Matìyò 21:11 - The New Testament in the Babanki language

¹¹ Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Matìyò 21:11 ပူးပေါင်းရင်းမြစ်များ

Matìyò 2:23

Ghə̀ lù ə dyʉ̀ a shə loʼ sə̀ tsi a ntə̀ʼ tsen a və ndzàŋ nə̀ Nazalèt. Ghə̀ ne alì ndi lwinsə kənyʉ̀ kì a nshə̀ʼtə̀ sə ghoʼkə sə ngàʼa. Sə nlù gàʼ la,“Və lu dzàŋ wen nə̀ wyè wù Nazalèt”.

Matìyò 21:10

Yesò nè kwen mwètə̀ a Jelusalèm, ntə̀ʼ a yì nə̀ʼkə̀ no tsèm. Viʼi mù sə̀ bèmə̀ la, “Ghèn dìʼ ndo?”

Matìyò 21:26

Vəghəŋ sətsèn gàʼ la à nkù viʼi kù kədyòʼ à wen mu viʼi zì və mwom kənyʉ̀ à vəghəŋ a təwen byìʼàndo no vəwenə vətsèm ə̀ nlyɨ̀ la Joyn ndiʼ nshə̀ʼtə̀ ghoʼo.”

Matìyò 21:46

vəwenə mù sə̀ kəŋə jì əghaʼ wen alì sə fàynə̀ nòyn viʼi yì a ghə̀ ndiʼì tsu byìʼàndo nòyn ayi nlyɨ̀ wen anə̀ nshə̀ʼtə̀ ghoʼo.

Ŋwàʼlə̀ Mak 6:15

Viʼi vətsenvə gàʼà la, àdìʼ nshə̀ʼtə̀ Elijà a ghə̀ bwènə̀ mvi vətsenvə be gàʼà la àdìʼ nshə̀ʼtə̀ ghoʼo tsen to nə̀ shìsə a sə ndiʼì a tʉʼ mbì.

Ŋwàʼlə̀ Luk 13:33

Yesò bè mù gàʼ à viʼi la, “Ando diʼ alə̀, ma diʼi dyʉ̀ tò nə̀ mbì layn nə̀ boʼòngə̀ŋ, bènə̀ boʼòngə̀ŋ tsen yi, ndi zaʼa a Jelusalèm byiʼ ando və diʼi zhwi nshə̀ʼtə̀ ghoʼo tò Jelusalèm.

Ŋwàʼlə̀ Luk 24:19

Ghə̀ bwènsə̀ bèm a vəwenə la “Nyʉ̀ kò?” Vəwenə gàʼ a wen la “Nyʉ̀ kumsə Yesò wu Nazalèt, a ndiʼi nshyə̀ʼtə̀ ghoʼo. Ghə̀ əgaʼa bè nè nyʉ ghoʼkəvə a Nyìngòŋ viʼi bè byɨmə.

Ŋwàʼlə̀ Luk 7:16

Fàyn ghaʼ no viʼi vətsèm tsu. Vəwenə sə kuʼsə Nyìngòŋ gàʼà la, “Nshə̀ʼtə̀ ghoʼo vì li a vəghəŋ a ntìntìn. Nyìngòŋ vì li ə lye viʼi wen!”

Ŋwàʼlə̀ Luk 7:39

Ando wù Falàsi yì a ghə̀ nlaʼà Yesò, nyen kənyʉ̀ akyì sə gàʼà a wen a ngə̀ŋ la, “Wìʼ ghèn tu ndìʼ nshə̀ʼtə̀ ghoʼo, mu ghə̀ kɨ li nkì wùwì ghèn a ghə̀ kùmə̀ wen lə̀ dìʼ wù nyʉ̀ byɨvə.”

Joyn 1:21

Vəwenə be bèm kwʉ̀ʼsə a wen la, “Wù ə diʼ no ndò? A diʼ wu Ilajà mu?” Joyn gàʼ la ghə̀ ko diʼ Ilajà. Vəwenə be mù bèm la ghə̀ diʼ Nshə̀ʼtə̀ ə ghoʼo yì a və ə kəʼtə li mu? Joyn ə bè tensə tò tensə.

Joyn 1:25

Vəwenə ə bèm mwètə̀ a wen la, “Wu ə ko diʼ wìʼ a və tsuʼ li, ko ndiʼ la wu diʼ Ilajà, ko Nshə̀ʼtə̀ ə ghoʼo yì a və ə kə̀ʼtə̀, ə sə kù mu mə ghò?”

Joyn 4:19

Wùwì ghèn gàʼ a wen la, “Ma yen li a Tikəbəŋ la wù diʼi nshə̀ʼtə̀ ə ghoʼo.

Joyn 6:14

Viʼi na vi ə yen li kənyʉ̀ kə kaynəkə na kènkə a Yesò nè ə sə gàʼ la, “A diʼ to no Nshə̀ʼtə̀ ə ghoʼo yì a ghə̀ ndiʼ lu vì a mbyi.”

Joyn 7:40

Viʼi vətsenvə a ntìntìn ənòyn a yi ə zhʉ li kənyʉ̀ ki a Yesò ə gàʼ, ə sə gàʼa la, “nəmwèʼè wìʼ ghèn ə diʼ to no Nshə̀ʼtə̀ Nyìngòŋ ə ghoʼo.”

Joyn 9:17

Və laʼtə to alə, vəwenə be bwensə bèm a wìʼ ghèn a Yesò ə chʉʼ li la, “Nò wù ə kwoʼtə la gho kumə wen a? A ko ghə̀ tə chʉʼ ashɨ a wu.” Wìʼ ghèn ə bwensə la, “Ghə̀ diʼ nshə̀ʼtə̀ ə ghoʼo.”

Shwèʼ 7:37

Mosìs à aghèn dìʼ wìʼ yì a ghə̀ nlù gàʼ à viʼi Islel la, ‘Nyìngòŋ lu tsuʼ wìʼ ə ghə̀ ndiʼ nshə̀ʼtə̀ ghoʼo fà ghə̀ŋ a ntìntìn ə tɨm à ghə̀ŋ ndə̀ŋndəŋ ando ghə̀ tɨ̀m mo. A lu ndiʼ wìʼ mu və tsuʼ tò fà ghə̀ŋ a ngwaʼa ngə̀ŋ.’