Matìyò 20:21 - The New Testament in the Babanki language

²¹ Yesò bèm à wen la, “Wù kəŋ la mà ne ghò à wù a?” Ghə̀ gàʼ la, “Mà sensə̀ wù la wù byɨmə la à lu ndiʼ a tʉʼ a wù sə̀ soʼo Fòyn wu, vunə vwomə venə vəbò lə̀ ŋwʉʼʉ a wù a mbyɨ̀, ghə̀ muʼ à wù a kwoŋ toghə nə̀ ghətsen à wù a kwoŋ nànkwè.”

Matìyò 20:21 ပူးပေါင်းရင်းမြစ်များ

Matìyò 18:1

Tò a zhʉ a yì ndzɨ̀mtə̀sə bàm Yesò sə vì bèm à wen la,“A chò ndò chò wutsen a soʼ Fòyn Nyìngòŋ a?”

Matìyò 19:28

Yesò gàʼ à vəwenə la, “Mà gàʼà à ghə̀ŋ nəmwèʼè la a lu ndiʼ a mbi fi, a zhʉ a Wàyn Wìʼ ŋwʉʼʉ li à wen a kəfwoyn nə̀ ghoʼo wen, a dìʼ a zhʉ ayì a ghə̀ŋ vi njʉ̀sə̀ bò a ŋwʉʼʉ a fwoyn njʉ̀sə̀ bò ə nsoʼo ngwàʼsə loʼ Islel shì njʉ̀sə̀ bò.

Matìyò 20:22

Yesò mù bwènsə̀ à vəwenə la, “Ghə̀ŋ ko kɨ̀ kənyʉ̀ a ghə̀ŋ gàʼà.” Bè mù bèm à vəwenə la, “Ghə̀ŋ lè zì ghə̀ŋ yen ngəʼ ghèn a mà diʼi ne yen lə a? Vəwenə byɨmə.”

Matìyò 20:32

Yesò tɨmə dzàŋtə̀ vəwenə ə̀ bèm à vəwenə la, “Ghə̀ŋ kəŋ la mà ne ghò à ghə̀ŋ a?”

Ŋwàʼlə̀ Mak 10:51

Yesò bèm à wen la, “Wù kəŋ la mà ne ghò à wù a?” Ghə̀ gàʼ la, “Ndìʼsə̀, ne ma mbwènsə̀ yenə shi.”

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Ŋwàʼlə̀ Mak 6:22

Wàyn wùwì Helodiyas nè kwen vì mù sə bènə̀. Kənyʉ̀ ki kə fwom à Helòd wenə̀ viʼi və vi və wen vi. Ghə̀ mù gàʼà wàyn wùwì ayì la, “Bèmə no tè ghò a wù kòŋə̀ a mà a ku à wù.”

Ŋwàʼlə̀ Luk 18:41

“Wù kəŋ la mà nè ghò à wù a?” Wì a bwènsə̀ gàʼ la, “Bobo, ne mà bwènsə̀ yenə shi!”

Ŋwàʼlə̀ Luk 19:11

Ando viʼi mbu zhʉtə gaʼa Yesò a ghenə̀, ghə̀ be mò ngàyn tsen à vəwenə byiʼ ando ghə̀ sə boʼsə dyʉ̀ a Jelusalèm, vəwenə kwòʼtə̀ la Nyìngòŋ zìtə̀ soʼo fòyn wen tò a zhʉ a ghèn.

Ŋwàʼlə̀ Luk 22:24

Vəwenə bè zìtə̀ sə gùmə̀ à vəwenə a ntìntìn byìʼì wìʼ a ghə̀ ndiʼ kətʉ.

Joyn 15:7

Ghə̀ŋ sətsen faŋ a mo wen, əziʼi ə ghomə a faŋ a ghə̀ŋ kətʉ, ghə̀ŋ bèm no tèbe ghò a ghə̀ŋ kòŋ fa Tìʼ ghom, ghə̀ a ku a ghə̀ŋ.

Shwèʼ 1:6

Kətsi kətsenkə vəwenə be ŋwʉʼʉ a ntsèntə̀, viʼi ntɨm wen mù sə̀ bèmə̀ à wen la, “Bobo, zhʉ kwʉʼʉ̀ li ə wù bwensə̀ kù soʼ fòyn à viʼi Islel mu?”

Lumans 12:10

Ghə̀ŋ ne kòŋ təwen ə təŋtə to nə̀ vəlemə, be nyʉ̀ʼ məzhʉ̀ ə tsèm, gumlə təwen ə təŋtə.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

Kòlòsyàns 3:1

Ando ghə̀ŋ sə diʼ mù Nyìngòŋ ə lùsə li ghə̀ŋ və Yesò fa pfʉ amuʼ, ghə̀ŋ ghʉ tətyɨm təŋtə a nyʉ̀ yi a və diʼi akàŋ, akəshi yi a Yesò ŋwʉ̀ʼ tsu ashə kwoŋ ə toghə Nyìngòŋ.