Matìyò 20:19 - The New Testament in the Babanki language

¹⁹ Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Matìyò 20:19 ပူးပေါင်းရင်းမြစ်များ

Matìyò 12:40

Ando Jonà ntsi mətsi ntaʼ a bèmə̀ shʉ̀, a dìʼi ndə̀ŋndəŋ ando Wàyn Wìʼ ne pfʉ ə tsi mətsi ntaʼ a tì nse mibu lù.

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 17:23

və zhwi wen a sə ndiʼ a mətsi ntaʼ Nyìngòŋ lusə wen fa pfʉ. Kənyʉ̀ akì sə̀ ku ngəʼ a ndzɨ̀mtə̀sə bàm wen no nànto.”

Matìyò 27:26

Bilate mù shìsə Bàlabàs fa mfɨŋ ando vəwenə kəŋə ə kù Yesò la və ghom mi bu dyʉ̀ bantə wen a kəntò.

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Ŋwàʼlə̀ Mak 14:65

Viʼi vətsenvə mù zìtə̀ sə̀ chʉlə̀ mənte a wèn Yesò, chiʼtə̀ kəʼə wen nə̀ basə ndisə, ghòmə̀ wen, gàʼà la,“shə̀ʼtə̀ lì la à ghòm ndò wù lo.” Ntsɨ̀ŋsə kətʉ kə tʉtʉ vəpfèm və ngə̀ŋ Nyìngòŋ kì bè shi wen ə̀ ghòm.

Ŋwàʼlə̀ Mak 15:1

Tʉʼ lan, tʉtʉ vəpfèm və ngə̀ŋ Nyìngòŋ, vəchəʼ, ndìʼsə̀sə təsoʼ bènə̀ viʼi soʼo nsoʼsə vi no vətsèm ghàʼa ə̀ ntsèntə̀ ə̀ bàʼtə nyʉ̀ vəwenə mù kwìʼ Yesò ə̀ dyʉ̀ nə̀ wen à Bilate.

Ŋwàʼlə̀ Mak 15:15

Bilate shìsə̀ Bàlabàs fa mfɨŋ ndi nè la viʼi vi ndiʼ nə̀ saŋlə ə̀ ghòm Yesò nə̀ kənjʉ̀ mù ku wen la və dyʉ̀ bayntə a kəntò.

Ŋwàʼlə̀ Luk 18:32

Və ne ku wen a tɨmə, ə və chəʼə wen, nè nyʉ diʼsə kətʉ, bè chʉ̀lə mənte a wenə wèn.

Ŋwàʼlə̀ Luk 23:11

Elod wenə̀ ve sugyèʼ və wen sə̀ chəʼə wen be gaʼà nyʉ̀ zafə və a wen. Vəwenə mù moʼ dàlə a moʼo tò təfòyn a wen a wèn, bwènsə̀ təmə wen a Bilate.

Ŋwàʼlə̀ Luk 24:46

bè mù gàʼ a vəwenə la “Nəmwèʼè, və nyoʼli la Klistò ne yen ngəʼ a sə̀ ndiʼ a bàmə mətsi ntaʼ ghə̀ be lu fa pfʉ,

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Shwèʼ 21:11

Ghə̀ vì shì kətəŋ kə Bol ə̀ kwìʼ aghʉ wen nə̀ avu wen tsu tò fà wen a ngə̀ŋ ə̀ gàʼ la, “Kəzhwì kə ŋwòʼəkə gàʼ la, a lè ando Vəjew vi a və diʼì a Jelusalèm ne kwiʼ wìʼ yì a ghə̀ kiʼì kətəŋ kènkə ə ku wen à tɨmə.”

Shwèʼ 4:27

A le kənyʉ̀ a kə ncho a ntə̀ʼ a shèn. Fòn Helòd wenə̀ Bontiyùs Bilate nə̀ viʼi tɨm vətsenvə bènə̀ viʼi Islel ə̀ zhùŋtə̀ sə̀ baʼtə̀ əsoyn Yesò, wù shwèʼ wu ŋwoʼə yì a wu ntsuʼ li ə̀ ghʉ.