Matìyò 20:26 - The New Testament in the Babanki language

²⁶ Kə ko diʼ ne ndiʼ a lì à ghə̀ŋ. No məndò a ghə̀ kəŋə ndiʼ wu ghoʼo à ghə̀ŋ a ntìntìn, diʼì ndiʼ wù shyèʼ à ghə̀ŋ

Matìyò 20:26 ပူးပေါင်းရင်းမြစ်များ

Matìyò 20:27

bènə̀ la no ndò yì a ghə̀ kəŋ əndiʼ kətʉ fà ghə̀ŋ a ntìntìn diʼ ndiʼ anə̀ kəkòs à ghə̀ŋ.

Matìyò 25:44

Viʼi nyʉ̀ byɨvə a vyi mu mbèmə̀ a zhʉ ayì la, Bobo, yès nyèn wù fe jɨ̀ŋ zafə wù, toŋ à mù zɨmə wù, wù diʼ wu fi, diʼ nə̀ kənàʼ ntsuʼ, kwaʼà, diʼ a ngə̀ŋ mfɨŋ, kènla yès gyamtə li wù a?

Matìyò 27:55

Ki vətsenvə no vəghoʼo nti no kəghaf lyè nyʉ̀ avenə. Vəwenə mvi fa Galìlì wenə̀ və Yesò jèʼè gyàmtə̀ vì nə̀ wen.

Ŋwàʼlə̀ Mak 10:43

Kə ko dìʼ ndiʼ a lì à ghə̀ŋ a ntìntìn. No ndò a ghə̀ kəŋə ndiʼ kətʉ a ghə̀ŋ a ntìntìn bòŋsə̀ diʼ ndiʼ wù shwèʼ à ghə̀ŋ vətsèm.

Ŋwàʼlə̀ Mak 10:45

Kə diʼ ndiʼ a lì byìʼàndo Wàyn Wìʼ ko tə vì la və nshwèʼè à wen. Ghə̀ tə vì əshwèʼ à viʼi ndi be ku sò kətʉ wen ə pfʉ ndi zen kətʉ kə nghoʼo viʼi.”

Ŋwàʼlə̀ Mak 9:35

Yesò ŋwʉʼʉ a nse ə̀ gàʼ à ndzɨ̀mtə̀sə bàm wen shì njʉ̀sə̀ bò la sə kwentə vì boʼsə wen. Ando vəwenə mviʼtə̀ boʼsə, ghə̀ gàʼ à vəwenə la, “No ndò yì a ghə̀ kòŋ ndiʼ mbì dìʼì ghʉ wenə wen a bàm viʼi no vətsèm be ndiʼ wù shwèʼ à viʼi vətsèm.”

Ŋwàʼlə̀ Luk 18:14

Mà shə̀ʼtə̀ a ghə̀ŋ la wìʼ a ghèn nlù sə pfwo zaʼa à wen ngə̀ŋ mu Nyìngòŋ tsəʼsəli mbyɨsə wen, ali kèn la ghə̀ tsəʼsəli mbyɨsə wu Falàsi yì. No məndo a ghə̀ kuʼsə wenə wen, Nyìngòŋ lu shiʼsə wen, alì no ndo a ghə̀ shiʼsə̀ wenə wen a nsè, Nyìngòŋ lu kuʼsə wen.”

Ŋwàʼlə̀ Luk 22:26

kə ko diʼ ndiʼ alì a ghə̀ŋ a ntìntìn byìʼè wu to a ghə̀ŋ ntìntìn diʼi bòŋsə diʼ tò nə̀ wu tyetə, kətʉ diʼ ndiʼ tò nə̀ wù shyèʼ.

Joyn 18:36

Yesò ə gàʼ la, “Ma ko soʼo ə fòyn ə ghomə a mbyi ashə̀. Abwen ali, viʼi shyèʼ ə mò soynə ə tàmtə la kə viʼi Jus ə ghaʼ mo. Ma soʼo fòyn ə ghomə fa akəshi kə kədyàŋ.”

Shwèʼ 13:5

Vəwenə nè dyʉ̀ zaʼa a ntə̀ʼ Salamìs a Saybùs ə̀ kwen tsu ə̀ shə̀ʼtə̀ ntɨm Nyìngòŋ a aloʼ ntsèntə̀ Vəjew. Vəwenə ndiʼ wenə̀ və Joyn Mak, a ghə̀ njèʼè gyàmtə̀ vəwenə.

2 Kolìntyàns 1:24

Vəghəŋ ə kɨ to no nəmwèʼè la əbyɨmə ə ghəŋə to, ko yès ə lu kòŋ ə ntenlə wìʼ tenlə la ghə̀ ne kənyʉ̀ kumə əbyɨmə ə wen. Yès ə boŋsə kòŋ ə vi la vəghəŋ tsentə ə ne kənyʉ̀, kə vi to nə̀ saŋlə a ghə̀ŋ.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

Filimùyn 1:13

Ma zizi mà ə koŋə ghʉ̀ la ghə̀ faŋ to ashə ndiʼ ghə̀ lyɨ̀ kəshi ə kyəkə ə gyàmtə̀ mò, ando mà sə diʼ a ngə̀ŋ nfɨŋ lə byìʼì ando ma tə nshə̀ʼtə̀ ntɨm ə jùŋ,

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.

1 Bità 5:3

Kə ghə̀ŋ a zhiʼtə viʼi vyi a və ku la ghə̀ŋ tùʼmə̀ nə̀ vəwenə. Ghə̀ŋ ə nboŋsə diʼ nchwi a vəwenə.

Kəmwetə 17:6

Mà yen mu wùwì ayì ə nyʉ li mənlyuŋ mə viʼi ə Nyìngòŋ nə̀ mənlyuŋ mə̀ viʼi a və̀ nzhwilə̀ byìʼàndo vəwenə ntɨmə viʼi vəyenəvə a ənyʉ̀ ə Yesò. Mà ə̀ nyenə wen ə̀ sə̀ diʼ nə̀ kanə ghoʼoghə,