, ‘Kə nlu fà viʼi!’” (vəwenə mfànə̀ viʼi byìʼàndo viʼi vətsèm nkɨ la Joyn ndìʼ nshə̀ʼtə̀ ghoʼo.)

Ŋwàʼlə̀ Mak 12:12

Viʼi nè zhʉ̀ kənyʉ̀ a Yesò ngàʼà sə̀ mwòmsə̀ əghaʼ wen byìʼàndo vəwenə nkɨ la ghə̀ mò ngàyn ayì tò byìʼì vəwenə alì sə̀ fànə̀ nòyn viʼi yi a ghə̀ ndiʼì tsu mù ghʉ̀sə dyʉ̀ nə̀ wen ə̀ lù.

Ŋwàʼlə̀ Mak 6:20

No nkàntə̀ Helòd ə̀ mfànə̀ Joyn byìʼe ghə̀ nkɨ la Joyn dìʼ wù kənyʉ̀ kə tɨməkə be diʼ wù Nyìngòŋ. Helòd ko mbyɨmə la və ne kənyʉ̀ kə byɨkə kətsenkə à Joyn. Ghə̀ nkòŋ ə nzhʉtə̀ nyʉ̀ vyi a Joyn ngàʼà alì nyʉ̀ a vyi zhuŋsə wen no nànto.

Ŋwàʼlə̀ Luk 20:19

Ndìʼsə̀ sə təsoʼ bènə̀ tʉtʉ vəpfèm və ngə̀ŋ Nyìngòŋ kɨ la ghə̀ yi mò ngàyn yì byìʼì vəwenə mù sə kəŋ ji əghaʼ wen tò a zhʉ ayì ali vəwenə ə fàyn nə̀ ashɨ viʼi.

Ŋwàʼlə̀ Luk 20:6

Vəghəŋ sətsèn gàʼ la, ‘A nku viʼi ku adyòʼ à wen,’ viʼi vətsèm à tem ə zhwilə vəghəŋ nə̀ ngùʼsə byiʼ ando vəwenə nkɨ la Joyn ndiʼi nshə̀ʼtə̀ ghoʼo.”

Ŋwàʼlə̀ Luk 22:2

Tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ Nyìngòŋ nkəŋ jisə ə nyeʼtə zhwi Yesò kò ndiʼi la viʼi a kɨ byèʼ ando vəwenə fàynə viʼi.

Joyn 5:35

Joyn tə ndiʼ to nə̀ baynə a ghə̀ŋ. A tə ndiʼ a mətsi mə tsen nə̀, ghə̀ŋ ku ə zhʉtə nyʉ̀ vyi a ghə̀ ngàʼà, və diʼ to nə̀ baynə, nè la ghə̀ŋ ə saŋlə.

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Shwèʼ 5:26

Kətʉ kə viʼi vyi a və ntsɨ̀ŋə̀ ngə̀ŋ Nyìngòŋ lì nè zhʉ̀ a lì wenə̀ viʼi wen dyʉ̀ ghaʼ viʼi ntɨm a vyi tò nə̀ mbwaʼmə̀ byìʼàndo vəwenə mfànə̀ la viʼi zì və temlə vəwenə nə̀ ngùʼsə.