Matìyò 20:30 - The New Testament in the Babanki language

³⁰ Vəwenə sə ndyʉ̀ yèn viʼi kənshɨ̀f vətsenvə vəbò ŋwʉʼ a wenə ji. Vəwenə nè zhʉ̀ la Yesò sə̀ chò, ə̀ zɨ̀mə gàʼ la, “Kusə nshinsə à yès a wàyn fòyn Devìt.”

Matìyò 20:30 ပူးပေါင်းရင်းမြစ်များ

Matìyò 13:4

Ghə̀ sə mòʼò ashɨ tsenghə fəŋkə a kəghʉ̀ kə ji mənyin vì tsɨ̀ftə ə̀ pfiʼ no a tsèm.

Matìyò 15:22

Wùwì Kanà tsen a ghə̀ ntsi boʼsə tsu vi à Yesò mù sə zɨmə dì gàʼà la,“Kusə nshinsə à mò a Bobo, wàyn fòyn Devìt! Wàyn ghom wùwì yenə ngəʼ no nànto byìʼàndo ghə̀ kiʼi kəzhwì kəbyɨkə.”

Matìyò 20:31

Viʼi vi sə̀ chìʼì vəwenə gàʼà la kə vəwenə be à zɨ̀mə, alì vəwenə bòŋsə̀ zɨ̀mə ghòʼtə la, “Bobo Wàyn fòyn Devìt, kusə nshinsə à yès.”

Matìyò 21:14

Viʼi kənshɨ̀f wenə̀ viʼi kənkwàʼkə̀ vì yèn wen tsu ghə̀ chʉʼ vəwenə.

Matìyò 21:9

Nòyn viʼi vi a ghə̀ ndyʉ̀ fa shɨ Yesò nə̀ yi a ghə̀ mvì fà wen a bàm zìtə̀ sə̀ zɨmə gàʼà la, “Ghoʼsə dìʼ à wàyn fòyn Devìt! Nyìngòŋ bwaʼsə wìʼ yì a ghə̀ vi a zhiʼ nə̀ Bobo! Ghoʼsə diʼ à Nyìngòŋ a ghə̀ diʼ a kàŋ.”

Matìyò 22:42

“Ghə̀ŋ kwòʼtə̀ la ghò byìʼì Wìʼ yì a Nyìngòŋ ntsuʼ li ə̀ ghʉ a? Ghə̀ŋ kɨ la ghə̀ dìʼ wàyn ndò?” Vəwenə gàʼ la ghə̀ dìʼ wàyn Devìt.

Ŋwàʼlə̀ Mak 10:46

Yesò wenə̀ ndzɨ̀mtə̀sə bàm wen ə boʼsə nə̀ nòyn viʼi vi nè vì zaʼa a Jelikò yèn wù kənshɨ̀f tsen a və ndzàŋə̀ wen nə̀ Bàtìmayùs andiʼ wàyn Timayòs ghə̀ ŋwʉʼ a wenə ji lonə fo.

Ŋwàʼlə̀ Luk 4:18

Kəzhwì kə Bobo kə diʼ à mò a kətʉ, byiʼ ando ghə̀ tsuʼ li mò la ma shə̀ʼtə ntɨm jùŋ a viʼi a və femə a kəzhwì. Ghə̀ tɨm li mò la mà laʼà à viʼi vyi a və ghaʼtə li la kətsi kə kwʉʼli ə və ghʉsə vəwenə, be ntɨm mo la mà laʼà à nshɨfə la kətsi kə kwʉʼli ə vəwenə yenə shi, ə be shisə viʼi vyi a və nyàblə̀ nə̀ vəwenə li fa ngəʼ,

Ŋwàʼlə̀ Luk 7:21

Vəwenə nsə vì alì, Yesò chʉʼʉ viʼi a zhʉ ayì no və ghoʼo fa tənkì tə təkwaʼa tìtə a vəwenə nkwaʼa nə̀ təwentə be dzɨ̀mə̀ zhwì byɨvə, be nè la nfyɨf ghoʼvə bwènsə̀ yen shi.

Shwèʼ 2:30

Devìt ə̀ ndìʼ nshə̀ʼtə̀ ghoʼo Nyìngòŋ mu Nyìngòŋ nzhɨ li məkàyn wenə̀ wen la ghə̀ lu ŋwʉʼsə wù ngwaʼa ngə̀ŋ wen à wen a kəfwoyn.