Matìyò 20:34 - The New Testament in the Babanki language

³⁴ Yesò kusə nshinsə à vəwenə kùmsə̀ ashɨ vəwenə, vəwenə mù sə̀ yenə shi, ə̀ lù sə̀ dzɨ̀mtə̀ dyʉ̀ nə̀ wen.

Matìyò 20:34 ပူးပေါင်းရင်းမြစ်များ

Matìyò 14:14

Andìʼ a zhʉ a Yesò mfʉ a wèn à mù ghə̀ yèn nòyn viʼi no ghoʼo ə̀ kusə nshinsə à vəwenə mù sə̀ chʉʼʉ viʼi vəkwaʼkəvə a və ndiʼì à vəwenə a ntìntìn.

Matìyò 15:32

Yesò mù dzàŋ ndzɨ̀mtə̀sə bàm wen ə̀ gàʼ à vəwenə la, “Nshinsə ku mò à viʼi venə. Vəwenə tsi li vəghəŋ vəwenə a mətsi ntaʼ luwèn, alì kènla vəwenə təmə̀ zhɨ̀ kəfo. Ma ko kòŋ əgàʼ la vəwenə bwènə̀ mpfwo nə̀ jɨ̀ŋ. Wìʼ zì ghə̀ fʉ bwaʼ, ashɨ wen fen ghə̀ fəŋ a ji.”

Matìyò 20:33

Vəwenə gàʼ la, “Bobo,ne yès nyenə shi.”

Matìyò 21:1

Ando Yesò wenə̀ ndzɨ̀mtə̀sə bàm wen njèʼè dyʉ̀ boʼsə a Jelusalèm, ə̀ dyʉ̀ a ntə̀ʼ Bephag a ghə̀ ndiʼì a shə wenə pfèn olìf tsenghə. Ghə̀ mù tɨm ndzɨ̀mtə̀sə bàm wen səbò

Matìyò 8:15

Ghə̀ kùmsə̀ kəvu kə wen, wen tsuʼghə ayì mè tò a zhʉ ayì. Ghə̀ lù sə shɨ̀tə fozhɨvə, Yesò zhɨ.

Matìyò 9:29

Yesò ə kùm ashi ə vəwenə ə gàʼa la, “Nyìngòŋ ə nè, ə ghə̀ŋ bwənsə ə yenə, toʼ ndə̀ŋndəŋ ando ghə̀ŋ byɨmə li.”

Matìyò 9:36

A mu sə diʼ to ando ghə̀ yenə ənòyn ə viʼi vyi a ghə̀ ə fʉ vi, ghə̀ kusə shɨnsə a vəwenə byìʼì ando vəwenə ə nkiʼ ngəʼsə, sə ghoʼo, ko ə gyàmtə̀ ə ndiʼ. Vəwenə ndiʼ tò nə̀ byisə njɨ̀ kenə ntsɨ̀ŋ.

Ŋwàʼlə̀ Mak 7:33

Yesò gubtə̀ wen ashə mbyɨ ə̀ tèn mənyi mə avu wen a tiʼitiʼi wìʼ ayì bè chʉ̀ mənte ə̀ kùm kəlyɨmə kə wìʼ ayì nə̀ mənte a mì,

Ŋwàʼlə̀ Luk 18:43

No a zhʉ̀ kò, ghə̀ bwènsə̀ sə yenə shi, lu sə dzɨ̀mtə̀ dyʉ̀ nə̀ wen, kuʼsə dyʉ̀ nə̀ Nyìngòŋ. No mə ndò a ghə̀ yenə kənyʉ̀ a kə chò sə boŋ kuʼsə Nyìngòŋ.

Ŋwàʼlə̀ Luk 22:51

Yesò gàʼ la “kə kwʉʼli,”ghə̀ mù kùmsə kətiʼitiʼi kə wìʼ a kyi ə chʉʼ wen.

Ŋwàʼlə̀ Luk 7:13

Bobo n-yen wùwì a ghèn sə kusə nshinsə à wen no ŋàŋ ə gàʼ à wen la, “Chɨmə, kə wu be dì.”

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Hibùlù 2:17

A lə kənyʉ̀ ki a kə ne ghə̀ kaʼkə sə diʼ to wìʼ to nə̀ vəghəŋ vəlemə və wen, ndi ghə̀ shɨtə kɨ ə shyèʼ to nə̀ pfèm ngə̀ŋ Nyìngòŋ ə ŋaŋtə be kusə shinsə a viʼi, shyèʼ a Nyìngòŋ ə nè la ghə̀ lyesə ku mbyɨsə viʼi.

1 Bità 3:8

Ə mwètə̀, ghə̀ŋ ə tsèntə kiʼi to əkwoʼtə ə mùʼ, kusə shinsə, kòŋə təwen ə təŋtə to nə̀ vəlemə, tuʼmə be bwaʼmə.